San Juan 6:38 - Bible in Tzeltal Bachajón

³⁸ Como cohemon tal ta ch'ulchan, ma ha'uc yu'un te ya jpas te bin ya sc'an co'tan, pero yu'un ya jpas te bin ya sc'an yo'tan stuquel te mach'a la sticonon tale.

Nuevo Testamento Tzeltal de Amatenango

³⁸ Porke ma jaꞌuk koemon tal ta chꞌulchan yuꞌun te ya jpas te tut ya skꞌan koꞌtane; jaꞌ ya jpasbe sboluntar te jTat te la stikonon tale.

Bible in Tzeltal de Oxchuc y Tenejapa

³⁸ Melel te bit'il coemon tel ta ch'ulchane, ja' tal jpasbey sc'anjel yo'tan te mach'a la sticunon tele. Ma ja'uc tal jpas te bila ya sc'an co'tan jtuquele.

San Juan 6:38 Referans Kwoze

San Juan 5:30

Mayuc bin ya xhu' ya jpas ta jtuquel-o'tan nax; te bin ya ca'iy, hich ya jchahpan; soc toj ya ca'iy chahpanwanej, como ma ha'uc ya jle binti ya sc'an co'tan, ha ya jle te binti ya sc'an yo'tan te Jtat te sticonejon tale.

San Juan 4:34

Hich halbotic yu'un te Jesús: Ha jwe'el te ya jpas te bin ya sc'an yo'tan te mach'a la sticonon tal soc te ya hu'tesbe te ya'tel.

San Juan 3:31

Te mach'a talem ta toyol, ha toyol yu'un spisil bintic ay; te mach'a li' nax ay ta bahlumilal, scuenta nax bahlumilal stuquel, soc sc'oblal nax bahlumilal te bin ya yale. Te mach'a talem ta ch'ulchan, ha toyol yu'un spisil yantic,

Isaías 53:10

Pero te Jehová la sc'an te ya yac' ta uts'inel, te ya ya'be swocol. Te c'alal yac'ojix sba scuenta milbil mahtanil yu'un mulil, ya me yil te sts'umbal soc ya me xcuxaj bayel c'ahc'al, soc te bin ya sc'an yo'tan te Jehová ya me xc'oht ta pasel ta scuenta.

San Juan 6:33

como te pan yu'un Dios, ha te mach'a cohem tal ta ch'ulchan soc te ya ya'be scuxlejal mach'atic ayic ta bahlumilal, xchi.

San Juan 3:13

Mayuc mach'a mohem ta ch'ulchan, ha nax stuquel te mach'a cohem tal ta ch'ulchan, ha te Nich'anil ay ta scuenta winic.

Hebreos 5:8

Aunque ha Nich'anil, tey la snop sch'uhunel mandar a ta scuenta te c'ax bayel swocol;

Romanos 15:3

como ha nix hich te Cristo ma ha'uc la sle te bin lec yo'tan yu'un stuquel, hich te bin ut'il ts'ihbabil: Ha c'oht ta jtojol te ixta'c'optayel yu'un te mach'atic ya yixta'c'optayat, xchi.

Efesios 4:9

¿Bin a te mo bahel te xchihe? Yu'un nix nahil co bahel c'alal ta sc'ubulil te bahlumilale.

San Mateo 20:28

como te Nich'anil ay ta scuenta winic ma ba tal ta a'batinwanej, ha tal yac' sba ta a'batinel, soc tal yac' sba ta lajel scuenta yu'un ya xweht scolel bayelic, xchi.

San Juan 3:17

Te Dios ma ha'uc la sticon tal ta bahlumilal te Snich'an yu'un ya ya'be stoj smulic te mach'atic ayic ta bahlumilal, ha la sticon tal yu'un ya xcolic ta scuenta.

San Juan 5:19

La sjac' te Jesús: Tulan sc'oblal ya calbeyex, mayuc bin ya xhu' ya spas ta stuquel-o'tan nax te Nich'anil, ha nax te bin ya yil yac spasbel te State. Como spisil te bin ya spas te Tatil, ha nix hich ya spas te Nich'anil,

San Juan 6:29

La sjac' te Jesús: Ha ya'tel Dios te yac ach'uhunic te mach'a sticonej tal, xchi.

San Juan 6:42

¿Ma bal ha'uc te Jesús snich'an José, te ya jna'betic sba te sme'state? ¿Bin ut'il ay a te ya yal: Cohemon tal ta ch'ulchan? xchihic.

San Juan 6:57

Hich te bin ut'il la sticonon tal te cuxul Tatil soc te cuxulon ta scuenta, ha nix hich te mach'a ya swe'on ya xcuxaj ta jcuenta.