Jueces 16:17 - Bible in Tzeltal Bachajón

¹⁷ Hich la yalbe ya'iy spisil bin ay ta yo'tan: Mayuc bin ora yich'oj set'el jol, yu'un nazareohon ta stojol Dios c'alal ma to x'ayinon a. Teme ya yich' loq'uesel te stsotsel jol, ya xch'ay te quip, hich ya xc'ohon te bin ut'il yantic winiquetic, xchi.

Bible in Tzeltal de Oxchuc y Tenejapa

¹⁷ Ja' yu'un ta slajibal la yalbey Dalila te bit'il ay te bi muquen ay yu'une: —Ma'yuc mach'a sloq'uesejbon xujt'uc te stsotsil jole, melel te c'alal ma to x'ayinon u'uninbilonix yu'un a te Diose, yu'un nazareoon. Jich yu'un teme ay banti ya sloq'uesbonic te stsotsil jole, ya me xch'ay te quipe, jc'axel peq'uel ya xc'oon jich bit'il te yantic winiquetique —xi'.

Jueces 16:17 Referans Kwoze

Miqueas 7:5

Ma xach'uhumbe sc'op te apat-axuhc, ma me smuc'ulin awo'tan te mach'a jun awo'tan aba soc; tsahtaya aba ta stojol te mach'a ya xway ta ats'ehl, ma me ayuc bin yac awal.

Proverbios 12:23

Te mach'a ay sp'ijil ya smuc te bin ya sna', yan te mach'atic ma sna'ic q'uinal, ya spuquic ta halel bin ma sna'ic.

Jueces 13:5

yu'un ya me xhahch awal, ya x'ayin aquerem-al. Ma xhu' ta loq'uesbeyel stsotsel sjol, como te querem ha nazareo ta stojol Dios ya xc'oht c'alal ta yayinab to; ya me xhahch ta scoltayel loq'uel ta sc'ab filisteohetic te Israel, xchi.

Números 6:5

Te jayeb c'ahc'al schapoj te ay ta scuenta nazareo ma ba ya yich' loq'uesbeyel stsotsel sjol. Ch'ultesbil ya xc'oht soc ya yac' nahtubuc te sjol ha to c'alal ya sts'acay te jayeb tiempo schapoj te parte ya yac' sba ta stojol Jehová.

Hechos 18:18

Bayel c'ahc'al halaj tey a te Pablo. Patil la sc'opon hilel te yermanotac, och ta barco, baht ta sq'uinal Siria, sjoquinej bahel te Priscila soc Aquila. Ta Cencrea te Pablo la yac' ta quits'el sjol yu'un ay bin schapoj ta stojol Dios.

Proverbios 29:12

Teme ay ajwalil te ya yich' ta cuenta te lotil-c'op, ha nix hich chopol yo'tanic spisil te j'a'teletic yu'une.

Números 6:2

Halbeya te snich'nab Israel: Te winic o ants te ya schap sc'op te ya yac' sba ta nazareo, yu'un parte ya yac' sba ta stojol te Jehová,

Jueces 16:16

Te bin ut'il bayel wulilanot ta c'op jujun c'ahc'al, soc te sujot yu'un, c'an chamuc la ya'iy yu'un te Sansón.

Jueces 16:18

C'alal la yil te Dalila te a'bot sna' spisil, la sticon ta iq'uel tal te príncipaletic yu'un te filisteohetic, hich la yalbe: La'ic me jun xan buelta, yu'un la ya'bonix jna' spisil, xchi. Hich talic te príncipaletic yu'un te filisteohetic, yich'ojic tal te taq'uin ta sc'abic.

Proverbios 13:3

Te mach'a ya stsahtay bin ya yal, ha nix ya scanantay te scuxlejal, yan te mach'a bayel ya xc'opoj, ya xjihnot yu'un.