Jueces 11:11 - Bible in Tzeltal Bachajón

¹¹ Ha yu'un te Jefté baht soc te mamaletic yu'un Galaad, te pueblo la yotsesic ta jtsobaw soc jcuentahinwanej yu'unic. Te Jefté la yal ta stojol Jehová ta Mizpa spisil te bintic la yalixe.

Bible in Tzeltal de Oxchuc y Tenejapa

¹¹ Jich yu'un te Jefté bajt' soc. Te lume la yaq'uic ta jtsobwanej te ya spas mandal ta stojolic. Ta Mizpa la yal xan ta stojol Cajwaltic, te bi la yal ta neelal te Jefté.

Jueces 11:11 Referans Kwoze

1 Samuel 10:17

Patil te Samuel la stsob te pueblo ta stojol Jehová ta Mizpa.

Jueces 20:1

Ha yu'un loq'uic bahel spisil te snich'nab Israel, c'alal ta Dan ha to ta Beerseba soc ta sq'uinal Galaad, la stsob sbahic hich te bin ut'il jtuhl winic ta stojol Jehová ta Mizpa.

Jueces 10:17

Te amonetic la stsob sbahic soc la spas scampamentohic ta sq'uinal Galaad. Ha nix hich la stsob sbahic te snich'nab Israel soc la spas scampamentohic ta Mizpa.

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.

Santiago 1:5

Teme ay mach'a mayuc sp'ijil yo'tan, ac'a sc'ambe Dios, ma p'isbiluc nax ya yac' stuquel soc mayuc mach'a ya sp'aj, ya me x'a'bot yu'un.

1 Samuel 11:15

Ha yu'un spisil te pueblo bahtic ta Gilgal. Tey ta stojol Jehová la ya'beyic yich' ya'tel ta ajwalil te Saúl. Soc la yaq'uic milbil mahtaniletic scuenta lamal q'uinal ta stojol Jehová. Te Saúl soc spisil Israel mero bayel yutsil yo'tanic yu'un.

Josué 15:38

Dileán, Mizpa, Jocteel,

2 Corintios 3:5

Ma yu'unuc ya calcotic te jtuquel-o'tancotic ya xhu' cu'uncotic; ha nix Dios ya yac' te ay bin ya xhu' cu'uncotic spasel.

Jueces 11:12

Soc la sticon bahel winiquetic ta stojol te ajwalil yu'un te amonetic, hich la yalbe: ¿Bin awochelon a te ya xtal awa'be guerra te jlumale? xchi.

Jueces 11:29

Hich te Jefté u'untayot yu'un te espíritu yu'un Jehová, hich c'ax bahel ta Galaad soc ta Manasés, soc c'ax xan bahel ta Mizpa te ay ta Galaad, baht ta stojol te amonetique.

Jueces 11:34

C'alal suht bahel ta sna ta Mizpa te Jefté, te yantsil-nich'an loc' tal ta tahel yu'un, yac ta ahc'ot loq'uel tal ta stijel panderohetic. Mero jip jtuhl a te yantsil-nich'an, mayuc yan squerem o yantsil-nich'an.

1 Samuel 8:21

Te Samuel la ya'iybe spisil sc'op te pueblo, la yalbe ya'iy te Jehová.