San Juan 5:3 - Bible in Tzeltal Bachajón

³ Tey metsajtic tsobol jchameletic a, ts'o'sitetic, coxo'etic soc mach'atic chamen schihalic te yac smahliybelic te ya syuc' sba te ha'e,

Nuevo Testamento Tzeltal de Amatenango

³ sok ay bayal jchameletik te ba yaxinale. Balajtik ta lum ay choketik sok koxoetik sok te machꞌatik sikuben xchial yok-skꞌabike. Yipalix ta smaliyel te ya xlijk stij sba te jaꞌe,

Bible in Tzeltal de Oxchuc y Tenejapa

³ Tsobol jchameletic chawajtic tey a ta bay te yaxinale. Ay ma'sitetic soc coxoetic soc te mach'atic chamen xchial yoc-sc'abique. [Yacalic ta smaliyel yilic te ya xcaj stij sba te ja'e,

San Juan 5:3 Referans Kwoze

San Lucas 7:22

Hich halbotic yu'un te Jesús: Bahanic, a'beyahic sna' te Juan te bintic la awilic soc te la awa'iyique: ha te ya yiliquix q'uinal ts'o'sitetic, ya xbeheniquix coxo'etic, ya yich'iquix lecubtesel jc'a'el-chameletic, ya ya'iyiquix q'uinal cohquetic, ya yich'ic cuxajtesel mach'atic chamenic soc yaquix ta halbeyel ya'iyic te lec yach'il c'op te pobrehetique.

San Mateo 15:30

Bayel mach'atic talic ta stojol, la yic'ticlanic tal coxo'etic, ts'o'sitetic, uma'etic, nolc'abetic soc bayel yantic jchameletic, la ya'beyic ta ye'tal yoc te Jesús, te ha la slecubteslan.

Zacarías 11:17

¡Ay me swocol te jcanan te ma xtuhun, te ya yihquitay hilel te tuminchijetique! ¡Ac'a yich' ehchentesbeyel sc'ab ta espada, soc te swa'el sit! ¡Ac'a taquijuc te sc'ab, soc jc'axel ac'a tup'uc te swa'el sit! xchi te Jehová.

Lamentaciones 3:26

Ha lec ch'abuc ta smahliyel te coltayel yu'un te Jehová.

Santiago 5:7

Quermanotac, junuc me awo'tanic ta smahliyel ha to c'alal ya xtal te Cajwaltique. Ilawil bin ut'il te j'a'tel ta q'uinal ya smahliybe sit te sts'unub yawal, jun yo'tan ya smahliy te sba yahlelan ha'al soc te slajibal syahlel ha'ale.

Romanos 8:25

Pero teme ya jmahliytic te bin ma ba quilojtic, jun co'tantic ya jmahliytic.

Proverbios 8:34

Bayel me yutsil te mach'a ya ya'iybon te jc'ope, te jujun c'ahc'al ya sq'uehlan sit ta ti'nahiletic cu'un, te yac smahliybel ta sti'il te jnahe.

1 Reyes 13:4

Te c'alal la ya'iy te ajwalil Jeroboam te bin la yal te winic yu'un Dios ta scontrahinel te scajtajib ta chiq'uel pom ta Bet-el, tey ta scajtajib a la shach sc'ab, hich la yal: ¡Tsacahic! xchi. Pero te sc'ab te la shach ta stojol te winique, taquij, ma ba la sc'anix cuts'el yu'un.

San Mateo 4:24

Puhc sc'oblal ta spisil sq'uinal Siria; la yiq'uic tal ta stojol spisil mach'atic ay banti c'ux ya ya'iyic soc te yich'ojic bayel ta chahp chamel soc te bayel swocolic, soc te mach'atic ay pucuj ta yo'tanic, te mach'atic ya xtup' yiq'uic, soc mach'atic chamen schihalic; la slecubteslan te Jesús.

San Juan 5:2

Tey ta Jerusalén, ta nopol te Yochibal Tuminchijetic, ay jun yawil ha', Betesda sbihil ta hebreo, te ay ho'eb slehchul na.

San Juan 5:4

como ay ch'ul a'bat te ya xco tal ta jujun yorahil ta yawil ha' soc ya syuc' te ha'e. Te mach'a nahil ya x'och ta yawil ha' te c'alal yuc'bilix a te ha'e, ya xlecub yu'un biluc chamelil te yich'oje.