San Juan 5:6 - Bible in Tzeltal Bachajón

⁶ C'alal Jesús la yil te tey metsel a soc te la sna' te nameyix hich ay ta chamel, la yalbe: ¿Ya bal ac'an ya xlecubat? xchi.

Nuevo Testamento Tzeltal de Amatenango

⁶ Kꞌalal la yil te Jesus te teꞌ wayal ae, la snaꞌ te ayix bayal jaꞌbil te jich aye. La sjojkꞌobe: —¿Me ya akꞌan xlekubat? —xyut.

Bible in Tzeltal de Oxchuc y Tenejapa

⁶ Te Jesús la yil te chawal tey a, soc la sna' stojol te ayix bayal ja'wil te ay ta chamele. Jich la yalbey: —¿Ya bal ac'an xcolat? —la yut.

San Juan 5:6 Referans Kwoze

Hebreos 4:15

Como te muc'ul sacerdote cu'untic ma yu'unuc ma sna'botic yo'bolil jbahtic yu'un te mayuc quiptic, como hich nix la ya'iy tsajel ta spisil hich te bin ut'il te ho'otic, pero ma ba stahoj smul stuquel.

San Lucas 18:41

¿Bin yac ac'an ya jpasbat? xchi sc'oblal. Cajwal, te yacuc xjahm jsit, xchi.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

Isaías 65:1

Hich ya yal te Jehová: La jcac' jba ta lehel yu'un te mach'atic ma ba yac sjoc'obelonic, ha la stahonic te mach'atic ma ba la slehonic. Hich la jcalbe te nación te ma ba la sc'opononic ta jbihil: Li' ayoni, li' ayoni, xchihon.

Salmos 142:3

Te c'alal mayuquix yip co'tan a, ha'at la ana' te be cu'une. Ta banti behenon la snac'bon jyacol.

Jeremías 13:27

ha te antsiwej awu'un soc te xhilajanat, te schopolil antsiwej awu'un ta sba te tsehletic. La jquil ta aquiltic te bintic ilobtic sba awu'une. ¡Obol aba, Jerusalén! ¿Jayeb xan c'ahc'al te ma ba ya xlecub ac'oblale? xchi te Jehová.

San Juan 5:5

Ay jtuhl winic tey a te ayix waxaclajuneb scha'winic (38) ha'bil te ay ta chamel.

San Juan 5:7

La sjac' te jchamele: Tat, mayuc mach'a ay cu'un te ya yotseson bahel ta yawil ha' te c'alal ya syuc' sba; ma to ba jtahoj c'ohel a, yan mach'a cohemix bahel a, xchi.