Jueces 1:4 - Bible in Tzeltal Bachajón

⁴ Baht te Judá, te Jehová la ya'be ta sc'abic te cananeo soc te ferezeo; la smilic jpic soc ho'bahc' (10,000) ta tuhl ta Bezec.

Bible in Tzeltal de Oxchuc y Tenejapa

^4-5 Jich yu'un te sts'umbal Judá la spojbey sq'uinal te cananeoetic soc te sq'uinal ferezeoetic, ja' te mach'atic ac'botic ta sc'abic yu'un te Cajwaltique. Ta lum Bezec la stsalic lajunmil (10,000) ta jtul, ta yolilic ay te Adoni-bezec.

Jueces 1:4 Referans Kwoze

1 Samuel 11:8

Te Saúl la yahtaylan ta Bezec, ay j'ohlil swaxaclajunpic (300,000) snich'nab Israel, soc oxpic soc ho'lajunbahc' (30,000) winiquetic yu'un Judá.

1 Reyes 22:15

C'alal tal ta stojol te ajwalil, hich joc'obot yu'un: Micaías, ¿ya bal ca'becotic guerra te Ramot yu'un Galaad, o ma'uc? xchi. Mohan bahel, ya me awa'iy tsalaw, como te Jehová ya me ya'be ta sc'ab te ajwalil, xchi.

1 Reyes 22:6

Ha yu'un te ajwalil yu'un Israel la stsob jalwanejetic, ay wan jbahc' ta tuhl, hich la sjoc'obe: ¿Ya bal ca'be guerra te Ramot yu'un Galaad, o ma'uc? xchi. Bahan, te Jehová ya me ya'be ta sc'ab te ajwalil, xchihic.

1 Samuel 14:10

Pero teme ya yalbotic: Mohanic talel, teme xchihique, ya xmohotic bahel, yu'un la ya'botiquix ta jc'abtic te Jehová; ha me seña cu'untic abi, xchi.

1 Samuel 14:6

Hich te Jonatán la yalbe te jcuch-a'tejibal yu'un: La' me, sohlucotic bahel ta banti ay te jchahp soldado yu'un te mach'atic ma ba yich'ojic circuncisión; ay wan bin ya spasbotic te Jehová, como ma ba wocol ya ya'iy stuquel te ya yac' tsalaw, teme ay tsobolic o teme mayuc tsobolic, xchi.

Deuteronomio 9:3

Na'a me yo'tic te ha te Jehová te Dios awu'un te ya xnahilij bahel awu'un hich te bin ut'il c'ahc' te ya xlajinwan, te ya slajinlan te nacionetic soc ya ya'be spehc'an sbahic ta atojol. Ya me atenticlan loq'uel soc ya me alajinlan ta ora nax, hich te bin ut'il la yalbatix te Jehová.

Deuteronomio 7:2

soc te c'alal la ya'batix ta ac'ab te Jehová te Dios awu'un te nacionetic soc te la atsalix a, jc'axel me xajinticlan; ma me ayuc bin yac achap ac'op soc, ma me xana'be yo'bolil sbahic.

Jueces 1:3

Te Judá hich la yalbe te yermano, ha te Simeón: Joquinawon bahel ta q'uinal te a'botonix ta jcuenta, yu'un ya ca'betic guerra te cananeohetique; soc ha nix hich ya joquinat bahel ta q'uinal awu'un, xchi. Hich te Simeón la sjoquin bahel.

Jueces 1:5

La stahic te Adoni-bezec ta Bezec, la ya'beyic guerra soc la stsalic te cananeo soc te ferezeo.

Salmos 44:2

Ha'at ta ac'ab la atenticlan loq'uel te nacionetic soc la ats'un tey a te me'iltatiletique; la awa'be swocol te pueblohetic, yan te jme'jtatcotic la awac' te lec ya xc'ohtic.

Salmos 78:55

La sloq'ueslan te nacionetic ta stojolic; la sp'isticlan ta puquel te q'uinal te ya yich'ic hilel, tey la yac' nahinuc ta snahilpaq'uic a te jujuchahp sts'umbal Israel.

Jueces 3:5

Hich te snich'nab Israel hahch sjoquin sbahic ta nahinel soc te cananeo, heteo, amorreo, ferezeo, heveo soc te jebuseo.

Jueces 11:32

Hich te Jefté baht ya'be guerra te amonetic; te Jehová la yac'ticlambe ta sc'ab.