Jueces 14:4 - Bible in Tzeltal Bachajón

⁴ Te sme'stat ma ba la sna'ic te ha chahpambil yu'un Jehová, yu'un yac ta slehel bin ut'il ya scontrahin te filisteohetic; como ha yorahil a te cuentahimbilic yu'un te filisteohetic te Israel.

Bible in Tzeltal de Oxchuc y Tenejapa

⁴ Te sme'-stat ma sna'ic stojol teme chajbanbil yu'un Cajwaltic te jich ya xc'ot ta pasele, melel yac ta sleel te Cajwaltic bit'il ya x'ac'bot guerra yu'un te filisteoetic, melel ja' yorail a te swentainejic te Israele.

Jueces 14:4 Referans Kwoze

Josué 11:20

Como ha nix Jehová te la ya'be tulanijuc yo'tanic scuenta yu'un ya ya'beyic guerra te Israel, scuenta yu'un jc'axel ya yich'ic lajinel, ma ba na'bot yo'bolil sbahic, hich te bin ut'il pasot ta mandar yu'un Jehová te Moisés.

Salmos 115:3

¡Te Dios cu'untic ay ta ch'ulchan; ha la spas spisil te bintic la sc'an yo'tan!

Jueces 13:1

Te snich'nab Israel la scha'pasic xan te bin chopol ta stojol Jehová, hich te Jehová la yac'ticlan ta sc'ab te filisteohetic cha'winic (40) ha'bil.

2 Crónicas 22:7

Ha nix chapal yu'un Dios a ini, scuenta yu'un ya xlaj te Ocozías te c'alal baht yula'tay te Joram. Como te c'alal c'oht tey a, loc' bahel soc Joram ta scontrahinel te Jehú snich'an Nimsi, te tsahbilix yu'un Dios te ya slajin te mach'atic ay yu'un Acab.

2 Crónicas 10:15

Te ajwalil ma la yich'be ta cuenta te sc'op te pueblo; como hich la sc'an yo'tan te Diose, scuenta yu'un ya xc'oht ta pasel te bin yaloj te Jehová ta scuenta Ahías te talem ta Silon ta stojol Jeroboam snich'an Nabat.

2 Reyes 6:33

Yac to ta c'op soc a, tal ta stojol Eliseo te mach'a ticombil, hich la yalbe: Spisil te bintic wocol ini tal ta stojol Jehová. ¿Bin ya jmahliy xan yu'un te Jehová? xchi.

1 Reyes 12:15

Hich te ajwalil ma ba la yich' ta cuenta te pueblo, como hich la sc'an te Jehová te hich ya xc'oht ta pasel a te bin la yalbe te Jeroboam snich'an Nabat ta scuenta te Ahías te talem ta Silo.

2 Crónicas 25:20

Pero te Amasías ma ba la yich' ta cuenta, como Dios la sc'an te ya ya'be ta sc'ab te scontra, ta scaj te la sle te diosetic yu'un Edom.

Jueces 15:11

C'alal hich la ya'iyic, talic j'ohlil swaxacbahc' (3,000) ta tuhl winiquetic yu'un Judá ta ch'en yu'un te ch'entiquil ta Etam, hich la yalbeyic te Sansón: ¿Yu'un bal ma xana' te ha ajwalil cu'untic te filisteohetique? ¿Bin yu'un hich la apasbotcotic? la yutic. Te Sansón la sjac': La jca'be spacol te bin la spasbonic, xchi.

Deuteronomio 28:48

ha yu'un ya me awac' aba ta a'batinel yu'un acontra te ya sticon tal ta atojol te Jehová, ha yac apas soc awi'nal, taquinti'il, mayuc ac'u' apac' soc mayuc bin ay awu'un a. Ha ya ya'bat ta anuc' jun yugo pasbil ta taq'uin, ha to c'alal jc'axel ya slajinat.

Jueces 14:5

Te Sansón baht soc sme'stat ta Timnat. C'alal c'ohtic ta ts'usubiletic yu'un Timnat, yac huhonel jcoht jcolel choj te wihl tal ta stojol.

Daniel 6:4

Te gobernadoretic soc te schebal ajwaliletic la slehic bin ut'il ya slehbeyic smul ta scuenta ya'tel ta stojol te ajwalil; pero ma ba hu' yu'unic stahbeyel smul o falta yu'un, como jun yo'tan, hich mayuc bin chopol la stahic o te ma ts'acaluc la spas te ya'tele.

Jueces 15:3

Ha yu'un hich la sjac' te Sansón: Ma jmuluc ya xc'oht te bin ma lecuc ya jpasbe ta ora ini te filisteohetic, xchi.

1 Reyes 12:24

Hich yaloj te Jehová: Ma me xawa'be guerra te awermanotac, te snich'nab Israel. Jujutuhl suhtanic bahel ta anahic, como ho'on jpasoj ini, xchi. C'alal la ya'iybeyic sc'op te Diose suhtic bahel hich te bin ut'il halbotic yu'un te Jehová.