Jueces 10:6 - Bible in Tzeltal Bachajón

⁶ Pero te snich'nab Israel la scha'pasic xan te bin chopol ta stojol Jehová, la yac' sbahic ta a'batinel yu'un te baaletic soc te Astarot, te diosetic yu'un Siria, Sidón, Moab, Amón soc yu'un te filisteohetic. La yihquitay ta yo'tanic te Jehová, ma ba la yac' sbahic ta a'batinel yu'un.

Bible in Tzeltal de Oxchuc y Tenejapa

⁶ Ja'uc me to, te israeletic la xcha'pasic te bila ma lecuc ta sit Cajwaltic, la xch'uunic loc'ombaetic yu'un Baal soc yu'un Astarté, soc diosetic yu'un Siria, diosetic yu'un Sidón, diosetic yu'un Moab, diosetic yu'un Amón, soc diosetic yu'un te filisteoetique. Ja' la yijq'uitay ta yo'tanic te Cajwaltic, ma'yuc bay ya squejan sbaiquix ta stojol.

Jueces 10:6 Referans Kwoze

2 Reyes 23:13

Te ajwalil ha nix hich la sbohlobtesbe sc'oblal te toyol awilaletic te ayic ta stojol sloq'uib c'ahc'al yu'un Jerusalén, ta stojol sur yu'un te Wits yu'un Jinel, te la yich' pasel yu'un te Salomón ajwalil yu'un Israel ta stojol Astoret te loc'omba yu'un te sidoniohetic te ilobtic sba, soc te Quemos te loc'omba yu'un Moab, soc te Milcom te loc'omba yu'un te snich'nab Amón te ilobtic sba.

1 Reyes 11:33

como la yihquitayonic soc la sch'uhuntayic Astoret te antsil-dios yu'un te sidonetic, te Quemos te dios yu'un Moab, soc Moloc te dios yu'un te snich'nab Amón. Ma ba behenic ta be cu'un ta spasel te bin lec ta jtojol, ma ba la sch'uhunic spasel te chahpambil mandariletic cu'un o te bin caloj ta mandar, ma hichuc te bin ut'il la spas te David te state.

1 Reyes 11:7

Ta wits te ay ta stojol sloq'uib c'ahc'al yu'un Jerusalén te Salomón la spasbe toyol awilal te Quemos te ihlaybil loc'omba yu'un Moab, soc te Moloc te ihlaybil loc'omba yu'un te snich'nab Amón.

1 Reyes 11:5

Te Salomón la st'un te Astoret te antsil-dios yu'un te sidonetic, soc te Milcom te ihlaybil loc'omba yu'un te amonetique.

Jeremías 2:13

Cha'chahp mulil la spas te pueblo cu'une: ha te la yihquitayon, ho'on te cuxul sloq'uib-ha'on, soc la shotic yawil ha' yu'unic, ha yawil ha'etic te lohmenic te ma xhil ha' tey a.

Salmos 106:36

La sch'uhuntayic te loc'ombahetic yu'unic, te ha sjinojibal c'ohtic yu'unic.

2 Reyes 17:16

La sch'aybeyic spisil te mandariletic yu'un te Jehová te Dios yu'unique. La spasic cheb sloc'omba jcolel torohetic ta uhltesbil bronce, soc loc'ombahetic yu'un Asera; la sch'uhuntayic spisil te bintic ayic ta ch'ulchan soc la yac' sbahic ta a'batinel yu'un Baal.

Jueces 16:23

Te príncipaletic yu'un te filisteohetic la stsob sbahic ta ya'beyel milbil smahtan te Dagón, te dios yu'unic, soc ta spasel q'uin. Hich la yalic: Te dios cu'untic la ya'botic ta jc'abtic te Sansón, te jcontratic, xchihic.

2 Crónicas 28:23

yu'un la ya'be milbil mahtaniletic te diosetic yu'un Damasco te ha nix tsalot yu'unic, hich la yal: Te bin ut'il te ajwaliletic yu'un Siria coltayotic yu'un te diosetic yu'unic, ha nix hichon ya ca'be milbil mahtaniletic yu'un ya scoltayonic, xchi. Pero ha sjinojibal c'oht soc spisil Israel.

1 Reyes 16:31

Ma tic'uc la ya'iy a te la st'un te muliletic yu'un te Jeroboam snich'an Nabat, ha nuhpun soc Jezabel yantsil-nich'an Et-baal ajwalil ta Sidón. Hich baht yac' sba ta a'batinel ta stojol Baal soc la sch'uhuntay.

1 Samuel 5:2

La yotsesic te scaxahul te chapbil-c'op ta templo yu'un Dagón, la yaq'uic ta sts'ehl te Dagón.

