San Juan 6:57 - Bible in Tzeltal Bachajón

⁵⁷ Hich te bin ut'il la sticonon tal te cuxul Tatil soc te cuxulon ta scuenta, ha nix hich te mach'a ya swe'on ya xcuxaj ta jcuenta.

Nuevo Testamento Tzeltal de Amatenango

⁵⁷ Te Tatil, te la stikonon tale, ay kuxlejal yuꞌun, y jaꞌ kuxulon ta stojol. Jich mismo ekꞌa te machꞌa ya sweꞌbon jtiꞌbalul ya xkuxuyin ta jtojol.

Bible in Tzeltal de Oxchuc y Tenejapa

⁵⁷ Jich bit'il cuxul te Jtat te la sticunon tele, soc ja' cuxulon ta swenta te Jtate, jich nix me ya xcuxinic ta jwenta uuc spisil mach'a ya swe'bon te jbaq'uetale.

San Juan 6:57 Referans Kwoze

Gálatas 2:20

Pajal lajon ta cruz soc Cristo, hich ma ba cuxulonix te ho'one, ha cuxulix Cristo ta co'tan; soc te jcuxlejal ta ora ini ta scuenta ch'ich'-baq'uet, ha ya xcuxajon ta scuenta sch'uhunel co'tan ta stojol te Snich'an Dios, te c'uxon ta yo'tan soc te la yac' sba ta jcuenta.

San Juan 5:26

Como hich te bin ut'il ay scuxlejal ta stuquel te Tatil, ha nix hich ya'beyej te ay scuxlejal ta stuquel te Nich'anil.

San Juan 17:21

scuenta yu'un junax ya xc'ohtic spisilic a; hich te bin ut'il jun ayotic, Jtat, ha'uc nix hich jun ya x'ayinic ta jtojoltic, scuenta yu'un hich me ya sch'uhunic te mach'atic ayic ta bahlumilal te ha'at la aticonon tale.

1 Juan 4:9

Hich la yac' ta ilel te c'uxotic ta yo'tan te Dios, ha te la sticon tal ta bahlumilal te hip jtuhl Snich'an scuenta yu'un ya xcuxajotic ta scuenta.

San Juan 3:17

Te Dios ma ha'uc la sticon tal ta bahlumilal te Snich'an yu'un ya ya'be stoj smulic te mach'atic ayic ta bahlumilal, ha la sticon tal yu'un ya xcolic ta scuenta.

1 Tesalonicenses 1:9

Ha'ic nix ya yalic bin ut'il la awic'otcotic ta atojolic, soc bin ut'il la awihquitayic hilel te loc'ombahetic yu'un yac awac' abahic ta a'batinel yu'un te Dios te cuxul soc te melel ay,

2 Corintios 13:4

Aunque mayuc yip a te la yich' jihpanel ta cruz, cuxulix ta scuenta yu'el te Diose. Ha nix hichotcotic, mayuc quipcotic ta scuenta, pero pajal cuxulotcotic soc ta scuenta yu'el Dios scuenta yu'un ya cac' jbahcotic ta a'batinel ta atojolic.

1 Corintios 15:22

Hich te bin ut'il ta scuenta Adán te ya xcham spisilic, ha nix hich ta scuenta Cristo spisilic ya xcha'cuxajic.

San Juan 14:19

Jts'ihn xanix ya sc'an ya xch'ayon ta sit te mach'atic ayic ta bahlumilal, pero te ha'exe, ya me awilonic. Te bin ut'il cuxulon, ha nix hich ya xcuxajex.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Mateo 16:16

Ha la sjac' te Simón Pedro: Ha'at te Cristohat, te Snich'anat te cuxul Dios, xchi stuquel.

Jeremías 10:10

Yan te Jehová ha Dios ta melel, ha cuxul Dios soc Muc'ul Ajwalil scuenta sbahtel q'uinal. Ya xnihc te lumq'uinal c'alal ya x'ilin, te nacionetic ma xcuhch yu'unic te yilimbahe.

Salmos 18:46

¡Cuxul te Jehová, bayel me yutsil te muc'ul ton cu'une! Ac'a yich' tohytesbeyel sc'oblal te Dios te Jcoltaywanej cu'une,

Hebreos 9:14

¿ha'uc to balix a te sch'ich'el te Cristo, te ha ta scuenta te Espíritu sbahtel q'uinal ay la yac' sba ta lajel ta stojol Dios scuenta milbil mahtanil te mayuc bin jihnem, ya spocbeyex awo'tanic yu'un awa'telic scuenta lajel, scuenta yu'un yac awac' abahic ta a'batinel ta stojol te cuxul Diose?

San Juan 6:29

La sjac' te Jesús: Ha ya'tel Dios te yac ach'uhunic te mach'a sticonej tal, xchi.

San Juan 6:38

Como cohemon tal ta ch'ulchan, ma ha'uc yu'un te ya jpas te bin ya sc'an co'tan, pero yu'un ya jpas te bin ya sc'an yo'tan stuquel te mach'a la sticonon tale.

1 Corintios 15:45

Hich ts'ihbabil: Te sba winic Adán, a'bot scuxlejal, xchi; te slajibal Adán, ha espíritu te ya yac' cuxlejal.