San Juan 4:29 - Bible in Tzeltal Bachajón

²⁹ La'ic, ilawilic jtuhl winic te la yalbon spisil te bin jpasoje. ¿Ma bal ha'uc te Cristo? xchi.

Nuevo Testamento Tzeltal de Amatenango

²⁹ —Laꞌik, laꞌ ila awilik, ay jtul winik te la yalbon spisil te tut ma tsaꞌamuk jpasoje. Naꞌtik me ma jaꞌuk te Cristoe —xchi.

Bible in Tzeltal de Oxchuc y Tenejapa

²⁹ —La'ic, ila awilic jtul winic te la yalbon spisil te bila jpasoje. Teme repente ja'ix te Cristoe —xi'.

San Juan 4:29 Referans Kwoze

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

San Juan 4:25

La yal te antse: Jna'oj te talel yac te Mesías, (ha te Cristo sbihil). Te c'alal ya xtal, ya me yalbotic ca'iytic spisil, xchi.

San Juan 7:31

Pero tsobol ants-winiquetic la sch'uhunic, soc hich la yalic: Te c'alal ya xtal te Cristo, ¿c'ax bal hich señahiletic ya spas a te bin ut'il ya spas te winic ini? xchihic.

San Juan 7:26

Pero ilawil, yac ta c'op ta comonsitil, mayuc bin ya yalbeyic. ¿Yu'un bal la sna'iquix ta melel te principaletic te ha nix a te Cristohe?

San Mateo 12:23

Spisil te ants-winiquetic, xcham yo'tanic yu'un, hich la yalic: ¿Ha ni bal te Snich'an David ini? xchihic yu'un.

San Juan 4:28

Hich te ants la yihquitay hilel te sq'uib, baht ta pueblo, hich c'oht yalbe te winiquetic:

San Juan 4:30

Hich loq'uic tal ta pueblo, c'ohtic ta banti ay te Jesús.

San Juan 4:39

Tsobol te samaritanohetic ta pueblo tey a la sch'uhunic Jesús ta scuenta sc'op te ants te hich la yal: La yalbon spisil te bin jpasoj, te xchihe.

1 Samuel 9:19

Ho'on te j'il-q'uinalon, xchi te Samuel. Con, nahilijan mohel cu'un ta toyol awilal, joquinawon ta we'el yo'tic; pajel ta sab ya cac'at bahel soc ya calbat spisil bintic ay ta awo'tan.