Jueces 13:23 - Bible in Tzeltal Bachajón

²³ La sjac' te ants yu'une: Te yu'unuc la sc'an la smilotic te Jehová ma ba la stsacbotic te scohtol chic'bil mahtanil soc te mahtanil harina cu'untic, soc ma ba la ya'botic quiltic spisil ini soc ma ba hich la yalbotic te hichuque, xchi.

Bible in Tzeltal de Oxchuc y Tenejapa

²³ Te ants la sjac': —Te yu'unuc ya smilotic te Cajwaltic, ma la stsacbotic te chic'bil majt'anil cu'untique. Ma'yuc bitic la yac'botic quiltic soc ma'yuc bi la yalbotic sc'oplal te jichuque —xi' te antse.

Jueces 13:23 Referans Kwoze

1 Corintios 12:21

Te sitil ma xhu' ya yalbe te c'abal: Ma xtuhunat cu'un, ma xchihuc, ha nix hich te jolal ma xhu' ya yalbe te yoc: Ma xtuhunex cu'un, ma xchihuc.

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

San Juan 15:15

Ma ba ya calbeyex te ha a'batex cu'un, como te a'bat ma sna' bin ya spas te yajwale; pero la jcalbeyex te jun co'tan jbahtic, como spisil te bin la jca'iy ta stojol te Jtat la jca'beyex ana'ic.

San Juan 14:20

Ta patil ya me ana'ic te jun ayon soc te Jtat, soc te ayex ta jtojol soc ayon ta atojolic.

Salmos 86:17

A'bon quil seña te lec awo'tan ta jtojol, scuenta yu'un te mach'atic ya sp'ajonic ya me yilic soc ya xq'uexawic yu'un, como ha'at, Jehová, la acoltayon soc la awa'bon smuc'ul co'tan.

Proverbios 3:32

Como Jehová ya yihlay te mach'a chopol yo'tan, pero jun yo'tan sba soc te mach'atic toj yo'tan.

San Juan 14:23

La sjac' te Jesús: Te mach'a c'uxon ta yo'tan, ya sch'uhumbon jc'op; c'ux ya x'a'iyot yu'un te Jtate, soc ya xtal cac' jbahcotic ta yo'tan soc ya jnahimbecotic yo'tan.

Salmos 27:13

Ch'ayix co'tan te manchuc la jch'uhun te ya me quilbe yutsil yo'tan te Jehová li' ta cuxlejal ini.

Jueces 13:24

Te antse ayin squerem-al, Sansón sbihil la ya'be. Muc'ub te querem soc a'bot bendición yu'un Jehová.

Salmos 20:4

Ac'a ya'bat te bin ya sc'an awo'tan soc ac'a sc'ohtes ta pasel spisil bintic chapal awu'un.