Jueces 15:19 - Bible in Tzeltal Bachajón

¹⁹ Ha yu'un Dios la sjambe ta banti lomol lum tey ta Lehi, hich loc' ha' tey a; la yuch' te ha'e, hich la yich' xan yip soc la sta xan yutsil yo'tan a. Ha scuentahil te la ya'be sbihilin En-hacore te lugar te ay ta Lehi c'alal ora.

Bible in Tzeltal de Oxchuc y Tenejapa

¹⁹ Jich yu'un Dios la sjambey ta bay lomol te lum te ay ta Lehi. Te Sansón la yuch' te ja' loc' tel tey a, jich la yich' xan yip. Te sloq'uibja' tey ay c'alal ora yo'tic ta Lehi, En-hacore sbiil c'ot.

Jueces 15:19 Referans Kwoze

Isaías 44:3

Yu'un ya jmal ha' ta taquin q'uinal, be-ha'etic ta taquin lum. Ya jmal te espíritu cu'un ta stojol awal-anich'nab, te bendición cu'un ta stojol ats'umbal;

Génesis 45:27

La smelbeyic ya'iy spisil te sc'op José te halbotic tal yu'un. C'alal la yil te Jacob te carretahetic ticombilic tal yu'un te José scuenta yu'un ha ya xmo bahel a, hich lecub xan q'uinal la ya'iy yu'un.

Salmos 34:6

C'opoj te pobre winic ini, ha la ya'iy te Jehová soc la yac' ta libre yu'un spisil te swocole.

Isaías 40:29

Ha ya ya'be yip te mach'a luhben, soc ya ya'be xan yip te mach'a mayuc yip.

Isaías 40:26

Toyahic mohel asitic, ilawilic: ¿mach'a la schicnajteslan spisil ini? ha te mach'a scholet ya sloq'ues te eq'uetic yu'un, ya yic'ticlan tal ta sbihil te jujune. Te bin ut'il c'ax muc' te yu'el soc te c'ax bayel yip, hich mayuc junuc ya xch'ay.

Salmos 120:1

Te c'alal ayon ta wocol, ya cawtay te Jehová, ya sjac'bon jc'op.

1 Samuel 30:12

la ya'beyic jxeht' taquijem higo soc cha'chej taquijem ts'usub. Te c'alal laj ta we'el cux yo'tan yu'un, como yoxebalix c'ahc'al soc yoxebalix ahc'abal a te mayuc bin swe'oj soc yuch'oj.

Éxodo 17:15

Te Moisés la spasbe scajtajib smahtan Dios, la ya'be sbihilin: Jehová-nisi,

Génesis 30:30

Mayuc tsobol awu'un a te c'alal hulon talel, pero bayel p'ohlemiquix; te Jehová la ya'batix bendición ta jcuenta. Ta ora ini ¿bin ora ya x'a'tejon ta scuenta te mach'atic ay cu'un ta jna? xchi.

Génesis 28:19

Bet-el sbihil c'oht yu'un te lugar, aunque Luz sbihil ta nahil to te pueblo.

Génesis 16:13

Ha yu'un te Agar la ya'be sbihilin te Jehová te c'oponot yu'un: Ha'at Diosat te ya yilon, xchi, yu'un la yal: ¿Ma bal la jquil te Mach'a la yilon? xchi.

Números 20:11

Hich te Moisés la stoy mohel sc'ab, la smaj cheb buelta ta snahbate' te muc'ul ton; loc' tal bayel ha', hich la yuch'ic ha' te pueblo soc te schansbahlamique.

Jueces 15:9

Te filisteohetic tal spas scampamentohic ta sq'uinal Judá ha to c'alal ta Lehi.

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

Salmos 110:7

Ya me yuch'be ya'lel uc'um ta ti'be; hich ya shach sjol yu'un.