Jueces 16:18 - Bible in Tzeltal Bachajón

¹⁸ C'alal la yil te Dalila te a'bot sna' spisil, la sticon ta iq'uel tal te príncipaletic yu'un te filisteohetic, hich la yalbe: La'ic me jun xan buelta, yu'un la ya'bonix jna' spisil, xchi. Hich talic te príncipaletic yu'un te filisteohetic, yich'ojic tal te taq'uin ta sc'abic.

Bible in Tzeltal de Oxchuc y Tenejapa

¹⁸ C'alal la staix ta na'el stojol Dalila te bi muquen aye, la sticun ta albeyel te ajwaliletic yu'un te filisteoetic: —Ta ora yo'tic, la'ic me. Te Sansón la yac'bonix jna' stojol te bi muquen ay yu'une —xi' bael sc'op. Jich bajt'ic ta yilel, yich'ojic bael te taq'uin ta sc'abic.

Jueces 16:18 Referans Kwoze

1 Timoteo 6:10

Como te slohp' spisil te bintic chopole ha te sbic'sitayel taq'uin. Ay mach'atic la sbic'sitayic taq'uin, hich la yihquitayic sch'uhunel Dios soc ha'ic nix la ya'be sba bayel swocolic yu'un.

San Mateo 26:15

hich la yal: ¿Bin yac awa'bonic a teme ya ca'beyex ta ac'abic te Jesús? xchi c'ohel. La yahtaybeyic lajuneb scha'winic ta sehp plata.

Jueces 16:5

Te príncipaletic yu'un te filisteohetic baht yilic te ants, hich la yalbeyic: Lo'loya soc joc'obeya banti ya xtal te bayel yip soc bin ut'il ya xhu' cu'untic stsalel, yu'un ya jchuctic, hich ya x'och ta jc'abcotic. Te jujutulotcotic ya ca'batcotic ho'lajunwinic yoxbahc' (1,100) ta sehp plata, xchihic.

Efesios 5:5

Como ana'ojic te ma xhu' ya x'ochic ta banti ay te cuentahinel yu'un Cristo soc yu'un Dios te j'antsinel soc j'antsiwej, te mach'a bohloben sc'oblal, o te ay sbic'tal yo'tan, te ha pajal soc sch'uhunel loc'omba.

Proverbios 18:8

Te sc'op te lehaw ta c'op hich ay te bin ut'il c'unil we'elil; ya xc'ub bahel c'alal ta yutil sbaq'uetal.

Salmos 62:9

Te ants-winiquetic te peq'uel ayic ha nax sahb ye, te mach'atic muc' sc'oblalic ma ba smelelil; te pajaluc ya yich'ic licbeyel yalalic ta balanza, pajal mayuc yalalic te hichuque.

1 Reyes 21:20

Te Acab la yalbe te Elías: ¿La bal atahonix, jcontrahat? xchi. La yal te Elías: La jtahat, como la awac' aba ta spasel te bin chopol ta stojol Jehová.

Números 22:7

Bahtic te mamaletic yu'un Moab soc Madián, yich'ojic bahel ta sc'abic te mahtaniletic scuenta na'ojel. C'ohtic ta stojol Balaam, la yalbeyic te bin la yal te Balac.

Jueces 16:17

Hich la yalbe ya'iy spisil bin ay ta yo'tan: Mayuc bin ora yich'oj set'el jol, yu'un nazareohon ta stojol Dios c'alal ma to x'ayinon a. Teme ya yich' loq'uesel te stsotsel jol, ya xch'ay te quip, hich ya xc'ohon te bin ut'il yantic winiquetic, xchi.

Jueces 16:19

Te Dalila la swaytes te Sansón ta sjol yacan; la yic' tal jtuhl winic te la set'be te huctohm stsotsel sjol. Hich te ants hahch yuts'in; hich laj te yipe.