San Juan 6:20 - Bible in Tzeltal Bachajón

²⁰ Pero halbotic yu'un te Jesús: Ho'on me, ma me xiwex, xchi.

Nuevo Testamento Tzeltal de Amatenango

²⁰ Te Jesuse la yaltalanbe: —Joꞌon me. Ma me xiꞌanik —xchi.

Bible in Tzeltal de Oxchuc y Tenejapa

²⁰ C'opoj te Jesuse: —Jo'on. Ma xiwex —xi'.

San Juan 6:20 Referans Kwoze

Isaías 44:8

Ma me xnihc awo'tanic, ma me xiwex. ¿Ma bal lajuc calbeyex awa'iyic, ma bal lajuc calbe sc'oblal c'alal ta namey? Ha'ex testigohex cu'un. ¿Ay bal yan dios ta jtojol? ¡Mayuc yan Muc'ul Ton! ¡Mayuc yan te ya jna'be sba! xchi.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Isaías 41:14

¡Ma me xiwat, yolat Jacob, ha'ex te mayuc tsobolex yu'un Israel! Ho'on ya jcoltayat, xchi te Jehová; te Ch'ul Dios yu'un Israel, ha te J'ac'aw ta libre awu'unique.

San Marcos 6:50

como spisilic la yilic soc xiwic yu'un. Pero ora nax jucotic ta c'op yu'un te Jesús, hich la yal: ¡Ayuc me smuc'ul awo'tanic! Ho'on me, ma me xiwex, xchi.

San Marcos 16:6

Ma me xiwex, xchi; yac alebelic te Jesús talem ta Nazaret te laj ta cruz, cha'cuxajemix, ma ba li' ayixi; ilawilic te banti la yaq'uic hilel.

Salmos 35:3

Tsaca te lanza soc maca te mach'atic yac stembelonique; halbon te jch'uhlel: ¡Ho'on jcoltaywanejon awu'un! xchihan me.

San Juan 6:19

C'alal c'axem wanix jun legua sbehelic ta mar a, la yilic yac ta behel tal ta ba ha' te Jesús, xnopet ta talel tey ta ban ay te barco, xiwic yu'un.

San Juan 6:21

Hich tse'el yo'tanic la yiq'uic ochel ta barco, ora c'oht te barco te banti yaquic ta bahele.