Jueces 16:15 - Bible in Tzeltal Bachajón

¹⁵ Hich la yal te antse: ¿Bin ut'il yac awal te c'uxon ta awo'tan te bin ut'il ma ba jun awo'tan ta jtojol? Oxebix buelta te la alo'loyon, ma ba la awalbon banti ay te bayel awip, xchi.

Bible in Tzeltal de Oxchuc y Tenejapa

¹⁵ Jich la yal te ants: —Jpas-lotat. Tojol ya xjelawat ta c'op te buen c'uxon ta awo'tan ta ac'ope. Ja' yoxebalix buelta a te ya awilbon co'tane, ma to bay ya awalbon caiy te bay ya xtal spisil te awipe —xi'.

Jueces 16:15 Referans Kwoze

Jueces 14:16

Hich te ants oc' ta stojol Sansón, hich la yalbe: Yac awil-o'tantayon, ma ba c'uxon ta awo'tan. Ma ba yac awalbon te suhtib te chucul c'op la awalbe te jlumale, xchi. La sjac' te Samsón: Ma ba calbeyej te jme'jtat bin scuentahil, ¿ha'at to bal c'an calbat bin scuentahil? xchi.

1 Juan 5:3

yu'un chican te c'ux ta co'tantic te Dios teme ya jch'uhumbetic te mandariletic yu'une. Ma ba wocol ta ch'uhunel te mandariletic yu'une,

San Juan 15:10

Teme yac ach'uhunic spasel te mandariletic cu'un, hich jc'axel ya x'ayinex ta stojol a te sc'uxul co'tan, hich te bin ut'il jch'uhunej spasel te mandariletic yu'un te Jtat soc jc'axel ayon ta stojol te sc'uxul yo'tan.

San Juan 14:15

Teme c'uxon ta awo'tanic, ch'uhumbonic te mandariletic cu'une.

Proverbios 23:26

Jnich'an, a'bon awo'tan, ilbon te behetic cu'une.

Proverbios 2:16

Ya me scoltayat ta sc'ab te j'antsinel-ants, te ants te ya xmonawan ta sc'op,

2 Samuel 16:17

Te Absalón la sjoc'obe te Husai: ¿Hich bal te yutsil awo'tan ta stojol te awamigo? ¿Bin yu'un ma ba bahat soc te awamigo? xchi.

Deuteronomio 6:5

C'ux me xawa'iy ta awo'tan te Jehová te Dios awu'un, ta spisil awo'tan, ta spisil ach'uhlel soc ta spisil awip.

Génesis 29:20

Ha yu'un te Jacob huqueb ha'bil la yac' sba ta a'batinel ta scuenta Raquel. Cheb oxeb nax c'ahc'al c'oht la ya'iy ta scaj te c'ux ta yo'tan.

Jueces 16:14

C'alal wayal a te Sansón, te Dalila la stsac te huctohm stsotsel sjol, la sjal soc pac', la schuc ta sts'apbil-te', hahch ta aw: ¡Sansón, taliquix te filisteohetic! xchi. Hahch ta swayel te Sansón, la sbul loq'uel te ts'apbil-te' yu'un te sjalojibal soc te paq'ue.

Jueces 16:16

Te bin ut'il bayel wulilanot ta c'op jujun c'ahc'al, soc te sujot yu'un, c'an chamuc la ya'iy yu'un te Sansón.

Nehemías 6:4

Chaneb buelta hich la sticombonic ta halbeyel, pero ha nix hich la jsutbe te c'ope.