Jueces 15:12 - Bible in Tzeltal Bachajón

¹² Ha yu'un la yalbeyic: Te ho'otcotic tal jchucatcotic bahel yu'un ya cac'atcotic ta sc'ab te filisteohetic, xchihic. Te Sansón la yal: Halbonic ta jamal te ma ba yac amilonic, xchi.

Bible in Tzeltal de Oxchuc y Tenejapa

¹² Jich la yalbeyic: —Te jo'otique tal jchucticat bael, yu'un ya awich' aq'uel ta sc'ab te filisteoetique —xiic. Te Sansón la yal: —Albonic ta jamal te ma ja'uc ya amilonic te ja'exe —xi'.

Jueces 15:12 Referans Kwoze

Hechos 7:25

Yu'un la scuy te Moisés te sna'ojic te yermanotac te ha ya x'ac'otic ta libre yu'un Dios ta scuenta stuquel; pero ma hichuc c'ohem ta yo'tanic.

San Mateo 27:2

Chucul a la yiq'uic bahel, c'oht ya'beyic ta sc'ab te gobernador Poncio Pilato.

1 Reyes 2:34

Hich te Benaía snich'an Joiada mo bahel, baht smil te Joab; la yich' muquel ta sna ta jochol taquin q'uinal.

1 Reyes 2:25

Ha yu'un te ajwalil Salomón la sticon bahel te Benaía snich'an Joiada, te baht smil te Adonías.

Jueces 8:21

Ha yu'un la yalic te Zeba soc te Zalmuna: Milawotcotic ha'at; yu'un hich te bin ut'il ay te winic, hich ay te yipe, xchihic. Hich hahch te Gedeón, la smilticlan te Zeba soc Zalmuna; soc la yich'be te sch'ahlel te ha yach'il u yilel te ay ta snuc' te camellohetic yu'une.

Jueces 15:11

C'alal hich la ya'iyic, talic j'ohlil swaxacbahc' (3,000) ta tuhl winiquetic yu'un Judá ta ch'en yu'un te ch'entiquil ta Etam, hich la yalbeyic te Sansón: ¿Yu'un bal ma xana' te ha ajwalil cu'untic te filisteohetique? ¿Bin yu'un hich la apasbotcotic? la yutic. Te Sansón la sjac': La jca'be spacol te bin la spasbonic, xchi.

Jueces 15:13

Ma ba ya jmilatcotic, ha nax ya jchucatcotic bahel soc ya cac'atcotic ta sc'abic, xchihic. Hich la schuquic bahel ta cha'lihc yach'il lazo soc la sloq'uesic tal ta ch'en.