Jueces 11:40 - Bible in Tzeltal Bachajón

⁴⁰ Ha yu'un ha costumbre c'oht ta Israel te chaneb c'ahc'al ta jujun ha'bil ya xbahtic te ach'ixetic ta yoq'uetayel te yantsil-nich'an Jefté, te galaad-ach'ixe.

Bible in Tzeltal de Oxchuc y Tenejapa

⁴⁰ Jich yu'un te israeletic spisil ja'wil ya xbajt'ic te ach'ixetic ta yoc'tayel te yantsil-nich'an Jefté, chaneb c'aal te jujun ja'wile.

Jueces 11:40 Referans Kwoze

1 Reyes 9:25

Te Salomón oxeb buelta ta jujun ha'bil la yac' scohtol chic'bil mahtaniletic soc mahtaniletic scuenta lamal q'uinal ta scajtajib ta chiq'uel mahtanil te la spasbe te Jehová, soc la schic'be pom ta scajtajib te ay ta stojol Jehová, te c'alal hu'ix ta pasel a te Templohe.

Jueces 5:11

Namal ta banti ay sc'op te j'ac'-t'ihmalte'etic, ta yohlil te yuch'ojibal-ha' chambahlametic, tey ya sc'ayojtayic a te tsalaw yu'un Jehová, te tsalaw yu'un te tut pueblohetic yu'un ta Israel. Hich te pueblo yu'un Jehová ya xbehen bahel ta stojol te yochibal te pueblo.

Jueces 11:39

C'alal ts'acay te cheb u, suht tal ta stojol te state. Ha la spas te bin jc'axel yaloj ta jamal te ya spase. Mayuc bin ora tahot ta winic te ach'ixe.

Jueces 12:1

Te winiquetic yu'un Efraín la stsob sbahic, c'axic bahel ta Safón soc hich la yalbeyic te Jefté: ¿Bin yu'un te la awa'be guerra te snich'nab Amón, te ma ba la awic'otcotic yu'un ya joquinatcotic? ¡Ya me jchic'atcotic soc ana! xchihic.

2 Crónicas 35:25

Te Jeremías la schahpan sc'ayojil mel-o'tan yu'un te Josías. Spisil te jc'ayojetic ants-winiquetic ya to yalulanic ta sna'el te Josías c'alal ora; hich c'ahyic ta sc'ayojtayel ta Israel. Ts'ihbabil hilel ta libro yu'un sc'ayojil mel-o'tan.

Ester 9:27

te judiohetic la yalic te ha costumbre ya xhil yu'unic soc sts'umbalic, soc spisil mach'atic te jun c'oht soc, te mayuc bin ora ya yihquitayic spasel te cheb c'ahc'al ini ta jujun ha'bil, hich te bin ut'il ts'ihbabil hilel.