Jueces 10:13 - Bible in Tzeltal Bachajón

¹³ Pero te ha'ex la awihquitayonic, la awac' abahic ta a'batinel yu'un yantic diosetic; ha yu'un ma ba ya jcoltayexix xan.

Bible in Tzeltal de Oxchuc y Tenejapa

¹³ Tojol te jich la jcoltayexe, melel la awijq'uitayon ta awo'tanic ta scaj xch'uunel yantic diosetic, jich yu'un ma ba ya jcoltayexix.

Jueces 10:13 Referans Kwoze

Jeremías 2:13

Cha'chahp mulil la spas te pueblo cu'une: ha te la yihquitayon, ho'on te cuxul sloq'uib-ha'on, soc la shotic yawil ha' yu'unic, ha yawil ha'etic te lohmenic te ma xhil ha' tey a.

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

Jueces 2:12

La yihquitayic te Jehová te Dios yu'un te sme'static te loq'uesotic tal yu'un ta sq'uinal Egipto, la st'unic bahel yantic diosetic yu'un te pueblohetic te ayic ta sjoyobalic; la squejan sbahic ta stojolic, hich la shachbeyic yilimba te Jehová.

Jonás 2:8

Te mach'atic ya st'unic loc'ombahetic te tojol ayic, ma ha'uquix jun yo'tanic ta atojol.

Deuteronomio 32:15

Pero juhp' te Jesurún, soc pujawan ta teq'uel, (c'ax juhp'at, mero bayel ajuhp'el). Ha yu'un la sch'ay ta yo'tan te Dios te pasot yu'une; la yihlay te Muc'ul Ton te ya xcoltayot yu'un.

Jueces 10:14

Bahan awonanic ta stojol te diosetic atsahojic; ha ac'a scoltayex te c'alal ay awocolic, xchi.

Jueces 2:19

Pero te c'alal ya xcham te juez, ya suht ta spatic, c'ax hich a te bin ut'il sme'static; ya st'unic yantic diosetic yu'un ya yac' sbahic ta a'batinel yu'un soc ya squejan sbahic ta stojolic. Ma ba ya yihquitayic te bin yac spasbelic o te tulan stalelique.

2 Crónicas 12:5

Ha yu'un tal te jalwanej Semaías ta stojol Roboam soc te príncipaletic yu'un Judá te stsoboj sbahic ta Jerusalén ta scaj te Sisac, hich la yalbe: Hich ya yal te Jehová: Ha'ex la awihquitayoniquix, ha nix hichon la jquihquitayex hilel ta sc'ab Sisac, xchi.

2 Crónicas 15:2

hich loc' sta te Asa, hich la yalbe: A'iybon awa'iyic jc'op, Asa soc spisil Judá soc Benjamín: Ya me sjoquinex te Jehová teme jun awo'tan yac awac' abahic ta stojol. Teme yac alehic, ya me atahic; yan teme yac awihquitayic, ya me yihquitayex.

2 Crónicas 21:10

Pero te Edom col ta libre yu'un te cuentahinel yu'un Judá c'alal ora. Ha nix yorahil a te Libna col ta libre, como te Joram yihquitayej hilel te Jehová, te Dios yu'un te sme'state.

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.