Jueces 14:15 - Bible in Tzeltal Bachajón

¹⁵ Ta shuquebal c'ahc'al la yalbeyic te yihnam Sansón: Suja ta yalel te amamalal te ac'a yalbotic te suhtib te chuhcul c'ope, teme ma'uque, ya jchic'atcotic soc te mach'atic ay yu'un te atate. ¿Yu'un bal la awic'otcotic tal yu'un yac apojbotcotic te bin ay cu'uncotic? xchihic.

Bible in Tzeltal de Oxchuc y Tenejapa

¹⁵ Ja' yu'un ta xchanebal c'aal ba yalbeyic te yinam Sansón: —Ac'a puersa ta sjojc'oyel te amamlal, te yacuc yalbotic ta atojol bi swentailuc te c'ope. Teme ma jichuc ya apase, ya me awich' chiq'uel soc te mach'atic ay yu'un te atate. ¿Ja' nax bal la awic'otic tel yu'un te ya apojbotic te bi ay cu'untique? —xiic.

Jueces 14:15 Referans Kwoze

Jueces 16:5

Te príncipaletic yu'un te filisteohetic baht yilic te ants, hich la yalbeyic: Lo'loya soc joc'obeya banti ya xtal te bayel yip soc bin ut'il ya xhu' cu'untic stsalel, yu'un ya jchuctic, hich ya x'och ta jc'abcotic. Te jujutulotcotic ya ca'batcotic ho'lajunwinic yoxbahc' (1,100) ta sehp plata, xchihic.

Jueces 15:6

Te filisteohetic la sjoc'oyic: ¿Mach'a la spas ini? xchihic. Ha te Sansón te snihal te timnat-winic, yu'un pojbot yihnam, ha a'bot yic' te mach'a sjoquinej te Sansón, xchihic. Ha yu'un te filisteohetic tal schiq'uic te ants soc te state.

Miqueas 7:5

Ma xach'uhumbe sc'op te apat-axuhc, ma me smuc'ulin awo'tan te mach'a jun awo'tan aba soc; tsahtaya aba ta stojol te mach'a ya xway ta ats'ehl, ma me ayuc bin yac awal.

Proverbios 6:26

como te j'antsinel-ants ya sc'ambe jxeht' pan te winique, yan te nuhpunem ants te ya sc'an yajmul, ya snutsbe scuxlejal te winique.

Proverbios 5:3

Como ya xt'uhlaj chab ta ye te j'antsinel-ants, te yac' c'ax hich sc'unil a te bin ut'il aceite;

Proverbios 1:11

Teme ya yalbat: La', joquinawotic; ya ca'iytic macliwanej yu'un ya ca'iytic milaw, ya jmacliytic te mach'a mayuc smul;

Jueces 12:1

Te winiquetic yu'un Efraín la stsob sbahic, c'axic bahel ta Safón soc hich la yalbeyic te Jefté: ¿Bin yu'un te la awa'be guerra te snich'nab Amón, te ma ba la awic'otcotic yu'un ya joquinatcotic? ¡Ya me jchic'atcotic soc ana! xchihic.

Jueces 14:14

Hich la yalbe: Ta jti'awan loc' we'elil tey a, ta bin ay yip loc' te bin chi', xchi. Ta yoxebal c'ahc'al ma ba hu' yu'unic sna'el te suhtibe.