Jueces 16:27 - Bible in Tzeltal Bachajón

²⁷ Mero nojel ta ants-winiquetic te na soc tey ayic a spisil te príncipaletic yu'un te filisteohetic. Ta scha'cajal ay wan j'ohlil waxacbahc' (3,000) ta tuhl ants-winiquetic te yacalic ta yilel te bin yac ta spasel te Sansón.

Bible in Tzeltal de Oxchuc y Tenejapa

²⁷ Spisilic te ajwaliletic yu'un filisteoetic ayic ta templo, nojel yu'unic ta winiquetic soc antsetic. Ay wan oxmiluc (3,000) ta jtul te ayic ta sba templo, yacalic ta yilel te Sansón te bayal bitic ac'bot spas ta swenta tse'luyel.

Jueces 16:27 Referans Kwoze

Deuteronomio 22:8

Te c'alal yac apas yach'il ana, ya me awa'be sts'ahcul ta sjoyobal ta sba, scuenta yu'un teme ay mach'a ya xch'ay cohel tey a, ma ba yac ata mulil yu'un ch'ich' a ha'at soc te mach'atic awu'un ta ana.

2 Samuel 11:2

Ta jun c'ahc'al ta tibiltic hahch ta swayib te David, behen ta yamaq'uil sba sna ajwalil, la yil cohel jtuhl ants yac ta atimal; mero t'ujbil ants.

Josué 2:8

Ma to xwayic a te jtsahtaywanejetic, te ants mo bahel ta sba sna, hich c'oht yalbe:

Jueces 9:51

Ta yohlil te Tebes ay tulan ilo-q'uinal, tey la snac' sbahic a spisil te mach'atic ayic ta pueblo, winiquetic soc antsetic. La smaquic hilel te puertahetic, mohic bahel ta sba te toyol ts'ahque.

Jueces 16:26

Ha yu'un te Sansón la yalbe te querem nitbil yu'une: Ac'awon tey ta banti ya jta ta tsaquel te muc'ul oyetic te ipajemic a te na, yu'un ya quich' quip a, xchi.

Jueces 16:28

Te Sansón la sc'opon te Jehová, hich la yal: Cajwal Jehová, awocoluc, na'awon soc a'bon quip jun xan buelta, Dios cu'un, scuenta yu'un ya ca'be stojic te filisteohetic te schebal te jsite, xchi.