Jueces 10:4 - Bible in Tzeltal Bachajón

⁴ Ay lajuneb scha'winic (30) ta tuhl snich'nab te mohic ta lajuneb scha'winic (30) ta coht burro; soc ay lajuneb scha'winic (30) pueblohetic yu'unic ta sq'uinal Galaad, te ha ‘pueblohetic yu'un Jair’, xchi sbihilic c'alal ora.

Bible in Tzeltal de Oxchuc y Tenejapa

⁴ Ay lajuneb xcha'winic (30) ta jtul snich'nab te Jair, juju-jtul snich'nab ya xmoic ta burro, juju-jtul ay jpam lum yu'un ta bay sq'uinal Galaad. Te lajuneb xcha'winic (30) ta jpam lum, ya to x'ac'bot sbiilic: “Lumetic yu'un Jair”, xi' sc'oplal.

Jueces 10:4 Referans Kwoze

Números 32:41

Ha nix hich te Jair snich'an Manasés baht yu'untay te tut pueblohetic yu'un, la yac'ticlambe sbihilin Havot-jair.

Jueces 12:14

Ay cha'winic (40) ta tuhl queremetic soc ay lajuneb scha'winic (30) ta tuhl smamatac te mohic ta lajuneb schanwinic (70) ta coht burro. Ha juez yu'un Israel waxaqueb (8) ha'bil.

Jueces 5:10

Ha'ex te ya xmohex ta saquil burrahetic, ha'ex te huculex ta chahpanwanej, soc ha'ex te ya xbehenex ta awoquic, c'opojanic.

Deuteronomio 3:14

(Te Jair, jtuhl sts'umbal Manasés, la yich' spisil te q'uinal yu'un Argob c'alal ta sti'il Gesur soc Maaca. La ya'be sbihilin te Basán te sbihil nix: Havot-jair, te hich nix sbihil c'alal ora.)

Jueces 10:3

Ta patil hahch Jair te talem ta Galaad, ha juez c'oht yu'un Israel cheb scha'winic (22) ha'bil.

Jueces 10:5

Cham te Jair, la yich' muquel ta Camón.

2 Samuel 16:2

Te ajwalil la sjoc'obe te Siba: ¿Bin yu'un la awich' tal ini? xchi sc'oblal. La sjac' te Siba: Te burrohetic ha ya xmohic a te mach'atic ay yu'un te ajwalil, te panetic soc te sit awal-ts'unubiletic yu'un ha ya swe'ic te winiquetic, soc te vino ha ya yuch'ic te mach'atic ya xluhbic ta jochol taquin q'uinal, xchi.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.