San Juan 7:28 - Bible in Tzeltal Bachajón

²⁸ Yac ta p'ijubteswanej ta Templo a te Jesús, hich tulan la yal: Ana'beyejonic jba soc ana'ojic ban talemon. Ma jtuquel-o'tanuc talemon, pero te mach'a la sticonon tal ha smelelil, ha te ma xana'beyic sbahe.

Nuevo Testamento Tzeltal de Amatenango

²⁸ Te Jesuse la yaꞌi te tut yipalik ta yalele. Yipal ta nojpeswanej ta templo ae, sok tulan a kꞌopoj: —¿Me jich awalik te ya anaꞌbikon jbae y te ya anaꞌik te ba talemone? Pero te joꞌone ma skꞌanojeluk nax koꞌtan te talemone. Jaꞌ tikonbilon tal yuꞌun te Machꞌa stalel jun yoꞌtan te ma xꞌanaꞌbeyik sbae.

Bible in Tzeltal de Oxchuc y Tenejapa

²⁸ Te c'alal yac ta p'ijubteswanej ta templo te Jesuse, tulan caj ta c'op: —¿Melel bal te ya ana'bon jba soc te ya ana' te banti talemone? Ja'uc me to, ma jtuquel-o'tanuc te talemone. Ja' ticunbilon tel yu'un te mach'a smelelil ya xc'opoje te ma x'ana'beyic sbae.

San Juan 7:28 Referans Kwoze

San Juan 8:42

Halbotic yu'un te Jesús: Te ha'uc atatic te Diose, c'ux yac awa'iyonic te hichuque, como talemon ta stojol te Dios soc li' ayon; ma jtuquel-o'tanuc nax te talemon, ha nix sticonejon tal te Diose.

San Juan 8:19

La yalbeyic: ¿Banti ay te Atate? xchihic. La sjac' te Jesús: Ma xana'bonic jba, soc ma xana'beyic sba te Jtate. Te yacuc ana'bonic jba, yac ana'beyic sba te Jtat te hichuque, xchi.

San Juan 8:26

Ay to bayel bin ya sc'an ya calbeyex soc te ya quich'ex ta c'op yu'une. Melel te bin ya yal te mach'a sticonejon tal, soc te ho'one, te bin yalbeyejon, hich ya calbe te mach'atic ayic ta bahlumilal, xchi.

San Juan 8:14

La sjac' te Jesús: Aunque ho'on nix yac calbel jc'oblal, yu'un nix melel a, como jna'oj banti talemon soc banti ya xbohon; pero te ha'exe ma ba yac ana'ic banti talemon soc banti ya xbohon.

Jeremías 9:6

Ay ta yohlil lo'loywanej te snahique; te bin ut'il jlo'loywanejetic ma ba la sc'anic te ya sna'bonic jba, xchi te Jehová.

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Juan 12:49

Ma jtuquel-o'tanuc c'opojon ta jcuenta; te Jtat te la sticonon tal, ha la spason ta mandar te bin ya sc'an ya cal soc te ya jpuc ta halel.

San Juan 5:43

Talemon ta scuenta sbihil te Jtate, pero ma xawich'onic ta cuenta. Teme ay yan te ya xtal ta scuenta sbihil nix, ha yac awich'ic ta cuenta stuquel.

San Mateo 11:27

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatil te ya sna'be sba, soc mayuc mach'a ya sna'be sba te Tatil, ha nax te Nich'anil te ya sna'be sba soc te mach'atic ya sc'an ya x'a'botic sna'beyic sba yu'un te Nich'anil.

1 Juan 5:10

Te mach'a ya sch'uhun te Snich'an Diose ay ta yo'tan te testigo-c'op ini; yan te mach'a ma ba ya sch'uhun Dios, ha yac ta lot te Dios ta sc'op, como ma ba sch'uhunej te testigo-c'op yu'un Dios te yalbeyej sc'oblal te Snich'ane.

Hebreos 6:18

Ha yu'un ta scuenta te cheb ini te ma xyanij sc'oblal, te ma xhu' ya spas lot yu'un te Diose, te ho'otic te jnohpojemotic bahel ta stojol ay bayel yip co'tantic te ya cu'untaytic te smuc'ul-o'tanil te ay ta jtojoltique.

Tito 1:2

te ha ya yac' smuc'ul co'tantic ta smahliyel te cuxlejal scuenta sbahtel q'uinal. Te Dios, te ma xya'iy lot, te c'alal ma to ayuc bintic ay a la yal ta jamal te ya me xchicnaj te cuxlejal ini,

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.

2 Corintios 1:18

Pero hich te bin ut'il smelelil stalel jun yo'tan te Diose, te bin ya calbeyexcotic ma ha'uc: Yac soc Ma'uc, ma xchihotcotic.

Romanos 3:4

¡Ban c'an hichuc! Dios spisil ora ya spas te bin smelelil, ha jlotetic spisil ants-winiquetic; como hich ts'ihbabil: Scuenta yu'un ya xchicnaj te toj ayat ta scuenta bintic yac awal, soc te yac awa'iy tsalaw c'alal ya x'ich'otat ta c'op, te xchihe.

Romanos 1:28

Ta scaj te bin ut'il ma ba la sc'an la sna'beyic sba te Diose, hich ac'otic yu'un Dios te ya xbohlob spensaric, yu'un ya spasic te bin ma hichuc ya sc'an pasele.

Hechos 17:23

Como te c'alal c'axon bahel ta yilel banti ya yich' ch'uhunel te diosetic awu'unic, la jta jun scajtajib ta chiq'uel mahtanil ta banti hich ts'ihbabil: TE DIOS MA NA'BILUC SBA, te xchihe. Te bin yac ach'uhunic te ma xana'beyic sba, ha te ya calbeyex sc'oblale.

