San Juan 6:26 - Bible in Tzeltal Bachajón

²⁶ La sjac' te Jesús: Tulan sc'oblal ya calbeyex, ma ha'uc yac alehonic yu'un te la awilic te señahiletic, ha nax yac alehonic yu'un te la awe'ic te pan te noj ach'uhtic yu'un.

Nuevo Testamento Tzeltal de Amatenango

²⁶ Te Jesuse la yaltalanbe: —Jamal ya kalbeyex, jaꞌ nax ya aleikon porke lom lek aweꞌex asta toj lek a noj achꞌujtik. Ma jaꞌuk ya aleikon yuꞌun te la awilik te seña milagroetik te la jpase.

Bible in Tzeltal de Oxchuc y Tenejapa

²⁶ Te Jesús la yalbey: —Jamal ya calbeyex, ja' nax ya aleonic yu'un te bit'il noj ach'ujt'ic yu'un te waj la awe'ique. Ma ja'uc ya aleonic yu'un te la awilic te jayeb señail cu'el la jpase.

San Juan 6:26 Referans Kwoze

Filipenses 3:19

Ch'ayel me ya xbahtic yu'un, ha dios yu'unic te sch'uhtic, soc te yutsilalic ha te bin q'uexlaltic sba, ha nax bahem ta yo'tanic te bintic scuenta bahlumilal.

Filipenses 2:21

Como spisilic ya slehic bin ya sc'an yo'tanic stuquelic, ma ha'uc te bin ya sc'an yo'tan te Cristo Jesús.

Ezequiel 33:31

Ya xtalic ta atojol hich te bin ut'il c'ahyemic ta spasel te ants-winiquetic, ya xhuhcajic ta atojol scuenta pueblo cu'un. Ya ya'iybat ac'op, pero ma ba ya sch'uhunic spasel; ya yalic te ya sc'anic, pero te yo'tanic ya st'unic te sbic'tal yo'tanique.

1 Timoteo 6:5

soc te tulan ya stsac sbahic ta c'op te mach'atic chopol spensaric, te ma sna'ic bin ut'il ay te smelelil c'op, te ha ya spasic ganar a te bin stojil ay ta ch'uhunel te Diose.

Romanos 16:18

como te mach'atic hich ya spasic, ma ha'uc yac'oj sbahic ta a'batinel yu'un te Cajwaltic Jesucristo, ha nax ya spasic te bin ya sc'an yo'tanic stuquel. Ta scuenta t'ujbil c'opetic soc te bintic lec ta a'iyel ya slo'loybe yo'tanic te mach'atic ma sna'ic stsahtayel.

San Juan 6:2

Bayel ants-winiquetic la st'unic bahel yu'un la yilic te señahiletic la spasbe te jchameletique.

Salmos 78:37

ma ba toj yo'tanic ta stojol, ma ba jun yo'tanic ta stojol te chapbil-c'op yu'une.

San Juan 6:24

C'alal la yilic te ants-winiquetic te ma ba tey ay a te Jesús soc te jnopojeletic yu'un, ochic ta barcohetic, bahtic ta Capernaum ta slehel te Jesús.

San Juan 3:5

Halbot yu'un te Jesús: Tulan sc'oblal ya calbat, te mach'a ma ba ya x'ayin ta scuenta ha' soc ta scuenta Espíritu ma xhu' ya x'och ta banti ay te cuentahinel yu'un Dios.

San Juan 3:3

Hich halbot yu'un te Jesús: Tulan sc'oblal ya calbat, te mach'a ma ba ya xcha'ayin xan, ma xhu' ya yil te cuentahinel yu'un te Diose, xchi.

San Juan 6:64

Pero ay cha'oxtuhlex te ma ba yac ach'uhunic, xchi (como ta shahchibal to tal sna'oj te Jesús mach'atic a te ma ba ya sch'uhunic soc mach'a a te ya x'ac'ot ta c'abal yu'une).

San Juan 6:53

Hich halbotic yu'un Jesús: Tulan sc'oblal ya calbeyex, teme ma ba yac awe'beyic te sbaq'uetal te Nich'anil ay ta scuenta winic soc teme ma ba yac awuch'beyic te sch'ich'ele, mayuc acuxlejalic.

San Juan 6:47

Tulan sc'oblal ya calbeyex, te mach'a ya sch'uhunon ay scuxlejal sbahtel q'uinal.

San Juan 6:30

La sjoc'obeyic xan te Jesús: ¿Bin señahil yac apas scuenta yu'un ya quilcotic soc hich ya jch'uhunatcotic a? ¿Bin a'telil yac apas?

San Juan 6:15

Pero la sna' te Jesús te c'an taluc ta otsesel ta ajwalil, hich stuquel xanix suht mohel ta wits.

San Juan 6:14

Ha yu'un te winiquetic, c'alal la yilic te seña te la spas te Jesús, hich la yalic: Melel nix a te ha te Jalwanej te ya xtal ta bahlumilal, xchihic.

San Juan 6:36

Pero hich te bin ut'il la jcalbeyexix, aunque la awiloniquix, pero ma ba yac ach'uhunic.