San Juan 6:27 - Bible in Tzeltal Bachajón

²⁷ Ma me x'a'tejex yu'un te we'elil te ya xlaj, a'tejanic me yu'un te we'elil te ya yac' cuxlejal sbahtel q'uinal, ha te ya ya'beyex te Nich'anil ay ta scuenta winic, como la yac' ta ilel te Dios Tatil te ha lec yo'tan yu'un, xchi.

Nuevo Testamento Tzeltal de Amatenango

²⁷ Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

Bible in Tzeltal de Oxchuc y Tenejapa

²⁷ Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

San Juan 6:27 Referans Kwoze

Colosenses 3:2

Ha me xawac' asitic a te bin ay ta toyol, ma ha'uc te bintic scuenta te bahlumilal,

Isaías 55:2

¿Bin yu'un yac alajin ataq'uinic yu'un te bin ma we'eliluc? ¿Bin yu'un yac alajin stojol awa'tel yu'un te bin ma xnoj ach'uhtic yu'une? ¡A'iybon awa'iyic ta lec, we'anic te bin lec, ya me amulan te bintic buhts'an ta we'el!

San Juan 6:54

Te mach'a ya swe'bon te jbaq'uetal soc te ya yuch'bon te jch'ich'el, ay scuxlejal sbahtel q'uinal; soc ho'on ya jcha'cuxajtes ta slajibal c'ahc'al.

2 Timoteo 2:19

Pero stalel ay te yich'o-ip yu'un Dios soc yich'oj te sellohil ini: Te Cajwaltic ya sna'be sba te mach'atic yu'une, xchi, soc: Ihquitayahic te bin chopol spisil mach'atic ya yich'ic ta muc' sbihil te Cristo, xchi.

San Juan 6:40

Hich ay te bin ya sc'an yo'tan te mach'a la sticonon tal: ha te ayuc scuxlejal sbahtel q'uinal spisil te mach'a ya yil te Nich'anil soc ya sch'uhun; soc ya jcha'cuxajtes ta slajibal c'ahc'al, xchi.

Romanos 6:23

Como te stojol te mulil, ha te lajele, yan te mahtanil yu'un Dios, ha te cuxlejal sbahtel q'uinal ta scuenta te Cajwaltic Cristo Jesús.

San Juan 10:28

soc ho'on ya ca'be scuxlejalic sbahtel q'uinal, ma jaymehl ya xch'ayic, soc mayuc mach'a ya xhu' ya spojbonic ta jc'ab.

San Juan 6:51

Ho'on te cuxul pan te cohem tal ta ch'ulchan; teme ay mach'a ya swe' ha'i pan ini, sbahtel q'uinal ya xcuxaj yu'un. Te pan te ya cac', ha te jbaq'uetal, te ha ya cac' scuenta scuxlejalic te mach'atic ayic ta bahlumilal, xchi.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

San Juan 17:2

como awa'beyej ya'tel ta stojol spisil ch'ich'-baq'uet scuenta yu'un ya yac'ticlambe scuxlejal sbahtel q'uinal spisil te mach'atic awa'beyej ta scuentahe.

San Mateo 6:19

Ma me xatsob ac'uhlejalic ta bahlumilal te banti ya xjoch'ob soc ya xchuxub, soc ta banti ya x'och j'eleq'uetic.

San Juan 6:58

Ha me te pan cohem tal ta ch'ulchan; ma pajaluc soc te maná la swe'ic te ame'atatic soc chamic. Te mach'a ya swe' ha'i pan ini, ya xcuxaj sbahtel q'uinal yu'un, xchi.

2 Pedro 1:17

Ha ac'ot ta ich'el ta muc' soc a'bot yutsilal yu'un te Dios Tatil te c'alal chicnaj tal c'op ta stojol te Muc'ul Utsilal te hich la yal: Ha Jnich'an ini te c'ux ta co'tan, te bayel yutsil co'tan yu'un, xchi sc'oblal.

Filipenses 2:13

como ha nix te Dios te ya x'a'tej ta awo'tanic, te ya yac' te yac ac'anic soc te yac apasic te bin lec ya sc'an yo'tan stuquel.

Jeremías 15:16

La yich' tahel te ac'ope, ho'on la jwe'; ha stse'elil co'tan c'oht te ac'ope soc ha yutsil co'tan c'oht, como quich'ojbat abihil, Jehová, Diosat te acuentahinej spisil.