San Juan 17:25

Jtat te toj awo'tan, ma ba sna'beyejat aba te mach'atic ayic ta bahlumilal, pero ho'on ya jna'bat aba, soc te mach'atic li' ayic sna'ojiquix te ha'at la aticonon tale.

San Juan 16:3

Hich ya spasic ta scaj te ma sna'beyic sba te Tatil soc ma sna'bonic jba.

San Juan 14:31

pero ya jpas te bin la spason tal ta mandar te Tatil scuenta yu'un ya sna'ic te mach'atic ayic ta bahlumilal te c'ux ta co'tan te Tatile. Hahchanic, ya xbohotiquix.

San Juan 14:10

¿Yu'un bal ma ba ach'uhunej te jun ayon soc te Tatil, soc te ha joc te Tatil? Te jc'op yac calbelex, ma jtuquel-o'tanuc nax yac calbel, pero te Tatil, te jun ayon soc, ha yac spasbel te a'tele.

San Juan 10:36

¿ha xan te mach'a tsahbil yu'un Dios soc te ticombil tal ta bahlumilal yu'un, te ha'ex yac awalic: Yac abohlc'optaybel Dios, xchihex, ta scaj te la jcal: Ha Snich'anon te Diose, te xchihone?

San Juan 8:16

Pero teme ya quilbe ya'tel, stojil me ya jchahpan, como ma jtuquel-o'tanuc ya jpas, ha nix joc te mach'a la sticonon tal, ha te Tatile.

San Juan 5:32

Ay yan mach'a ya yalbon jc'oblal, ya jna' te ha smelelil bin ya yalbon jc'oblal.

San Juan 3:33

Pero te mach'a ya sch'uhumbe te testigo-c'op yu'un, ha ya yal te melel bin ya yal te Diose,

San Juan 3:2

Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

San Juan 1:46

La yal te Natanael: ¿Ta Nazaret bal ya c'an chicnajuc te bin lec? xchi. La', ilawil, xchi te Felipe.

San Lucas 10:22

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatile; soc mayuc mach'a ya sna'be sba te Tatil, ha nax te Nich'anil soc te mach'atic ya sc'an ya x'a'bot sna'beyic sba yu'un te Nich'anile, xchi.

San Lucas 2:51

Hich te Jesús la sjoquin suhtel ta Nazaret soc la yac' sba ta cuentahinel yu'unic. Te snan la sq'uej ta yo'tan spisil te bin c'ohtix ta pasel.

San Lucas 2:39

C'alal ts'acay ta pasel yu'unic spisil te bin ya yal ta Ley yu'un Dios, suhtic bahel ta sq'uinal Galilea, ta Nazaret te slumalique.

San Lucas 2:11

Yo'tic ayinemix ta pueblo yu'un David jtuhl Jcoltaywanej, ha te Cajwaltic Cristo.

San Lucas 2:4

Hich te José loc' hahchel ta Nazaret ta sq'uinal Galilea, mo bahel ta Judea, ta pueblo yu'un David, te Belén sbihil, como ha sts'umbal soc ha patil al-nich'anil yu'un David.

San Mateo 2:23

c'oht ta nahinel ta pueblo Nazaret sbihil, scuenta yu'un hich ya xc'oht ta pasel a te bin yaloj te jalwanejetic: Ya x'a'bot sbihilin Nazareno, te xchihique.

Oseas 5:4

Te ya'telic ma xyaq'uic te ya suhtic tal ta stojol te Dios yu'unique, como ha nax ya sc'anic antsiwej, ma sna'beyic sba te Jehová.

Oseas 4:1

Israeletic, a'iya awa'iyic te sc'op te Jehová, como ay c'op yu'un soc te mach'atic nahinemic ta q'uinal, ma ba jun yo'tanic, mayuc sc'uxul yo'tanic, ma sna'beyic sba te Diose.

Jeremías 31:34

Mayuquix mach'a ya snohptes te spat-xuhc, mayuc mach'a ya ya'be snop te yermano, te hich ya yal: Na'beya sba te Jehová, te xchihe, como spisilic ya me sna'bonic jba, muc' biq'uit, xchi te Jehová. Como ya jpasbe perdón yu'un te schopolilic soc ma ba ya jna'beyix xan te smulique, xchi.

Salmos 9:10

Ha ya smuc'ulinat yo'tanic te mach'atic ya sna'bat abihil, como ha'at, Jehová, ma ba la awihquitay te mach'atic ya slehate.

1 Samuel 2:12

Te snich'nab Elí mero chopol yo'tanic, ma ba la sna'beyic sba te Jehová.

San Juan 7:14

Pero yohlil q'uin a mo bahel ta Templo te Jesús, la ya'iy p'ijubteswanej tey a.

San Mateo 26:55

Ta hich ora te Jesús hahch yalbe te winiquetic: ¿Talex bal soc espadahetic soc ate'ic yu'un yac atsaconic hich te bin ut'il jtuhl j'elec'? Jujun c'ahc'al la juhcan jba ta awohlilic ta p'ijubteswanej ta Templo, ma ba la atsaconic.

San Juan 6:42

¿Ma bal ha'uc te Jesús snich'an José, te ya jna'betic sba te sme'state? ¿Bin ut'il ay a te ya yal: Cohemon tal ta ch'ulchan? xchihic.

San Juan 9:29

Jna'ojcotic te c'oponot yu'un Dios te Moisés, pero te winic ini, ma jna'cotic ban talem stuquel, xchihic.