Jueces 14:6 - Bible in Tzeltal Bachajón

⁶ Ha yu'un te espíritu yu'un Jehová hul soc yu'el ta stojol te Sansón, hich ta sc'ab nax la sjecticlan te choj, hich te bin ut'il ya yich' jecticlanel tut tentsun. Pero ma ba la yalbe te sme'stat te bin la spase.

Bible in Tzeltal de Oxchuc y Tenejapa

⁶ Te espíritu yu'un Cajwaltic wentainot ta jyalel yu'un te Sansón, ta sc'ab nax la smil, la sjecbey yoc sc'ab te león-choje, jich bit'il te mach'a ya sjecbey yoc sc'ab ch'in tentsun. Ja'uc me to, ma la yalbey sme'-stat te bi c'ot ta pasel yu'une.

Jueces 14:6 Referans Kwoze

Jueces 3:10

Te Otoniel u'untayot yu'un te espíritu yu'un Jehová, ha juez c'oht yu'un Israel soc loc' bahel ta guerra. Te Jehová la ya'be ta sc'ab Otoniel te Cusan-risataim ajwalil yu'un Siria, la ya'be stsal te Cusan-risataim.

1 Samuel 11:6

C'alal hich la ya'iy te Saúl, hul ta stojol soc yu'el te espíritu yu'un Dios, soc bayel ilin yu'un.

Jueces 13:25

Te espíritu yu'un Jehová hahch ta ya'beyel yip te Sansón ta campamentohetic yu'un Dan, ta ohlil yu'un Zora soc Estaol.

1 Juan 3:8

Te mach'a ya'telinej spasel mulil, ha me yu'un pucuj stuquel, como te pucuj stalel la sle mulil ta shahchibal to tal. Ha scuentahil te chicnaj te Snich'an Dios, yu'un ya slajimbe ya'tel te pucuje.

San Mateo 11:29

Ich'bonic te yugo cu'un soc nopbonic co'tan, como manso soc peq'uel co'tan, hich yac atahic cux-o'tanil yu'un ach'uhlelic a,

Zacarías 4:6

Ha yu'un hich la yalbon: Ha te sc'op Jehová ini ta stojol Zorobabel, te hich ya yal: Ma ta scuentahuc soldadohetic soc ma ta scuentahuc yipic, ha ta scuenta te espíritu cu'un, xchi te Jehová te scuentahinej spisil.

Isaías 42:2

Ma ba ya x'awon, ma ba ya stoy sc'op, ma ba ya yac' ta a'iyel sc'op ta callehetic.

1 Samuel 17:46

Te Jehová ya me yac'at ta jc'ab yo'tic, ya jtsalat soc ya jxot'bat anuc'. Yo'tic nix ya ca'be sti'ic abaq'uetal soc te sbaq'uetal filisteohetic te mutetic ya xwihlic ta toyol soc te chambahlametic ta q'uinal. Hich me ya sna' a swohlol bahlumilal te ay Dios ta Israel.

Jueces 16:30

Awon te Sansón: ¡Ac'a lajucon soc te filisteohetic! xchi. Hich la sten bahel soc spisil yip. Yahl cohel tal te na ta sba te príncipaletic yu'un te filisteohetic soc ta sba spisil te mach'atic tey ayic a. Te jaytuhl la smil te c'alal laj, ha c'axem to xan a te jaytuhl la smil te c'alal cuxul to a.

Jueces 15:15

La yil yach'il sbaquel yahlan-e burro, la stsac soc la smil j'ohlil yoxbahc' (1,000) ta tuhl winiquetic a.

Jueces 15:8

Hich la stsac sba soc te filisteohetic, bayel la smilticlan. Patil co bahel ta nahinel ta ch'en ta ch'entiquil ta Etam.

Jueces 11:29

Hich te Jefté u'untayot yu'un te espíritu yu'un Jehová, hich c'ax bahel ta Galaad soc ta Manasés, soc c'ax xan bahel ta Mizpa te ay ta Galaad, baht ta stojol te amonetique.

Hebreos 11:33

te ha ta scuenta sch'uhunel yo'tanic hu' yu'unic stsalel ajwaliletic, toj la ya'iyic chahpanwanej, la stahic te bin halbotic sc'oblal, la smacbeyic ye chojetic,

Jueces 14:5

Te Sansón baht soc sme'stat ta Timnat. C'alal c'ohtic ta ts'usubiletic yu'un Timnat, yac huhonel jcoht jcolel choj te wihl tal ta stojol.

Jueces 14:7

Patil baht sc'opon te ach'ix; bayel la smulan.

1 Samuel 10:6

Hich te espíritu yu'un Jehová ya me yu'untayat soc yu'el, hich yac ajoquinlan ta aw ta sc'op-jalwanej, soc ya xc'atp'ujat ta yan winic c'ohem.

Salmos 91:13

Ya me ats'o ta teq'uel te choj soc te ti'awal chan; ya me ats'o' ta teq'uel te yal choj soc te muc'ul chane.

Jueces 14:19

Te espíritu yu'un Jehová hul soc yu'el ta stojol Sansón, hich co bahel ta Ascalón, la smil lajuneb scha'winic (30) ta tuhl winiquetic tey a. La yich'be bahel sc'u'ic, ha baht stoj a te mach'atic la sna'beyic scuentahil te chucul c'ope; ilinem a suht bahel ta sna te state.

1 Samuel 10:16

Te Saúl la sjac'be sc'op te stajun: Jamal la yalbotcotic te tahotix te burrahetique, xchi. Pero ma ba la yalbe stuquel te halbot yu'un Samuel te ya x'och ta ajwalil.

1 Samuel 14:1

Jun c'ahc'al te Jonatán snich'an Saúl, la yalbe te ya'bat te ya scuchbe a'tejibal yu'un guerra: La' me, ya xbohotic ta banti ay te jchahp filisteo soldadohetic te ay ta jehch wits, xchi. Pero ma ba la yalbe ya'iy te state.