Eclesiastés 6:7

Spisil te ya'tel te ants-winic ha yu'un te bin ya x'och ta ye, pero ma xc'ax yo'tan yu'un.

1 Pedro 1:24

Como hich ya yal: Spisil ch'ich'-baq'uet hich ay te bin ut'il ac, soc spisil te yutsilal te ants-winic hich ay te bin ut'il snich ha'mal; ya xtaquij te ac soc ya xluhbaj te nichim,

San Lucas 3:22

co tal ta stojol Jesús te Ch'ul Espíritu, sjel ta stsuhmut, soc ay c'op tal ta ch'ulchan te hich la yal: Ha'at Jnich'anat te bayel c'uxat ta co'tan, buen lec co'tan awu'un, xchi.

1 Tesalonicenses 1:3

Spisil ora ya jna'excotic ta stojol te Jtatic Dios yu'un te awa'telic yac apasic ta scuenta sch'uhunel awo'tanic, te awa'telic ta scuenta sc'uxul awo'tanic, soc te ay yip awo'tanic ta smahliyel te Cajwaltic Jesucristo.

Colosenses 1:29

Ha scuentahil te ya x'a'tejon, ya cac' fuersa ta scuenta yu'el stuquel, te tulan yac ta a'tel ta jtojol.

San Juan 3:33

Pero te mach'a ya sch'uhumbe te testigo-c'op yu'un, ha ya yal te melel bin ya yal te Diose,

Hechos 2:22

Winiquetic yu'un Israel, a'iya me awa'iyic te c'ope: Te Jesús talem ta Nazaret, ha te winic te Dios la yac' ta ilel ta atojolic te lec sc'oblal; hich la yac' ta ilel ta scuenta jchahp a'teliletic soc señahiletic te Dios la spas ta atojolic ta scuenta, hich te bin ut'il ana'ojique.

San Juan 6:68

La sjac' te Simón Pedro: Cajwal, ¿mach'a yan ya jt'uncotic? Ha'at awich'oj te c'op scuenta cuxlejal sbahtel q'uinal.

San Lucas 9:35

Ay mach'a c'opoj ta tocal, hich la yal: Ha Jnich'an ini te bayel c'ux ta co'tan; a'iya me awa'iyic te sc'ope, xchi.

Salmos 40:7

Ha yu'un hich la jcal: Li' ayoni, ta balbil hun ts'ihbabil jc'oblal tey a.

Salmos 2:7

Ya jpuc ta halel te bin yaloj ta mandar te Jehová: hich la yalbon: Ha'at jnich'anat; nax to nax ayinat cu'un.

Hebreos 12:16

Ma me ayuc mach'a ya ya'iy chijil-o'tanil, o te ma xyich' ta cuenta Dios, hich te bin ut'il Esaú, te ta scuenta junax we'elil la schon te sba-alalil.

Gálatas 5:6

como ta stojol Cristo Jesús ma ha'uc ay sc'oblal teme quich'ojtic circuncisión o teme ma ba quich'ojtic circuncisión, ha ay sc'oblal te ay sch'uhunel co'tantic te ya x'a'tej ta scuenta sc'uxul co'tantic.

Hebreos 4:11

Ha yu'un ac'a me cac'tic fuersa te yacuc x'ochotic ta banti ay te cux-o'tanil, scuenta yu'un mayuc mach'a ya xyahl ta scuenta sc'axuntayel c'op hich te bin ut'il la spasique.

Colosenses 2:22

Spisil ini ya me xlajic ta tuhunel, como ha mandariletic soc nohptesel yu'un ants-winiquetic.

1 Corintios 9:2

Aunque ma jpuc-c'opucon yu'un te yantique, pero jpuc-c'opon awu'unic te ha'exe, como ha'ex sello c'ohemex yu'un te quich'oj ca'tel ta jpuc-c'opil ta scuenta te Cajwaltique.

1 Corintios 6:13

Te we'elil ha yu'un ch'uhtul soc te ch'uhtul ha yu'un we'elil, pero Dios ya me slajin ta schebal. Pero te jbaq'uetaltic, ma ha'uc stuc yu'un antsiwej o antsinel, ha yu'un Cajwaltic, soc te Cajwaltic ha yu'un te jbaq'uetaltique.

