Jueces 13:1 - Bible in Tzeltal Bachajón

¹ Te snich'nab Israel la scha'pasic xan te bin chopol ta stojol Jehová, hich te Jehová la yac'ticlan ta sc'ab te filisteohetic cha'winic (40) ha'bil.

Bible in Tzeltal de Oxchuc y Tenejapa

¹ Ja'uc me to, te israeletic la spasic xan te bi ma lecuc ta sit Cajwaltic, ja' swentail te la yac' ta sc'ab filisteoetic cha'winic (40) ja'wil.

Jueces 13:1 Referans Kwoze

1 Samuel 12:9

Pero ch'ay ta yo'tanic te Jehová te Dios yu'unic, hich la yac'ticlambe ta sc'ab Sísara, te jtsobaw yu'un te soldadohetic yu'un Hazor, soc ta sc'ab filisteohetic soc ta sc'ab te ajwalil yu'un Moab, te a'botic guerra yu'un.

Jueces 6:1

Te snich'nab Israel la spasic te bin chopol ta stojol Jehová. Ha yu'un te Jehová la ya'be ta sc'ab Madián huqueb ha'bil.

Romanos 2:6

te ha ya yac'ticlambe stoj ta tuhlutuhl, ha chican bin yilel ya'telic:

Jueces 3:7

Te snich'nab Israel la spasic te bin chopol ta stojol Jehová te Dios yu'unic, ha la sch'ay ta yo'tanic te Jehová te Dios yu'unic soc la yac' sbahic ta a'batinel yu'un te baaletic soc te loc'ombahetic yu'un Asera.

Jueces 2:11

Ta patil, te snich'nab Israel la spasic te bin chopol ta stojol Jehová, la yac' sbahic ta a'batinel yu'un te baaletic.

Jueces 10:6

Pero te snich'nab Israel la scha'pasic xan te bin chopol ta stojol Jehová, la yac' sbahic ta a'batinel yu'un te baaletic soc te Astarot, te diosetic yu'un Siria, Sidón, Moab, Amón soc yu'un te filisteohetic. La yihquitay ta yo'tanic te Jehová, ma ba la yac' sbahic ta a'batinel yu'un.

Jueces 4:1

C'alal chamenix a te Aod, te snich'nab Israel suhtic xan ta spasel te bin chopol ta stojol Jehová.

Jeremías 13:23

¿Ya bal xhu' ya sjeltay snuhculel te etíope-winic soc ya bal xhu' ya sjeltay spintohil te c'an bahlam choj? Ha nix hich ¿ya bal xhu' yac apasic te bin lec, te bin ut'il c'ahyemex ta spasel te bin chopol?

Hebreos 11:32

¿Bin xan ya cal? Mayuc tiempo cu'un te ya calbe sc'oblal te Gedeón, Barac, Sansón, Jefté, David, soc nix te Samuel soc te jalwanejetic,

Jueces 12:15

Cham te Abdón snich'an Hilel, te piratón-winic, la yich' muquel ta Piratón te ay ta sq'uinal Efraín, ta witsiltic yu'un Amalec.

Jueces 15:11

C'alal hich la ya'iyic, talic j'ohlil swaxacbahc' (3,000) ta tuhl winiquetic yu'un Judá ta ch'en yu'un te ch'entiquil ta Etam, hich la yalbeyic te Sansón: ¿Yu'un bal ma xana' te ha ajwalil cu'untic te filisteohetique? ¿Bin yu'un hich la apasbotcotic? la yutic. Te Sansón la sjac': La jca'be spacol te bin la spasbonic, xchi.

Jueces 15:20

Te Sansón jtahb ha'bil ay ta juez yu'un Israel, ha te yorahil ay yipic a te filisteohetique.

1 Samuel 4:9

Ac'ahic fuersa, filisteohetic, chahpana abahic soc awipic, scuenta yu'un ma ba ya x'ochex ta mosohil yu'un te hebreohetic hich te bin ut'il ayic ta mosohil awu'unic; chahpana abahic soc awipic ta ya'beyel guerra, xchihic.

1 Samuel 7:13

Hich tsalbil c'ohtic te filisteohetic, ma ba la yochintaybeyic xan te sq'uinal Israel. Te sc'ab Jehová la scontrahin te filisteohetic te jayeb c'ahc'al cuxul te Samuel.

Jueces 10:7

Ha yu'un tihl yilimba Jehová ta stojol Israel, hich a'botic ta sc'ab te filisteohetic soc te amonetic.

Jueces 14:4

Te sme'stat ma ba la sna'ic te ha chahpambil yu'un Jehová, yu'un yac ta slehel bin ut'il ya scontrahin te filisteohetic; como ha yorahil a te cuentahimbilic yu'un te filisteohetic te Israel.