Jueces 11:27 - Bible in Tzeltal Bachajón

²⁷ Ha yu'un mayuc jmul ta atojol, pero te ha'ate chopol bin yac apas yu'un te yac awa'bon guerra. Te Jehová, te ha juez stuquel, ac'a schahpan yo'tic te snich'nab Israel soc te snich'nab Amón, xchi te Jefté.

Bible in Tzeltal de Oxchuc y Tenejapa

²⁷ Ma'yuc bi amen jpasojtic ta atojol. Ja'at me atuquel te ma lecuc bila ya xtal apasbotic ta jtojoltic, te ya xtal awac'botic guerra. Ja'uc me to, te Cajwaltic ja' me juez stuquel, ya me yilbey yat'el te israeletic, soc nix te amonetique”, xi'.

Jueces 11:27 Referans Kwoze

1 Samuel 24:15

Te Jehová ha juez ya xc'oht cu'untic, ya me yilotic ta jchebaltic. Ha ac'a yil soc ac'a c'opojuc cu'un, ac'a yac'on ta libre ta ac'ab, xchi.

1 Samuel 24:12

Te Jehová ac'a yilotic ta jchebaltic, soc ac'a spacbon jc'abal ta atojol stuquel. Yan te ho'one ma ba ya hach jc'ab ta atojol.

Génesis 18:25

Ma hichuc ay ta pasel awu'un te pajal yac awac' lajuc soc te mach'a chopol yo'tan te mach'a toj yo'tan, te pajal bin ya xc'oht ta stojol te mach'a toj yo'tan soc te mach'a chopol yo'tan. ¡Mayuc bin ora te hich yac apas! Te Jchahpanwanej yu'un swohlol te bahlumilal ¿ma bal ha'uc ya spas te bin toj ta pasele? xchi.

Génesis 16:5

Ha yu'un te Sarai la yalbe te Abram: Ha'at ta acuenta te ay jwocol. Ho'on la jca'bat awic' te jcriada, pero te c'alal la ya'iy te hahchemix yal, ma ba leconix ta sit. Jehová ac'a schahpanotic jchebaltic, xchi.

Génesis 31:53

Te Dios yu'un Abraham, te Dios yu'un Nacor, te Dios yu'un te static, ac'a schahpanotic ta jchebaltic, xchi. Te Jacob la yal ta jamal ta scuenta te Mach'a yich'oj ta muc' te Isaac te state.

2 Timoteo 4:8

Ta ora ini q'uejbilix ta jtojol te corona yu'un toj-o'tanil te ya ya'bon te Cajwaltic, te stojil Jchahpanwanej, ta sc'ahc'alel. Ma jtuqueluc nax, ha nix hich ya ya'be spisil te mach'atic toyol yo'tanic yac smahliybelic ya xtal te Cajwaltique.

2 Corintios 5:10

como jpisiltic ya me xc'ohotic ta chahpajibal yu'un Cristo, scuenta yu'un jujutuhl ya yich' stojol, ha chican bin la spas te c'alal ay to ta sbaq'uetal a, teme lec o teme ma lecuque.

Eclesiastés 11:9

Jcolel al-nich'anat, tse'eluc awo'tan ta yorahil te jcolel al-nich'anate, soc ac'a smulan awo'tan te yorahil te awach'ix-queremil. Pasa te bin ya smulan awo'tan soc te bintic yac awil ta asit, pero na'a me te Dios ya spasbat cuenta spisil ini.

Salmos 98:9

ta stojol te Jehová, yu'un ya xtal schahpan te bahlumilale. Stojil me ya schahpan te bahlumilal, pajal me ya schahpan te pueblohetique.

Salmos 94:2

¡Hahchan, Jchahpanwanejat yu'un te bahlumilal; a'beya stojol te mach'atic stoyoj sbahique!

Salmos 82:8

¡Hahchan, Dios cu'un, chahpana te mach'atic ayic ta q'uinal, como ha'at awu'un spisil te nacionetique!

Salmos 75:7

como ha jchahpanwanej te Diose; ha ya spehc'an te yane, soc ya stohytes te yane.

Salmos 50:6

¡Te ch'ulchan ya me yal ta jamal te toj bin ya spas, como ha jchahpanwanej te Diose! Selah

Salmos 7:11

Ha tojil juez te Diose, ha Dios te spisil ora ilinem ta stojol te mach'a chopol ya'tel.

Job 23:7

Te mach'a toj ta winiquil tey ya xhu' ya yalbe swocol ta stojol, hich ya xcolon ta libre sbahtel q'uinal yu'un te juez cu'un te hichuque.

Job 9:15

Aunque tojon ta winiquil, ma xhu' ya jac'be; ha nax ya jc'ambe te juez cu'un te yacuc sna'bon yo'bolil jba.

1 Samuel 2:10

Te mach'atic ya scontrahinic te Jehová ya me xlajinotic, ha ya xt'ohm tal ta stojolic c'alal ta ch'ulchan. Te Jehová ya me yich' ta c'op c'alal ta sti'il bahlumilal; ya me ya'be yip te ajwalil yu'un, soc ya me ya'be xan yip te Mach'a malbil ta aceite yu'une, xchi.

Hebreos 12:23

ta banti stsoboj sbahic te ba-nich'aniletic te ts'ihbabil sbihilic ta ch'ulchan. Nohpojemex ta stojol Dios, te Jchahpanwanej yu'un spisilic, ta stojol te espírituhetic yu'un te mach'atic toj bin la spasic te ts'acal pasotic ta toj,

2 Corintios 11:11

¿Bin yu'un? ¿Yu'un bal ma ba c'uxex ta co'tan? Sna'oj Dios te c'uxex ta co'tane.

Eclesiastés 12:14

Como Dios ya sc'ambe cuenta yu'un spisil a'tel, soc ha nix hich spisil bintic muquen pasbil, teme lec o teme ma lecuque.

Jueces 11:28

Pero te ajwalil yu'un te snich'nab Amón ma ba la yich'be ta cuenta te c'op la sticon tal te Jefté.

2 Crónicas 20:12

¡Dios cu'untic! ¿ma bal yacuc achahpan? Como mayuc quipcotic ta stojol hich yipal te ya xtal ya'botcotic guerra. Ma jna'cotic bin ya jpascotic, cac'oj jsitcotic ta atojol, xchi.

1 Samuel 24:13

Ay antiguo c'op te hich ya yal: Ya xloc' tal te bin chopol ta yo'tan mach'atic chopolic, te xchihe; pero te ho'one ma ba ya hach jc'ab ta atojol.

1 Samuel 24:16

C'alal laj yo'tan ta c'op te David, hich la yal te Saúl: ¿Ha bal ac'op ini, jnich'an David? xchi. Hich tulan awon ta oq'uel te Saúl,