Jueces 16:12 - Bible in Tzeltal Bachajón

¹² Ha yu'un te Dalila la stsac yach'il lazohetic, la schuc a, soc hahch ta aw: ¡Sansón, taliquix te filisteohetic! xchi. Snac'ojix sbahic winiquetic a ta jtsahl sna. Pero la stuch'ticlan te lazohetic hich te bin ut'il hilera.

Bible in Tzeltal de Oxchuc y Tenejapa

¹² Jich yu'un te Dalila la stsac cha'oxlijc' yach'il lazoetic. La xchuc a, jajch' ta aw: —¡Sansón, ya slumtayat te filisteoetique! —xi'. Ja' nix jich snac'oj sbaic cha'oxtul winiquetic ta jtsal sna. Ja'uc me to, te Sansón la stuch' te lazoetic, jich nax ta yo'tan te bit'il jp'ij sit ilera.

Jueces 16:12 Referans Kwoze

Jueces 16:11

Teme ya schuconic ta tulan ta yach'il lazohetic te mayuc tuhumbil, hich ya xlaj quip soc hich ya xc'ohon te bin ut'il yantic winiquetic, xchi te Samsón.

Jueces 16:13

Te Dalila la yalbe te Sansón: C'alal ora alo'loyejon, apasojon ta lot. Awocoluc, halbon ca'iy bin ut'il ya xhu' yac awich' chuquel, xchi. Teme yac ajalbon te huctohm stsotsel jol ta pac' te ay ta sjalojibal, soc tulan yac achucbon ta sts'apbil-te', hich ya xlaj q'uip soc hich ya xc'ohon te bin ut'il yantic winiquetic, xchi.

Jueces 15:14

C'alal c'ohtic ta Lehi, te filisteohetic yacalic ta aw a loq'uic tal stahic. Pero te espíritu yu'un Jehová hul soc yu'el ta stojol Sansón. Te lazohetic te chucajtic sc'ab a, hich c'oht te bin ut'il lino te c'ahq'uem, hich ch'ay cohel te bin chucul a te sc'abe.

Hechos 21:33

C'alal c'oht te comandante, la stsac te Pablo soc la yal mandar te ya yich' chuquel ta cha'lihc cadena, soc la sjoc'oy mach'a a soc bin spasoj.