Jueces 14:18 - Bible in Tzeltal Bachajón

¹⁸ Ta shuquebal c'ahc'al, c'alal ma to xmahl c'ahc'al a, te mach'atic yu'un te pueblo la yalbeyic te Sansón: ¿Bin xan c'ax chi' a te bin ut'il te chabe? soc ¿bin xan c'ax ay yip a te bin ut'il te choje? xchihic. Hich la sjac' te Sansón: Te manchuc la ajoq'uic lum soc te tut wacax cu'un, ma ba hu' awu'unic sna'beyel scuentahil te chucul c'op cu'un te hichuque, xchi.

Bible in Tzeltal de Oxchuc y Tenejapa

¹⁸ Ta sjuquebal c'aal te nopol ya xch'ayix bael ae, te filisteoetic ba yalbeyic te Sansón: —Ma'yuc yan bi bujts'an xchi'il te bit'il chab, ma'yuc bi yan tulan a te bit'il león-choj —xiic. Te Sansón la sjac': —Ja' nax yu'un la ajoc' lum soc te ch'in wacax cu'une, jich ju' awu'unic yaq'uel sujt'ib te c'ope —xi'.

Jueces 14:18 Referans Kwoze

Jueces 14:17

Te ants oc' ta stojol te huqueb c'ahc'al ay q'uin yu'unic. Pero ta shuquebal c'ahc'al te Sansón la yalbe bin scuentahil, como bayel wulilanot yu'un. Hich te ants baht yalbe te slumale.

Jueces 14:19

Te espíritu yu'un Jehová hul soc yu'el ta stojol Sansón, hich co bahel ta Ascalón, la smil lajuneb scha'winic (30) ta tuhl winiquetic tey a. La yich'be bahel sc'u'ic, ha baht stoj a te mach'atic la sna'beyic scuentahil te chucul c'ope; ilinem a suht bahel ta sna te state.

2 Samuel 1:23

Saúl soc Jonatán, c'uxic ta o'tanil soc mulambil, ma ba la spit sbahic c'alal cuxulic, soc ma ba la spit sbahic te c'alal lajic. C'ax hich ahnimajic a te bin ut'il ya xwihl jxiquetic, c'ax hich yipic a te bin ut'il chojetic.

Proverbios 30:30

ha te choj ay yip ta yohlil spisil te chambahlametic, te mayuc bin ora ya suht ta spat;

Salmos 81:16

Pero Dios ya ya'be swe'elinic mero lequil trigo te pueblo yu'un, soc ya snojesbe sch'uhtic ta chab te ya xloc' ta tontiquil.

Ezequiel 1:10

Te jun yelawic pajal soc yelaw winic, ta swa'el pajal soc choj, ta sq'uexam pajal soc toro, soc ta spat pajal soc jxic;