San Juan 8:42 - Bible in Tzeltal Bachajón

⁴² Halbotic yu'un te Jesús: Te ha'uc atatic te Diose, c'ux yac awa'iyonic te hichuque, como talemon ta stojol te Dios soc li' ayon; ma jtuquel-o'tanuc nax te talemon, ha nix sticonejon tal te Diose.

Nuevo Testamento Tzeltal de Amatenango

⁴² Te Jesuse la sjakꞌtalanbe: —Te batsꞌi jaꞌuk aTatik te Dios te jaꞌexe, kꞌuxon ta awoꞌtanik te jichuke. Porke te joꞌone talemon ta stojol Dios y liꞌ ayon to. Ma joꞌukon a jnop tal te talone. Jaꞌ a stikonon tal te Diose.

Bible in Tzeltal de Oxchuc y Tenejapa

⁴² Te Jesús jich la yalbey yaiyic: —Te meleluc te ja' atatic te Diose, c'ux ya awaiyonic te jichuque, melel te jo'one talemon ta stojol te Diose te bit'il li' ayon to. Ma jtuquel-o'tanuc te talone. Ja' la sticunon tel te Diose.

San Juan 8:42 Referans Kwoze

San Juan 12:49

Ma jtuquel-o'tanuc c'opojon ta jcuenta; te Jtat te la sticonon tal, ha la spason ta mandar te bin ya sc'an ya cal soc te ya jpuc ta halel.

San Juan 14:10

¿Yu'un bal ma ba ach'uhunej te jun ayon soc te Tatil, soc te ha joc te Tatil? Te jc'op yac calbelex, ma jtuquel-o'tanuc nax yac calbel, pero te Tatil, te jun ayon soc, ha yac spasbel te a'tele.

San Juan 17:8

como la jca'be te ac'op te la awa'bone; la yich'ic ta cuenta, soc sna'ojiquix ta lec te talemon ta atojol, soc sch'uhunejiquix te ha'at aticonejon tale.

San Juan 17:25

Jtat te toj awo'tan, ma ba sna'beyejat aba te mach'atic ayic ta bahlumilal, pero ho'on ya jna'bat aba, soc te mach'atic li' ayic sna'ojiquix te ha'at la aticonon tale.

Malaquías 1:6

Te nich'anil ya yich' ta muc' te state, soc te a'bat ya yich' ta muc' te yajwale; teme ho'on tatilon, ¿bin yu'un ma ba yac awich'onic ta muc'? teme ho'on ajwalilon, ¿bin yu'un ma ba yac axi'onic, ha'ex sacerdotehex te yac ap'ajic te jbihile? xchi te Jehová te scuentahinej spisil. Pero yac awalic: ¿Bin ut'il jp'ajojcotic te abihile? xchihex.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

1 Juan 4:14

Ho'otcotic quilojcotic soc ya calcotic ta testigo te Tatil la sticon tal te Nich'anil scuenta Jcoltaywanej yu'un te bahlumilale.

San Juan 5:43

Talemon ta scuenta sbihil te Jtate, pero ma xawich'onic ta cuenta. Teme ay yan te ya xtal ta scuenta sbihil nix, ha yac awich'ic ta cuenta stuquel.

1 Corintios 16:22

Te mach'a ma ba c'ux ya ya'iy ta yo'tan te Cajwaltic Jesucristo, ihlaybil me ac'a c'ohtuc. Talelix te Cajwaltique.

San Juan 3:17

Te Dios ma ha'uc la sticon tal ta bahlumilal te Snich'an yu'un ya ya'be stoj smulic te mach'atic ayic ta bahlumilal, ha la sticon tal yu'un ya xcolic ta scuenta.

San Juan 5:23

scuenta yu'un spisil ya me yich'ic ta muc' te Nich'anil, hich te bin ut'il ya yich'ic ta muc' te Tatile. Te mach'a ma ba ya yich' ta muc' te Nich'anil, ma ba yich'oj ta muc' te Tatil te ticonot tal yu'une.

Apocalipsis 22:1

Patil te ch'ul a'bat la ya'bon quil te muc'ul-ha' scuenta cuxlejal, xleblon sjahts' hich te bin ut'il cristal, te yac ta loq'uel tal ta stojol te smuc'ul-huctajib Dios soc ta stojol te Jcolel Tuminchij,

Gálatas 4:4

Pero te c'alal la sta yorahil, Dios la sticon tal te Snich'an, te alatayot yu'un ants soc cuentahinot yu'un te Ley,

San Juan 8:14

La sjac' te Jesús: Aunque ho'on nix yac calbel jc'oblal, yu'un nix melel a, como jna'oj banti talemon soc banti ya xbohon; pero te ha'exe ma ba yac ana'ic banti talemon soc banti ya xbohon.

San Juan 13:3

Sna'oj te Jesús te spisil a'bibil ta sc'ab yu'un te Tatil, soc te hahchem tal ta stojol Dios soc te ya suhtix bahel ta stojol Dios;

San Juan 16:30

La jna'cotiquix te yac ana' spisil, ma yu'unuc ya sc'an te ay mach'a ya sjoc'obat; ha scuentahil te la jch'uhuncotic te talemat ta stojol te Diose, xchihic.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.