Jueces 1:20 - Bible in Tzeltal Bachajón

²⁰ Hich te bin ut'il yaloj te Moisés, la ya'beyic Hebrón te Caleb. Te Caleb la sten loq'uel tey a te oxtuhl snich'nab Anac.

Bible in Tzeltal de Oxchuc y Tenejapa

²⁰ Te Caleb ja' c'ot ta swenta te Hebrón, jich bit'il yalojbey sc'oplal Moisés. Te Caleb la sloq'ues bael yoxebal sts'umbal Anac.

Jueces 1:20 Referans Kwoze

Jueces 1:10

Soc baht ya'beyic guerra te cananeohetic te nahinemic ta Hebrón, te ha Quiriat-arba sbihil ta nahil to; soc la stsalticlanic Sesai, Ahimán soc Talmai.

Deuteronomio 1:36

ha nax te Caleb snich'an Jefone ya me yil stuquel, soc ya ca'be soc snich'nab te q'uinal te banti behen, como jun yo'tan la st'un bahel te Jehová, xchi.

Números 14:24

Yan te ca'bat Caleb, te bin ut'il yan yilel yo'tan a soc te jun yo'tan la st'unon bahel, ya cac' ochel ta q'uinal te banti c'oht yilix talel, soc te sts'umbal ya me yu'untayic te q'uinale.

Números 13:22

Hich mohic bahel ta Neguev, c'ohtic ta Hebrón te banti ay Ahimán, Sesai soc Talmai, te sts'umbalic Anac. Te Hebrón shuquebal ha'bil shu'el a te chicnaj Zoán ta Egipto.

Josué 10:36

Patil te Josué soc spisil Israel loq'uic bahel ta Eglón, bahtic ta Hebrón soc la ya'beyic guerra.

Josué 11:21

Soc ha nix ta yorahil a te Josué baht slajin te sts'umbal Anac te ayic ta wits Hebrón, ta Debir, ta Anab, ta spisil te witsiltic yu'un Judá soc spisil te witsiltic yu'un Israel; te Josué la slajinlan soc te pueblohetic yu'unique.

Josué 14:15

Te sbihil te Hebrón ta nahilal ha Quiriat-arba, como te Arba ha jtuhl winic te muc' sc'oblal ta yohlil te sts'umbal Anac. Hich la scux yo'tan yu'un guerra te q'uinale.