San Juan 8:34 - Bible in Tzeltal Bachajón

³⁴ La sjac' te Jesús: Tulan sc'oblal ya calbeyex, spisil mach'a ya spas mulil, ha mosohimbil yu'un te mulile.

Nuevo Testamento Tzeltal de Amatenango

³⁴ Te Jesuse la yaltalanbe: —Jamal ya kalbeyex: Spisil te machꞌa ya xmulawe, jaꞌ mosoimbil yuꞌun te mulile.

Bible in Tzeltal de Oxchuc y Tenejapa

³⁴ Jesús la yalbey: —Jamal ya calbeyex, spisil mach'a ya sleulay smul, ja' ay ta mosoil yu'un te mulile.

San Juan 8:34 Referans Kwoze

Romanos 6:16

¿Ma bal ana'ojic teme yac awac' abahic ta mosohil yu'un yan scuenta yu'un yac ach'uhumbeyic smandar, te ha smosohex te mach'a yac ach'uhumbe smandar, teme ha te mulil te ya yac' lajel o teme sch'uhunel mandar te ya yac' te toj ya x'ilot yu'un Dios?

2 Pedro 2:19

Ya yalbeyic te libre ya xc'ohtic, pero ha'ic nix mosohimbilic yu'un te bin ya xjinawan, como ha moso ya xc'oht yu'un te bin ya xtsalot yu'une.

Proverbios 5:22

Te mach'a chopol ha nix ya stsacot yu'un te sbohlile; ha nix ya xchucot yu'un te slazohil te smule.

Romanos 6:12

Ha yu'un ma me xawac' scuentahimbeyex abaq'uetalic te mulil, yu'un yac ach'uhunic spasel te bintic chopol ya smulan spasele;

Romanos 6:6

Jna'ojtic te pajal ac'ot ta lajel ta cruz soc Cristo te jpoco'-taleltic, scuenta yu'un ya xlaj te baq'uet yu'un mulil, scuenta yu'un ma ba ya cac' jbahtiquix ta a'batinel yu'un te mulile,

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

Efesios 2:2

te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

Romanos 7:25

¡Wocol yal Dios, ta scuenta te Cajwaltic Jesucristo! Ha yu'un te ho'one, ta co'tan ya cac' jba ta a'batinel yu'un te ley yu'un Dios, pero ta jbaq'uetal ya cac' jba ta a'batinel yu'un te ley yu'un te mulile.

1 Reyes 21:25

(Ta melel mayuc mach'a yan hich te bin ut'il Acab te la yac' sba ta spasel te bin chopol ta stojol Jehová, como ha jucot yu'un te Jezabel te yihname.

Romanos 8:21

Como ha nix hich te bin pasbile ya x'ac'ot ta libre yu'un te mosohil yu'un te ya xc'a', yu'un pajal ya yich' yutsilal soc te al-nich'anetic yu'un Dios.

Romanos 7:14

Jna'ojtic te Ley ha scuenta espíritu; yan te ho'one ch'ich'-baq'ueton, chombilon ta a'batinel yu'un te mulile.

Hechos 8:23

yu'un ya quil te xut'xon q'uinal yac awa'iy soc schucojat te bin chopol, la yut.

San Juan 3:3

Hich halbot yu'un te Jesús: Tulan sc'oblal ya calbat, te mach'a ma ba ya xcha'ayin xan, ma xhu' ya yil te cuentahinel yu'un te Diose, xchi.

San Mateo 5:18

Como jamal ya calbeyex, ha to teme ya xch'ay bahel te ch'ulchan soc te bahlumilal, ma ba ya xch'ay ta Ley junuc jota o junuc punto ha to c'alal ts'acal ya xc'oht ta pasel spisil.