Jueces 1:10 - Bible in Tzeltal Bachajón

¹⁰ Soc baht ya'beyic guerra te cananeohetic te nahinemic ta Hebrón, te ha Quiriat-arba sbihil ta nahil to; soc la stsalticlanic Sesai, Ahimán soc Talmai.

Bible in Tzeltal de Oxchuc y Tenejapa

¹⁰ Ba stsalic te cananeoetic ta lum Hebrón, te Quiriat-arba sbiil ta neelale, soc la stsalic Sesai, Ahimán soc Talmai.

Jueces 1:10 Referans Kwoze

Josué 14:15

Te sbihil te Hebrón ta nahilal ha Quiriat-arba, como te Arba ha jtuhl winic te muc' sc'oblal ta yohlil te sts'umbal Anac. Hich la scux yo'tan yu'un guerra te q'uinale.

Números 13:22

Hich mohic bahel ta Neguev, c'ohtic ta Hebrón te banti ay Ahimán, Sesai soc Talmai, te sts'umbalic Anac. Te Hebrón shuquebal ha'bil shu'el a te chicnaj Zoán ta Egipto.

Jeremías 9:23

Hich ya yal te Jehová: Te mach'a ay sp'ijil ma me stoybe sba ya'iy q'uinal yu'un te sp'ijile, soc te mach'a ay yip ma me stoybe sba ya'iy q'uinal yu'un te yipe, te mach'a ay sc'ulejal ma me stoybe sba ya'iy q'uinal yu'un te sc'ulejale.

Eclesiastés 9:11

Ay yan bin la jquil ta ye'tal ch'ulchan: Te tsalaw ma ha'uc yu'un te mach'a ya xhu' yu'un ahnimal, o te tsalaw te guerra ma ha'uc yu'un te mach'atic ay yipic, te we'elil ma ha'uc yu'un te mach'atic p'ij yo'tanic, o te c'ulejalil ma ha'uc yu'un te mach'atic ay snopojibal yu'unic, o te lec ta o'tanil te mach'atic p'ijubenic; como ya sta yorahil soc ay bintic ya xc'oht ta stojol spisilic.

Jueces 1:20

Hich te bin ut'il yaloj te Moisés, la ya'beyic Hebrón te Caleb. Te Caleb la sten loq'uel tey a te oxtuhl snich'nab Anac.

Números 13:33

Soc la jquilcotic tey a c'ax nahtil muc'ul winiquetic, ha te snich'nab Anac. Hich la jca'iy jbahcotic bin ut'il c'ulub, soc ha nix hich la yilotcotic, xchihic.

Génesis 23:2

Te Sara cham ta Quiriat-arba, (te Hebrón yan sbihil), te ay ta sq'uinal Canaán. Te Abraham tey la smel yo'tan soc tey la yoq'uetay a te Sara.

Génesis 37:14

Hich halbot bahel yu'un te stat: Bahan, ilawil teme lec ay te abanquiltac soc teme lec ay te tuminchijetique; ya me xtal awalbon ca'iy, xchi. Hich la sticon hahchel ta spamlej Hebrón, c'oht ta Siquem te José.

Josué 10:36

Patil te Josué soc spisil Israel loq'uic bahel ta Eglón, bahtic ta Hebrón soc la ya'beyic guerra.

Jueces 1:9

Patil te winiquetic yu'un Judá baht ya'beyic guerra te cananeohetic te nahinemic ta witsiltic, ta Neguev soc ta ahlan q'uinal.