Jueces 13:1

Te snich'nab Israel la scha'pasic xan te bin chopol ta stojol Jehová, hich te Jehová la yac'ticlan ta sc'ab te filisteohetic cha'winic (40) ha'bil.

Jueces 6:1

Te snich'nab Israel la spasic te bin chopol ta stojol Jehová. Ha yu'un te Jehová la ya'be ta sc'ab Madián huqueb ha'bil.

Jueces 4:1

C'alal chamenix a te Aod, te snich'nab Israel suhtic xan ta spasel te bin chopol ta stojol Jehová.

Jueces 3:7

Te snich'nab Israel la spasic te bin chopol ta stojol Jehová te Dios yu'unic, ha la sch'ay ta yo'tanic te Jehová te Dios yu'unic soc la yac' sbahic ta a'batinel yu'un te baaletic soc te loc'ombahetic yu'un Asera.

Deuteronomio 32:15

Pero juhp' te Jesurún, soc pujawan ta teq'uel, (c'ax juhp'at, mero bayel ajuhp'el). Ha yu'un la sch'ay ta yo'tan te Dios te pasot yu'une; la yihlay te Muc'ul Ton te ya xcoltayot yu'un.

Deuteronomio 31:16

Te Jehová hich la yalbe te Moisés: Ilawil, ya xchamatix. Te pueblo ini ya me xhahch yac' sbahic ta antsinel c'ohem ta stojol te yantic diosetic yu'un te q'uinal te banti ya xbahtic. Ya me yihquitayon soc ya me sjin te chapbil-c'op jpasoj soc.

Deuteronomio 31:17

Ha yorahil a te ya xtihl hahchel sc'ahc'al co'tan ta stojolic; ya me jch'ayic ta co'tan, ya jnac' jsit ta stojolic, hich me ya xlajic. Ya me xtal bayel swocolic soc mel-o'tan ta stojolic, ha me yorahil a te hich ya yalic: ¿Ma bal ha'uc yacon ta wocol yu'un te ma ba sjoquinejonix te Dios cu'un? xchihic.

Josué 13:31

soc j'ohlil te Galaad, Astarot soc Edrei, ha pueblohetic banti scuentahinej te Og ta Basán; ha yu'un c'oht te j'ohlil te snich'nab Maquir snich'an Manasés, ha chican te jaychahp ayique.

Jueces 10:5

Cham te Jair, la yich' muquel ta Camón.

Jueces 11:24

Te bin ya ya'bat awu'untay te Quemos te dios awu'un ¿ma bal yac awu'untay? Ha nix hich spisil te bin ya ya'botcotic Jehová te Dios cu'uncotic ya me cu'untaycotic.

Isaías 23:4

¡Q'uexawan, Sidón! como hich ya yal te yip te mar: Mayuc bin ora alajon, mayuc mach'a la jcalatay, mayuc la jcoltes queremetic soc mayuc la jcoltes ach'ixetic, xchihat.

Ezequiel 27:16

Te Edom la ya'iy mambajel chombajel ta atojol yu'un te ay bayel bintic ay awu'un, la sjelbat ta perlahetic te paq'uetic bombil ta chi'in-yax, ch'albil paq'uetic, lequil lino, t'ujbil tonetic ta ye'tal mar, soc tsajal tonetic.

Deuteronomio 13:6

Teme abanquil o awihts'in, aquerem-nich'an, awantsil-nich'an, awihnam o awamigo te mero jun awo'tan aba soc, teme hich ya sjucat ta muquen: Conic, ya jch'uhuntic yantic diosetic te ma xana'be sba ni ha'uc te ame'atatic la sna'beyic sba,

Deuteronomio 13:8

ma me xawac' aba soc, ma me xawa'iybe sc'op, ma me xana'be yo'bolil sba, ma me xac'uxultay o ma me xanac',

Jueces 8:33

Pero te c'alal chamenix a te Gedeón, te snich'nab Israel suhtic xan yac'bel sbahic ta antsinel c'ohem ta stojol te baaletic, soc la sdiosinic te Baal-berit.

Jeremías 2:20

Como nameyix la awuy te yugo awu'un soc te bin chuculat a, hich la awal: Ma ba ya cac' jba ta a'batinel, xchihat. Ta spisil ini, la awac' aba ta antsinel ta spisil toyol tsehletic soc ta ye'tal spisil pimil ya'binal te'etic.

Jeremías 32:23

Ha'ic ochic talel soc la yu'untayic, pero ma ba la sch'uhumbat ac'op soc ma ba la st'unic te Ley awu'une; mayuc bin la spasic te la awalbe ta mandar. Ha yu'un la aticombe tal ta stojolic spisil te bintic chopol ini.