Jueces 1:23 - Bible in Tzeltal Bachajón

²³ Te sts'umbal José la sticonic bahel jtsahtaywanejetic ta Bet-el, te ha Luz sbihil ta nahil to.

Jueces 1:23 Referans Kwoze

Génesis 28:19

Bet-el sbihil c'oht yu'un te lugar, aunque Luz sbihil ta nahil to te pueblo.

Génesis 48:3

hich la yalbe te José: Te Dios te spisil ya xhu' yu'un la yac' sba ta ilel ta jtojol ta Luz te ay ta sq'uinal Canaán, soc la ya'bon bendición,

Génesis 35:6

Te Jacob soc spisil mach'atic sjoquinej, c'ohtic ta Luz, o te Bet-el te yan sbihil, te ay ta sq'uinal Canaán.

Jueces 18:2

Ha yu'un te sts'umbal Dan la sticonic hahchel ta Zora soc Estaol ho'tuhl slumalic, winiquetic te ay yip yo'tanic, scuenta yu'un ya stsahtay yilic ta lec te q'uinal, yu'un hich ya sna'ic a bin yilel. Hich halbotic yu'unic: Bahanic, tsahtaya awilic te q'uinal, xchihic. Hich c'ohtic ta witsiltic yu'un Efraín, ta sna Micaía, tey wayic a.

Josué 7:2

Patil te Josué la sticon hahchel winiquetic ta Jericó, bahtic ta Hai te nopol yiloj sba soc te Bet-avén, ta stojol sloq'uib c'ahc'al yu'un Bet-el, hich la yalbe: Mohanic bahel ta stsahtayel te q'uinale, xchi. Hich bahtic ta stsahtayel tal te Hai.

Josué 2:1

Te Josué snich'an Nun muquen la sticon hahchel ta Sitim cheb jtsahtaywanejetic, hich la yalbe: Bahan ilawilic te q'uinal soc te Jericó, xchi. Hich bahtic, ochic ta sna jtuhl j'antsinel-ants Rahab sbihil, tey c'ax ahc'abal yu'unic a.

Josué 18:13

Tey baht xan ta stojol Luz, c'ax bahel ta sur yu'un Luz (ha te Bet-el), co bahel ta Atarot-adar baht ta wits te ay ta stojol sur yu'un Ahlan Bet-horón.

Jueces 1:22

Ha nix hich te sts'umbal José baht ya'beyic guerra te Bet-el; joquimbilic yu'un Jehová.

Josué 16:1

Te ban c'oht ta scuenta te sts'umbal José ta scuenta spasbeyel seña ta na'el, ya xhahch bahel ta muc'ul-ha' Jordán ta nopol Jericó, ta stojol banti ya xloc' tal c'ahc'al yu'un te ha'etic yu'un Jericó, tey ya xc'ax bahel ta jochol taquin q'uinal, ya xmo bahel ta witsiltic c'alal ta Bet-el.

Josué 16:2

Ta Bet-el ya xloc' bahel ta Luz, ya xc'ax ta sq'uinal arquetic c'alal ta Atarot;