Jueces 1:27 - Bible in Tzeltal Bachajón

²⁷ Te Manasés ma ba la sten loq'uel te mach'atic ayic ta Bet-seán, Taanac, Dor, Ibleam o Meguido soc te tut pueblohetic yu'unique; te cananeohetic la yaq'uic fuersa te ya xnahinic xan tey a.

Bible in Tzeltal de Oxchuc y Tenejapa

²⁷ Te sts'umbal Manasés, ma ju' yu'un te la sloq'ues bael yajwal te lumetic Bet-seán, Taanac, Dor, Ibleam soc Meguido, ni ja'uc ju' yu'un sloq'uesel bael te mach'atic ainemic ta ch'in lumetic te nopol ayic soque. Ja' yu'un te cananeoetic ainic xan tey a.

Jueces 1:27 Referans Kwoze

Jeremías 48:10

¡Ma me lecuc sc'oblal te mach'a ma ba jun yo'tan ya spasbe ya'tel te Jehová! ¡Ma me lecuc sc'oblal te mach'a ya scom ta smalel ch'ich' te espada yu'une!

1 Samuel 15:9

Pero te Saúl soc te soldadohetic cuxul hil yu'unic te Agag soc te banti t'ujbilic tuminchijetic, wacaxetic, juhp'en wacaxetic soc tut tuminchijetic, spisil te bintic lec, ma ba la sc'anic te jc'axel la slajinic; ha nax jc'axel la slajinic te bintic ma lecuc soc te ma xtuhune.

Jueces 5:19

Tal ta yaq'uel guerra ajwaliletic; te ajwaliletic yu'un Canaán talic ta yaq'uel guerra ta Taanac ta nopol ha'etic yu'un Meguido, pero mayuc taq'uin la stahic.

Jueces 1:1

C'alal chamix a te Josué, te snich'nab Israel la sjoc'obeyic te Jehová: ¿Mach'a a te nahil ya xbaht cu'uncotic ta ya'beyel guerra te cananeohetic? xchihic.

Josué 21:25

Soc ta banti te j'ohlil yu'un Manasés la ya'beyic Taanac, soc Gat-rimón soc te aquiltic yu'unic; cheb pueblohetic.

Deuteronomio 7:2

soc te c'alal la ya'batix ta ac'ab te Jehová te Dios awu'un te nacionetic soc te la atsalix a, jc'axel me xajinticlan; ma me ayuc bin yac achap ac'op soc, ma me xana'be yo'bolil sbahic.

Éxodo 23:32

Ma xachap ac'opic soc, o soc te diosetic yu'unique.

Jueces 1:26

Te winic baht ta sq'uinal te heteohetic, la shach jun pueblo te la ya'be sbihilin Luz; hich ay sbihil c'alal ora.

Jueces 1:28

Te c'alal la yich' yip te Israel, la ya'beyic spas tulan a'tel te cananeohetic, pero ma ba la stenic loq'uel ta jc'axel.

2 Reyes 9:27

C'alal hich la yil te Ocozías ajwalil yu'un Judá, baht ta ahnel ta stojol Bet-hagan. Pero nutsot yu'un te Jehú soc hich la yal: ¡Ha nix hich, milahic! xchi. Hich la yehchentesic ta scarreta ta mohel yu'un Gur, ta nopol Ibleam. Pero te Ocozías baht ta ahnel ta Meguido, tey c'oht ta lajel a.

Jueces 1:21

Yan te sts'umbal Benjamín ma ba la sloq'uesic te jebuseohetic te nahinemic ta Jerusalén; hich te jebuseohetic nahinemic ta Jerusalén soc te sts'umbal Benjamín c'alal ora.

1 Samuel 31:10

La ya'beyic ta templo yu'un Astarot te ya'tejib te Saúl soc la sjihpambeyic te sbaq'uetal ta sts'ahcul te Bet-sán.

1 Reyes 9:21

ha te sts'umbalic te hilemic ta q'uinal te ma ba hu' yu'unic te snich'nab Israel te ya slajinic, ha la sujticlan ta a'tel te Salomón, hich ay ta pasel c'alal ora.

2 Reyes 23:29

Ta hich ora te faraón Necao ajwalil yu'un Egipto mo bahel ta muc'ul-ha' Éufrates ta ya'beyel guerra te ajwalil yu'un Asiria. Te ajwalil Josías loc' tal ta a'beyel guerra; pero te Necao, c'alal la yil te Josías, la smil ta Meguido.