San Juan 8:19 - Bible in Tzeltal Bachajón

¹⁹ La yalbeyic: ¿Banti ay te Atate? xchihic. La sjac' te Jesús: Ma xana'bonic jba, soc ma xana'beyic sba te Jtate. Te yacuc ana'bonic jba, yac ana'beyic sba te Jtat te hichuque, xchi.

Nuevo Testamento Tzeltal de Amatenango

¹⁹ La sjojkꞌobeyik: —¿Ba ay te atate? —xchiik. Te Jesuse la sjakꞌtalanbe: —Te jaꞌexe ma xꞌanaꞌbikon jba sok ma xꞌanaꞌbeyik sba te jTate. Teme ya anaꞌbikon jba te joꞌone, jich euk te jTate ya anaꞌbeyik sba —xchi.

Bible in Tzeltal de Oxchuc y Tenejapa

¹⁹ Jich yu'un la yalbeyic: —¿Banti ay te atate? —xiic. La yal te Jesuse: —Te ja'exe ma x'ana'bonic jba soc ja' nanix jich ma x'ana'beyic sba uuc te Jtate. Teme ya ana'bonic jbae, ja' nix jich ya ana'beyic sba uuc te Jtate —xi'.

San Juan 8:19 Referans Kwoze

San Juan 16:3

Hich ya spasic ta scaj te ma sna'beyic sba te Tatil soc ma sna'bonic jba.

1 Corintios 15:34

Cuxuluc me awo'tanic soc ma me xalehulan amulic, yu'un ay mach'atic ma ba ya sna'beyic sba te Diose. Scuenta aq'uexlalic te hich ya cal.

San Juan 7:28

Yac ta p'ijubteswanej ta Templo a te Jesús, hich tulan la yal: Ana'beyejonic jba soc ana'ojic ban talemon. Ma jtuquel-o'tanuc talemon, pero te mach'a la sticonon tal ha smelelil, ha te ma xana'beyic sbahe.

San Juan 1:10

Halaj ta bahlumilal, soc ha nix la yich' pasel te bahlumilal ta scuenta, pero ma ba na'bot sba yu'un te mach'atic ayic ta bahlumilal.

San Mateo 11:25

Ta hich ora la yal te Jesús: Ya calbat yutsil ac'oblal, Jtat, Yajwalat ch'ulchan soc bahlumilal, yu'un ma ba la awa'be sna'ic ha'i c'op ini te mach'atic p'ij yo'tanic soc te mach'atic ay bintic ya sna'ic, ha la awa'be sna'ic te bic'tal alaletique.

2 Juan 1:9

Mach'ayuc a te ya xhowiy, te ma ba ya x'ayin ta stojol te bintic ay ta nopel yu'un Cristo, ma ba ay ta yo'tan te Diose; yan te mach'a ya x'ayin ta stojol te bintic ay ta nopel yu'un Cristo, ay ta yo'tan te Tatil soc te Nich'anile.

Jeremías 24:7

Ya ca'be yo'tanic te ya sna'bonic jba te ho'on Jehovahon. Ha pueblo cu'un ya xc'ohtic soc ho'on Dioson yu'unic ya xc'ohon, como spisil yo'tan ya me suhtic tal ta jtojol.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

Gálatas 4:9

Pero yo'tic, te bin ut'il yac ana'beyiquix sba te Diose, o lec xan ya caltic te na'bilexix abahic yu'un Dios, ¿bin yu'un te ya xcha'suhtex xan ta apatic ta stojol te bintic mayuc yip soc te bintic scuenta bahlumilal, te c'an awac' xan abahic ta mosohil yu'un?

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

Colosenses 1:10

Hich ya xhu' ya x'ayinex te bin ut'il ya sc'an te Cajwaltic, te lecuc yo'tan awu'unic spisil, te yac awaq'uic sit ta scuenta spisil lequil a'teliletic soc behbe yac ana'beyic xan sc'oblal te Diose.

San Juan 15:21

Pero ya me spasbeyex spisil ini ta scaj te jbihile, como ma sna'beyic sba te mach'a la sticonon tale.

Jeremías 22:16

Ha c'opoj yu'un te mach'a pobre soc te mach'a mayuc bin ay yu'un, hich lec c'oht ta loq'uel. ¿Ma bal hichuc ay sc'oblal te ya xna'ot jbahe? xchi te Jehová.

Hebreos 1:3

Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

Colosenses 1:15

Te Cristo ha sloc'omba te Dios te ma chicanuc ta ilel, ha ba-alalil yu'un spisil bintic pasticlambil.

Efesios 1:17

Ya jc'ambe te Dios yu'un te Cajwaltic Jesucristo, ha te Tatil yu'un utsilal, te yacuc ya'beyex espíritu yu'un p'ijil-o'tanil soc yu'un sna'el bin ac'bil ta na'el yu'un Dios, scuenta yu'un ya xhu' yac ana'beyic sba ta lec.

San Juan 1:18

Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

1 Juan 2:23

Spisil te mach'a ya smuc ta yo'tan te Nich'anil, ma ba ay ta yo'tan te Tatile. Te mach'a ya yal ta jamal te ha Nich'anil, ha nix ay ta yo'tan te Tatile.