Jueces 11:29 - Bible in Tzeltal Bachajón

²⁹ Hich te Jefté u'untayot yu'un te espíritu yu'un Jehová, hich c'ax bahel ta Galaad soc ta Manasés, soc c'ax xan bahel ta Mizpa te ay ta Galaad, baht ta stojol te amonetique.

Bible in Tzeltal de Oxchuc y Tenejapa

²⁹ Te espíritu yu'un te Cajwaltic tal ta stojol te Jefté. Jich been ta sq'uinal Galaad soc ta sq'uinal Manasés, c'ax ta lum Mizpa te ay ta sq'uinal Galaad, yu'un ya yochintay te sq'uinal amonetique.

Jueces 11:29 Referans Kwoze

Números 11:25

Hich co tal ta tocal te Jehová, c'opoj soc te Moisés. La yich'be te espíritu te yich'oj te Moisés, la yac'ticlambe te lajuneb schanwinic (70) ta tuhl mamaletic. C'alal hul ta stojolic te espíritu, hahchic ta c'op scuenta jalwanej; junax buelta hich la spasic.

Jueces 3:10

Te Otoniel u'untayot yu'un te espíritu yu'un Jehová, ha juez c'oht yu'un Israel soc loc' bahel ta guerra. Te Jehová la ya'be ta sc'ab Otoniel te Cusan-risataim ajwalil yu'un Siria, la ya'be stsal te Cusan-risataim.

1 Crónicas 12:18

Tal te Espíritu ta stojol Amasai, te jtsobaw yu'un te lajuneb scha'winic (30) ta tuhl, hich la yal: ¡Awu'unotcotic, David! ¡Ya joquinatcotic, snich'anat Isaí! ¡Lamaluc me q'uinal, lamaluc me q'uinal ta atojol, soc ta stojol te mach'atic ya scoltayat, como ya me scoltayat te Dios awu'une! xchi. Te David la yic' ta stojol soc la yac'ticlambe ya'telic soc te yantic jtsobawetic yu'un te soldadohetique.

1 Samuel 10:10

C'alal c'ohtic ta Gabaa, tahot yu'un te jchahp jalwanejetic. Te espíritu yu'un Dios hul ta stojol soc yu'el, te Saúl la sjoquin ta aw ta sc'op-jalwanej.

Jueces 13:25

Te espíritu yu'un Jehová hahch ta ya'beyel yip te Sansón ta campamentohetic yu'un Dan, ta ohlil yu'un Zora soc Estaol.

Jueces 10:17

Te amonetic la stsob sbahic soc la spas scampamentohic ta sq'uinal Galaad. Ha nix hich la stsob sbahic te snich'nab Israel soc la spas scampamentohic ta Mizpa.

Jueces 6:34

Te Gedeón u'untayot yu'un te espíritu yu'un Jehová. C'alal la yoq'uesin te xulubil, tal ta joquinel yu'un te abiezeretic.

Génesis 31:49

soc Mizpa te yan sbihile, yu'un la yal: Jehová ac'a yilotic te bin ut'il ya quihquitay jbahtic.

Jueces 11:11

Ha yu'un te Jefté baht soc te mamaletic yu'un Galaad, te pueblo la yotsesic ta jtsobaw soc jcuentahinwanej yu'unic. Te Jefté la yal ta stojol Jehová ta Mizpa spisil te bintic la yalixe.

Jueces 11:28

Pero te ajwalil yu'un te snich'nab Amón ma ba la yich'be ta cuenta te c'op la sticon tal te Jefté.

Jueces 11:30

Te Jefté hich jc'axel la yal ta jamal ta stojol Jehová: Teme yac awa'bon ta jc'ab te amonetic,

1 Samuel 11:6

C'alal hich la ya'iy te Saúl, hul ta stojol soc yu'el te espíritu yu'un Dios, soc bayel ilin yu'un.

1 Samuel 12:11

Ha yu'un te Jehová la sticombeyex te Jerobaal, Barac, Jefté soc Samuel, la scoltayex loq'uel ta sc'ab acontrahic te ay ta ajoyobalic; hich jun awo'tanic ayinex.