Jueces 14:19 - Bible in Tzeltal Bachajón

¹⁹ Te espíritu yu'un Jehová hul soc yu'el ta stojol Sansón, hich co bahel ta Ascalón, la smil lajuneb scha'winic (30) ta tuhl winiquetic tey a. La yich'be bahel sc'u'ic, ha baht stoj a te mach'atic la sna'beyic scuentahil te chucul c'ope; ilinem a suht bahel ta sna te state.

Bible in Tzeltal de Oxchuc y Tenejapa

¹⁹ Ta ora tulan tal ta wentainel ta espíritu yu'un Cajwaltic te Sansón. Jich bajt' ta Ascalón, la smil lajuneb xcha'winic (30) ta jtul winiquetic tey a. La sloq'uesbey bael sc'u'ic, ja' ba stoj a te trato spasoj soc te mach'atic la sna'ic sujt'esel swentail te c'ope. Ta patil, c'ajc'uben yo'tan sujt' bael ta sna te state.

Jueces 14:19 Referans Kwoze

1 Samuel 11:6

C'alal hich la ya'iy te Saúl, hul ta stojol soc yu'el te espíritu yu'un Dios, soc bayel ilin yu'un.

Jueces 3:10

Te Otoniel u'untayot yu'un te espíritu yu'un Jehová, ha juez c'oht yu'un Israel soc loc' bahel ta guerra. Te Jehová la ya'be ta sc'ab Otoniel te Cusan-risataim ajwalil yu'un Siria, la ya'be stsal te Cusan-risataim.

Jueces 13:25

Te espíritu yu'un Jehová hahch ta ya'beyel yip te Sansón ta campamentohetic yu'un Dan, ta ohlil yu'un Zora soc Estaol.

Jueces 15:14

C'alal c'ohtic ta Lehi, te filisteohetic yacalic ta aw a loq'uic tal stahic. Pero te espíritu yu'un Jehová hul soc yu'el ta stojol Sansón. Te lazohetic te chucajtic sc'ab a, hich c'oht te bin ut'il lino te c'ahq'uem, hich ch'ay cohel te bin chucul a te sc'abe.

Jueces 14:6

Ha yu'un te espíritu yu'un Jehová hul soc yu'el ta stojol te Sansón, hich ta sc'ab nax la sjecticlan te choj, hich te bin ut'il ya yich' jecticlanel tut tentsun. Pero ma ba la yalbe te sme'stat te bin la spase.

Jueces 14:18

Ta shuquebal c'ahc'al, c'alal ma to xmahl c'ahc'al a, te mach'atic yu'un te pueblo la yalbeyic te Sansón: ¿Bin xan c'ax chi' a te bin ut'il te chabe? soc ¿bin xan c'ax ay yip a te bin ut'il te choje? xchihic. Hich la sjac' te Sansón: Te manchuc la ajoq'uic lum soc te tut wacax cu'un, ma ba hu' awu'unic sna'beyel scuentahil te chucul c'op cu'un te hichuque, xchi.

Jueces 1:18

Te winiquetic yu'un Judá ha nix hich la yu'untayic te Gaza, Ascalón, soc Ecrón soc te q'uinal yu'unique.

1 Samuel 6:4

¿Bin mahtanil yu'un stahel falta ya ca'becotic? xchihic. Hich la sjaq'uic: Ho'eb sloc'omba siht'el pasbil ta oro soc ho'eb sloc'omba ch'o pasbil ta oro, hich yipal te jaytuhl príncipaletic yu'un te filisteohetic, como junax te chamel awich'ojic ta apisilic soc te príncipaletic awu'unique.

1 Samuel 6:17

Ha'ic ini te ho'eb colel siht'el pasbilic ta oro te la ya'beyic Jehová te filisteohetic scuenta mahtanil yu'un stahel falta: jujun yu'unic te Asdod, Gaza, Ascalón, Gad soc Ecrón.