Jueces 11:17 - Bible in Tzeltal Bachajón

¹⁷ Hich te Israel la sticonic bahel winiquetic ta stojol te ajwalil yu'un Edom, hich la yalbeyic: Awocoluc ac'awotcotic c'axel ta aq'uinal, xchihic. Pero te ajwalil yu'un Edom ma ba la sch'uhun. Ha nix hich la sticon bahel winiquetic ta stojol te ajwalil yu'un Moab, te ha nix hich ma ba la sc'an. Ha yu'un hil ta Cades te Israel.

Bible in Tzeltal de Oxchuc y Tenejapa

¹⁷ Jich la jticunbeytic c'op te muc' ajwalil yu'un Edom, la jc'anbeytic te yacuc yac'otic c'axel ta sq'uinalic. Ja'uc me to, ma la yac'otic c'axel. Ja' nix jich la jc'anbeytic te muc' ajwalil yu'un Moab, ni ma la yac'otic c'axel. Ja' swentail te tey jilotic ta Cades.

Jueces 11:17 Referans Kwoze

Números 20:1

C'ohtic spisil te pueblo yu'un te snich'nab Israel ta jochol taquin q'uinal Zin ta shahchel u, la spas scampamentohic ta Cades. Tey cham a te María, soc tey la yich' muquel a.

Josué 24:9

Patil hahch te Balac snich'an Zipor, te ajwalil yu'un te moabetic, la ya'be guerra te Israel. Ha la sticon ta iq'uel tal te Balaam te snich'an Beor, yu'un ya sc'an chopol c'oblalil ta atojolic.

Deuteronomio 2:29

hich te bin ut'il la spasbon te snich'nab Esaú te nahinemic ta Seir, soc te moabetic nahinemic ta Ar, ha to c'alal ya sohlon bahel ta muc'ul-ha' Jordán ta q'uinal ya ya'botcotic Jehová te Dios cu'uncotic, xchihon ta stojol.

Deuteronomio 1:46

Ha scuentahil te bayel c'ahc'al hilex ta Cades.