Romanos 4:11

Ha la yich' circuncisión scuenta seña, ha sello c'oht yu'un te toj ay yu'un te sch'uhunel yo'tan te c'alal ma to ba yich'oj circuncisión a. Ha scuentahil te ha tatil yu'un spisil mach'atic ay sch'uhunel yo'tanic te ma ba yich'ojic circuncisión, scuenta yu'un ha nix hich toj ya x'ilotic yu'un Dios te bin ut'il ay sch'uhunel yo'tanic.

San Juan 15:24

Te manchuc la jpas jchahp a'teliletic te mayuc mach'a yan hich spasoj, mayuc smulic te hichuque; pero yilojiquix, soc la sp'ajonic soc te Jtate.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 11:42

Jna'oj te spisil ora yac awa'iybon jc'op, pero hich la jcal yu'un te tsobol ants-winiquetic li' sjoytayejonic, scuenta yu'un hich ya sch'uhunic a te ha'at aticonejon tal, xchi ta sc'oponel Dios.

San Juan 8:18

Ho'on yac calbel jc'oblal, soc ha nix yac yalbelon jc'oblal te Jtat te la sticonon tale, xchi.

San Marcos 9:7

Patil tal tocal te la yaxinteslan, soc ay mach'a c'opoj tal ta tocal, hich la yal: Ha Jnich'an ini te bayel c'ux ta co'tan; a'iybeya awa'iyic sc'op, xchi la ya'iyic.

San Marcos 1:11

Soc tal c'op ta ch'ulchan, hich la yal: Ha'at Jnich'anat te bayel c'uxat ta co'tan; buen lec co'tan awu'un, xchi sc'oblal.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

Isaías 42:1

Ha ini te a'bat cu'un, te jtsacoj ta jc'ab, te mach'a tsahbil cu'un te lec co'tan yu'une. Cac'oj ta stojol te espíritu cu'un, ha ya yac' c'ohtuc ta pasel ta stojol te nacionetic te bin toj ta pasele.

Santiago 1:11

Como te c'alal ya xloc' tal c'ahc'al, ya xtaquij yu'un sq'uixinal, ya xluhbaj snich, ya xlaj yutsil. Hich nix ya xtaquij te mach'a jc'uhlej ta banti spisil te ya'tele.

2 Corintios 4:18

ma ha'uc ya jt'ojan jsitic a te bintic chicanic ta ilel, ha ya jt'ojan jsitic a te bintic ma chicanuc ta ilele; como te bintic chicanic ta ilel, jc'axel nax ay, yan te bintic ma chicanuc ta ilele, sbahtel q'uinal ay stuquel.

San Mateo 8:20

Pero la yal te Jesús: Te waxetic ay sch'enic, soc ay spechechic te ha'mal mutetique, yan te Nich'anil ay ta scuenta winic ma xweht ta banti ya smehtsan sba stuquel, xchi.

Habacuc 2:13

¿Ma bal ha'uc te Jehová te scuentahinej spisil te ya yac' te ya yich' lajinel ta c'ahc' te ya'tel te ants-winiquetic, soc te tojol ya xluhbic te nacionetique?

Proverbios 9:5

La'ic, we'anic te pan cu'un soc uch'anic te vino chapal cu'une.

San Mateo 25:46

Ha'ic ya xbahtic ta castigo sbahtel q'uinal, yan te mach'a toj yo'tanic ya xbahtic ta cuxlejal sbahtel q'uinal, xchi te Jesús.

San Juan 3:15

scuenta yu'un spisil te mach'atic ya sch'uhunic, ma ba ya xch'ayic, ay scuxlejalic sbahtel q'uinal.

San Juan 6:47

Tulan sc'oblal ya calbeyex, te mach'a ya sch'uhunon ay scuxlejal sbahtel q'uinal.

San Juan 6:53

Hich halbotic yu'un Jesús: Tulan sc'oblal ya calbeyex, teme ma ba yac awe'beyic te sbaq'uetal te Nich'anil ay ta scuenta winic soc teme ma ba yac awuch'beyic te sch'ich'ele, mayuc acuxlejalic.

San Juan 6:62

¿Ha xan teme la awilic te ya xmo bahel ta banti nix ay ta nahil to te Nich'anil ay ta scuenta winic?

Deuteronomio 30:13

Soc ma ba ay ta jehch mar, te hich yac awal yu'un: ¿Mach'a ya sohl bahel cu'untic ta mar scuenta yu'un ya yich'botic tal yu'un ya yalbotic ca'iytic scuenta yu'un ya jpastic? te xchihate.