Jueces 16:22 - Bible in Tzeltal Bachajón

²² Pero cha'nahtub xan te stsotsel sjol te yich'oj set'el.

Bible in Tzeltal de Oxchuc y Tenejapa

²² Ja'uc me to, cha'najt'ub xan te stsotsil sjole.

Jueces 16:22 Referans Kwoze

Deuteronomio 32:36

Te Jehová ya me schahpan te pueblo yu'un, soc ya me sna'be yo'bolil sbahic te a'batetic yu'un c'alal ya yil te lajix yipic, soc te mayuquix hilem a'bat o te mach'a libre aye.

Levítico 26:44

Aunque hich ay, te c'alal ayic ta sq'uinal a te scontrahic, ma ba ya jch'ayic hilel soc ma ba ya quihlayic scuenta slajinel, te hich ya xch'ay cu'un te chapbil-c'op cu'un te la jchahp soc, como ho'on, Jehovahon, te Dioson yu'unique.

Jueces 16:21

Te filisteohetic la stsaquic, la sloq'uesbeyic sit, la yiq'uic bahel ta Gaza, soc la schuquic ta cadenahetic pasbilic ta bronce scuenta yu'un ya sbehentes molino ay ta cárcel.

Jueces 16:23

Te príncipaletic yu'un te filisteohetic la stsob sbahic ta ya'beyel milbil smahtan te Dagón, te dios yu'unic, soc ta spasel q'uin. Hich la yalic: Te dios cu'untic la ya'botic ta jc'abtic te Sansón, te jcontratic, xchihic.