San Juan 9:4 - Bible in Tzeltal Bachajón

⁴ Ya sc'an te ya jpasbe ya'tel te mach'a sticonejon tal te c'alal sac to a te q'uinale. Ya xtal ahc'abal te mayuc mach'a ya xhu' ya x'a'tejix.

Nuevo Testamento Tzeltal de Amatenango

⁴ Te tutꞌil ayotik to ta kꞌajkꞌaltike, puersa me ya jpasbe yaꞌtel te Machꞌa la stikonon tale. Yuꞌun ya xꞌijkꞌub te kꞌinale, te kꞌalal maꞌyukix machꞌa ya xꞌaꞌtej ae.

Bible in Tzeltal de Oxchuc y Tenejapa

⁴ Te bit'il ayotic to ta c'aleltique, puersa me ya jpasbey yat'el te mach'a la sticunon tele. Yu'un ya xtal te ajc'ubale, c'alal ma'yuquix mach'a ya xju' ya x'at'ej.

San Juan 9:4 Referans Kwoze

San Juan 12:35

Halbotic yu'un te Jesús: Ma haluquix c'ahc'al te ay sacal q'uinal ta atojolic, ha yu'un behenanic te jayeb xan ora ay sacal q'uinal scuenta yu'un ma ch'ayaluc awo'tanic a ya stahex te yihc'al q'uinale, como te mach'a ya xbehen ta yihc'al q'uinal, ma sna' banti ya xbaht.

Efesios 5:16

na'ahic stuhunel ta lec te tiempo, como chopol te bin ya xc'oht ta pasel ta jujun c'ahc'al.

San Juan 4:34

Hich halbotic yu'un te Jesús: Ha jwe'el te ya jpas te bin ya sc'an yo'tan te mach'a la sticonon tal soc te ya hu'tesbe te ya'tel.

Eclesiastés 9:10

Spisil te bintic yac apas, pasa soc spisil awip, como ta stsobojibal mach'atic chamenic, te banti ya xbahat, mayuc a'tel, mayuc bin ay ta chahpanel, mayuc bin ay ta na'el soc mayuc p'ijil-o'tanil tey a.

Gálatas 6:10

Ha yu'un, ha chican ban c'alal ya xhu' cu'untic, ac'a jpastic te bin lec ta pasel ta stojol spisil yantic, soc c'ax hich a ta stojol te mach'atic pajal ay sch'uhunel co'tantic soque.

San Juan 17:4

La jcac' ta ilel awutsilal li' ta bahlumilali, yu'un hu'ix cu'un te a'tel la awa'bon jpas.

Colosenses 4:5

P'ijanic me bin ut'il ya x'ayinex soc te mach'atic ma ba sch'uhunejic te Cristo, ayuc me scuentahil bin ut'il ya xc'ax c'ahc'al awu'unic ta stojolic.

San Juan 5:36

Pero ay bin ya yalbon jc'oblal te c'ax hich ay sc'oblal a te bin la yal te Juan: ha te a'teliletic a'bibilon yu'un te Tatil yu'un ya hu'tes, ha nix te a'teliletic te yacon ta spasel, ha ya yalbonic jc'oblal te sticonejon tal te Tatile.

San Juan 10:32

pero la yal te Jesús: La jca'beyex awilic bayel lequil a'teliletic yu'un te Jtate. ¿Bin a'telil te yac ach'ojonic ta ton yu'une? xchi.

San Juan 10:37

Teme ma ba yacon ta spasbeyel ya'tel te Jtate, ma me xach'uhunonic.

Hechos 4:20

como ma xhu' ya quihquitaycotic yalel te bintic quilojcotic soc te bintic ca'iyejcotic, xchihic.

San Juan 5:19

La sjac' te Jesús: Tulan sc'oblal ya calbeyex, mayuc bin ya xhu' ya spas ta stuquel-o'tan nax te Nich'anil, ha nax te bin ya yil yac spasbel te State. Como spisil te bin ya spas te Tatil, ha nix hich ya spas te Nich'anil,

San Juan 7:33

La yal te Jesús: Ma ba halix c'ahc'al ya joquinex, patil ya suhtonix bahel ta banti ay te mach'a la sticonon tale.

San Mateo 20:7

Yu'un mayuc mach'a la yic'otcotic ta a'tel, xchihic. Bahanic ta jts'usubil, ya me awich'ic te bin ut'il ay te tojele, xchi.

San Marcos 3:3

Te Jesús hich la yalbe te winic te taquijem sc'ab: Hahchan, tehc'ana aba ta ohlil, xchi.