San Juan 6:50 - Bible in Tzeltal Bachajón

⁵⁰ Pero ha'i pan ini ha te cohem tal ta ch'ulchan, scuenta yu'un ma ba ya xcham te mach'a ya swe'.

Nuevo Testamento Tzeltal de Amatenango

⁵⁰ Pero te tut ya kal joꞌone, jaꞌ te waj te koem tal ta chꞌulchane. Te machꞌa ya sweꞌbeye makꞌ xcham.

Bible in Tzeltal de Oxchuc y Tenejapa

⁵⁰ Yan te jo'one ya calbeyex sc'oplal te waj te coem tel ta ch'ulchane. Te mach'a ya swe'e ma ba ya xlaj stuquel.

San Juan 6:50 Referans Kwoze

San Juan 6:33

como te pan yu'un Dios, ha te mach'a cohem tal ta ch'ulchan soc te ya ya'be scuxlejal mach'atic ayic ta bahlumilal, xchi.

Romanos 8:10

Yan teme ha ay ta awo'tanic te Cristo, chamenix abaq'uetalic ta scaj mulil, pero cuxul te espíritu awu'unic ta scaj te bintic toj ta pasele.

San Juan 6:58

Ha me te pan cohem tal ta ch'ulchan; ma pajaluc soc te maná la swe'ic te ame'atatic soc chamic. Te mach'a ya swe' ha'i pan ini, ya xcuxaj sbahtel q'uinal yu'un, xchi.

San Juan 6:51

Ho'on te cuxul pan te cohem tal ta ch'ulchan; teme ay mach'a ya swe' ha'i pan ini, sbahtel q'uinal ya xcuxaj yu'un. Te pan te ya cac', ha te jbaq'uetal, te ha ya cac' scuenta scuxlejalic te mach'atic ayic ta bahlumilal, xchi.

San Juan 8:51

Tulan sc'oblal ya calbeyex, te mach'a ya scanantaybon te jc'ope, mayuc bin ora ya xcham, xchi.

San Juan 6:42

¿Ma bal ha'uc te Jesús snich'an José, te ya jna'betic sba te sme'state? ¿Bin ut'il ay a te ya yal: Cohemon tal ta ch'ulchan? xchihic.

San Juan 3:13

Mayuc mach'a mohem ta ch'ulchan, ha nax stuquel te mach'a cohem tal ta ch'ulchan, ha te Nich'anil ay ta scuenta winic.

San Juan 3:36

Te mach'a ya sch'uhun te Nich'anil ay scuxlejal sbahtel q'uinal; yan te mach'a ma sc'an ya sch'uhun te Nich'anil, ma ba ya yil te cuxlejal stuquel, ha ayix ta stojol te yilimba Dios, xchi te Juan.

San Juan 5:24

Tulan sc'oblal ya calbeyex, te mach'a ya ya'iybon jc'op soc ya sch'uhun te mach'a la sticonon tale, ay scuxlejal sbahtel q'uinal soc ma ba ya x'a'bot stoj smul, c'axemix yu'un te lajel, ayix scuxlejal.

San Juan 6:47

Tulan sc'oblal ya calbeyex, te mach'a ya sch'uhunon ay scuxlejal sbahtel q'uinal.