San Juan 5:10 - Bible in Tzeltal Bachajón

¹⁰ Ha yu'un te judíohetic la yalbeyic te mach'a lecubix ta chamel: Ha sc'ahc'alel cux-o'tan ini; ma xpas te yac awich' bahel te awayibe, la yutic.

Nuevo Testamento Tzeltal de Amatenango

¹⁰ Jaꞌ yuꞌun te juriyoetike la yalbe te machꞌa lekubixe: —Te ora to skꞌaalel kuxo-oꞌtan. Ma spas te awichꞌoj te awayibe —xyutik.

Bible in Tzeltal de Oxchuc y Tenejapa

¹⁰ Jich te judioetique, caj yalbeyic te winic te colemixe: —Ja' in c'aal to sc'aalelal cux-o'tan. Ma spas te abaloj awaib ta beele —la yutic.

San Juan 5:10 Referans Kwoze

San Juan 9:16

Ay fariseohetic hich la yalic: Te winic ini, ma ba talem ta stojol Dios, como ma ba ya scanantay te sc'ahc'alel cux-o'tan, xchihic. Ay yantic la yalic: ¿Bin ut'il ya xhu' yu'un spasel señahiletic te mach'a jmulawil? xchihic. Hich la stij sbahic ta c'op yu'un.

San Lucas 6:2

Ay cha'oxtuhl fariseohetic hich la yalbeyic: ¿Bin yu'un te yac apasbelic te bin ma lecuc ta pasel ta sc'ahc'alel cux-o'tan? xchihic.

Jeremías 17:21

Hich yaloj te Jehová: Tsahtaya abahic ta lec te ma ba yac awich'ic bahel ihcatsil ta sc'ahc'alel cux-o'tan o te yac awotsesic tal ta ochibaletic yu'un Jerusalén.

San Lucas 13:14

Pero te principal yu'un te sinagoga ilin yu'un te bin ut'il sc'ahc'alel cux-o'tan a te la ya'iy slecubteswanej te Jesús. Hich la yalbe te ants-winiquetique: Ay waqueb c'ahc'al a'tel; ha ya sc'an ya xtal awac' abahic ta lecubtesel a, ma ha'uc ta sc'ahc'alel cux-o'tan, la yut.

San Marcos 3:4

Soc hich la sjoc'obe te yantique: ¿Lec bal te ta sc'ahc'alel cux-o'tan ya yich' pasel te bin lec o te bin ma lecuc; lec bal scoltayel cuxlejalil o slajinel cuxlejalil? la yut. Mayuc bin la sjaq'uic.

San Marcos 2:24

Ha yu'un hich halbot yu'un te fariseohetic: Ilawil, ¿bin yu'un ya spasic ta sc'ahc'alel cux-o'tan te bin ma hichuc pasel ya sc'ane? xchihic.

San Juan 5:16

Ha scuentahil te hahch scontrahinic Jesús te judíohetic, como hich yac spasbel ta sc'ahc'alel cux-o'tan.

San Juan 7:23

Teme ya yich' aq'uel circuncisión ta sc'ahc'alel cux-o'tan scuenta yu'un hich ma xyich' c'axuntayel a te smandar Moisés, ¿ya bal awihlintayonic yu'un te ta sc'ahc'alel cux-o'tan la jlecubtes ta chamel jtuhl winic?

San Lucas 23:56

C'alal suhtic bahel, la schahpanic bin sumet yic' soc perfume; la scux yo'tanic ta sc'ahc'alel cux-o'tan hich te bin ut'il ya yal te mandarile.

Jeremías 17:27

Yan teme ma ba yac ach'uhumbonic jc'op ta sch'ultesel te sc'ahc'alel cux-o'tan, te yac awich'ic ochel tal ihcatsil ta ochibaletic yu'un Jerusalén ta sc'ahc'alel cux-o'tan, ya ca'be sc'ahc'al te ochibaletic yu'un te ya slajinlan te muc'ul nahetic yu'un Jerusalén, mayuc mach'a ya xhu' yu'un stup'el, xchi.

Isaías 58:13

Teme yac awich' ta muc' te sc'ahc'alel cux-o'tan teme ma ba yac apas te bintic ya sc'an awo'tan ta ch'ul c'ahc'al cu'un, teme yac awal te ha mulantic sba, te ch'ultesbil, soc te ha yutsilal te Jehová; teme yac awich' ta muc', teme ma ba yac at'un te behetic awu'un, o teme ma ba yac apas te bin ya sc'an awo'tan o teme ma ba yac awal te bin mayuc sc'oblale,

San Mateo 12:10

Ay jtuhl winic tey a te chamen schihal sc'ab. La sjoc'obeyic te Jesús yu'un ya slehbeyic smul a: ¿Lec bal te ya yich' lecubtesel ta sc'ahc'alel cux-o'tan? xchihic.

San Juan 1:19

Hich ay te testigo-c'op yu'un te Juan c'alal loq'uic tal ta Jerusalén te sacerdotehetic soc levitahetic te ticombilic yu'un te judíohetic yu'un ya sjoc'obeyic: ¿Mach'ayat a? xchihic.

San Juan 5:11

La sjac' te winic: Te mach'a la slecubteson, ha nix la yalbon: Ich'a bahel awayib, behenan, la yuton, xchi.

San Juan 5:15

Te winic baht yalbe ya'iy te judíohetic te ha Jesús te ch'aybot schamel yu'une.