Jueces 14:9 - Bible in Tzeltal Bachajón

⁹ La sjots' loq'uel ta sc'ab te chab, yac ta slo'el bahel ta be. C'alal la sta te sme'stat, ha nix la ya'be slo'ic te chab; pero ma ba la yalbe te loq'uem tal ta schamen baq'uetal te choje.

Bible in Tzeltal de Oxchuc y Tenejapa

⁹ La sjots' loq'uel ta sc'ab te chabe, yac ta slo'el bael. C'alal la sta te sme'-state, la yac'bey chab slo'ic; ja'uc me to, ma la yalbey yaiyic teme loq'uem tel yu'un ta sbaq'uetal te león-choj smiloje.

Jueces 14:9 Referans Kwoze

Proverbios 25:15

Ta scuenta hal smahliyel ya xc'oht ta yo'tan te príncipal, como te lamal c'op ya xhu' ya swuy te baquetique.

Jueces 14:8

C'alal c'axix c'ahc'al a, suht tal yu'un ya yic' te ach'ixe. Loc' bahel ta be yu'un baht yilbe te schamen baq'uetal te choje. La yil te ay jtsohb schanul chab soc ay chab ta yutil te schamen baq'uetal te choje.

Jueces 14:10

Te stat Sansón baht ta banti ay te ach'ixe. Te Sansón la spas q'uin tey a, yu'un hich ya spasic te queremetique.

1 Samuel 10:16

Te Saúl la sjac'be sc'op te stajun: Jamal la yalbotcotic te tahotix te burrahetique, xchi. Pero ma ba la yalbe stuquel te halbot yu'un Samuel te ya x'och ta ajwalil.

1 Samuel 14:1

Jun c'ahc'al te Jonatán snich'an Saúl, la yalbe te ya'bat te ya scuchbe a'tejibal yu'un guerra: La' me, ya xbohotic ta banti ay te jchahp filisteo soldadohetic te ay ta jehch wits, xchi. Pero ma ba la yalbe ya'iy te state.

Proverbios 24:13

Jnich'an, lo'an te chab como lec; te schabul te chab buhts'an yac awa'iy.