San Juan 5:30 - Bible in Tzeltal Bachajón

³⁰ Mayuc bin ya xhu' ya jpas ta jtuquel-o'tan nax; te bin ya ca'iy, hich ya jchahpan; soc toj ya ca'iy chahpanwanej, como ma ha'uc ya jle binti ya sc'an co'tan, ha ya jle te binti ya sc'an yo'tan te Jtat te sticonejon tale.

Nuevo Testamento Tzeltal de Amatenango

³⁰ “Te joꞌone maꞌyuk tut ya xjuꞌ kuꞌun spasel ta jtukel nax. Ya kichꞌ jkuenta jich tutꞌil ya yalbon te Tatile, y toj te ya smeltsaꞌanwanone yuꞌun ma jaꞌuk ya jpas te tut skꞌan koꞌtane. Jaꞌ ya jpasbe sboluntar te Machꞌa te la stikonon tale.

Bible in Tzeltal de Oxchuc y Tenejapa

³⁰ “Te jo'one ma'yuc bila ya xju' cu'un spasel ta jtuquel. Ya caiy chajbanwanej jich te bit'il pasbilon ta mandale; soc toj te bila ya cal ta chajbanwanej, yu'un ma ja'uc ya jle te sc'anjel co'tan jtuquele. Ja' ya jpasbey sc'anjel yo'tan stuquel te Jtatic Dios te la sticunon tele.

San Juan 5:30 Referans Kwoze

San Juan 6:38

Como cohemon tal ta ch'ulchan, ma ha'uc yu'un te ya jpas te bin ya sc'an co'tan, pero yu'un ya jpas te bin ya sc'an yo'tan stuquel te mach'a la sticonon tale.

San Juan 5:19

La sjac' te Jesús: Tulan sc'oblal ya calbeyex, mayuc bin ya xhu' ya spas ta stuquel-o'tan nax te Nich'anil, ha nax te bin ya yil yac spasbel te State. Como spisil te bin ya spas te Tatil, ha nix hich ya spas te Nich'anil,

San Juan 4:34

Hich halbotic yu'un te Jesús: Ha jwe'el te ya jpas te bin ya sc'an yo'tan te mach'a la sticonon tal soc te ya hu'tesbe te ya'tel.

San Juan 14:10

¿Yu'un bal ma ba ach'uhunej te jun ayon soc te Tatil, soc te ha joc te Tatil? Te jc'op yac calbelex, ma jtuquel-o'tanuc nax yac calbel, pero te Tatil, te jun ayon soc, ha yac spasbel te a'tele.

San Mateo 26:39

Jihts xan bahel stuquel, c'oht spahcan sba ta lum ta sc'oponel Dios, hich la yal: Jtat, ayuc bin ut'il ma ba ya cuch' te copa ini; pero ma me ha'uc ya xc'oht ta pasel te bin ya sc'an co'tan, ha me ac'a c'ohtuc ta pasel te bin ya sc'an awo'tan te ha'ate, xchi.

San Juan 8:28

Ha yu'un la yalbe xan: Te c'alal ya yich' toyel hahchel te Nich'anil ay ta scuenta winic, tey to me yac ana'ic a te ho'on nix soc te mayuc bin jtuquel-o'tan nax ya jpas, ha nax ya cal te bin a'bibilon jnop yu'un te Tatile.

Romanos 15:3

como ha nix hich te Cristo ma ha'uc la sle te bin lec yo'tan yu'un stuquel, hich te bin ut'il ts'ihbabil: Ha c'oht ta jtojol te ixta'c'optayel yu'un te mach'atic ya yixta'c'optayat, xchi.

San Juan 8:50

Ma ba ya jle te yutsil jc'oblal, pero ay mach'a ha ya sle soc ya ya'iy chahpanwanej stuquel.

San Juan 8:42

Halbotic yu'un te Jesús: Te ha'uc atatic te Diose, c'ux yac awa'iyonic te hichuque, como talemon ta stojol te Dios soc li' ayon; ma jtuquel-o'tanuc nax te talemon, ha nix sticonejon tal te Diose.

San Juan 17:4

La jcac' ta ilel awutsilal li' ta bahlumilali, yu'un hu'ix cu'un te a'tel la awa'bon jpas.

Salmos 96:13

ta stojol Jehová, como ya xtal, ya xtal ta schahpanel te bahlumilale. Stojil me ya schahpan te bahlumilal soc te pueblohetic ta scuenta smelelil.

San Juan 18:11

Jesús la yalbe te Pedro: Otsesa ta sna te espada awu'un. Te copa te la ya'bon cuch' te Tatil, ¿ma bal yacuc cuch'? xchi.

Génesis 18:25

Ma hichuc ay ta pasel awu'un te pajal yac awac' lajuc soc te mach'a chopol yo'tan te mach'a toj yo'tan, te pajal bin ya xc'oht ta stojol te mach'a toj yo'tan soc te mach'a chopol yo'tan. ¡Mayuc bin ora te hich yac apas! Te Jchahpanwanej yu'un swohlol te bahlumilal ¿ma bal ha'uc ya spas te bin toj ta pasele? xchi.

Romanos 2:5

Pero ta scaj te tonoben awo'tan soc te ma ba suhtem awo'tan, ha'at nix yac atsobel ilimba ta yorahil ya xchicnaj te ilimba soc te stojil chahpanel yu'un Dios,

Romanos 2:2

Jna'ojtic te Dios ya yich' ta c'op ta smelelil te mach'atic hich ya spasique.

Isaías 28:6

Ha espíritu yu'un stojil chahpanel ya xc'oht yu'un te mach'atic ya xchahpanwan, soc ha yipic ya xc'oht yu'un te mach'atic ya stenic bahel ta guerra te ay ta ochibal.

Sofonías 3:15

Te Jehová la sloq'ues te castigo awu'un, la sten loq'uel te acontratac. Te Jehová, te Ajwalil yu'un Israel, ay ta awohlil; ma ba yac axi'ix te bin wocol.