San Juan 3:6 - Bible in Tzeltal Bachajón

⁶ Te bin ya x'ayin ta scuenta ch'ich'-baq'uet, ha ch'ich'-baq'uet, yan te bin ya x'ayin ta scuenta te Espíritu, ha espíritu.

Nuevo Testamento Tzeltal de Amatenango

⁶ Te machꞌa ayinem nax ta skuenta stiꞌbalul te smeꞌ-state, kuxulix ta stiꞌbalul nax abi. Yan te machꞌa ayinem ta skuenta Espiritue, jaꞌ kuxulix ta skuenta te Espiritue.

Bible in Tzeltal de Oxchuc y Tenejapa

⁶ Te mach'a ayinem nax ta swenta baq'uet, ch'ich'-baq'uet nanix abi. Yan te mach'a ayinem ta swenta te Espíritu, yich'ojbey stalel te Espiritue.

San Juan 3:6 Referans Kwoze

2 Corintios 5:17

Ha yu'un teme ay mach'a junax c'ohemix soc Cristo, ha yach'il ants-winic: hilix te bin poco', spisil pasbilix ta yach'il.

1 Juan 3:9

Spisil mach'a ayinem ta stojol Dios, ma ba ya slehulanix smul, como yich'beyej stalel te Diose. Ma xhu' ya slehulanix smul, como ha yal-snich'an te Diose.

1 Corintios 6:17

Yan te mach'a jun ya yac' sba soc te Cajwaltic, jun sch'uhlel soc.

Romanos 7:18

Ya jna' te mayuc bin lec ta jtojol, ha ta jbaq'uetal, como co'tanuc ya jpas te bin lec, pero ma xhu' cu'un spasel.

Génesis 6:12

Dios la yil te c'ax bohlob te bahlumilal, yu'un ta spisilic bohlobtesbil yu'unic bintic la spasic ta q'uinal.

Salmos 51:10

¡Dios cu'un, pasbon ta sac te co'tane, ach'ubtesbon co'tan te stalel toj ay!

Job 25:4

Ha yu'un ¿bin ut'il ya xhu' ya xhalbot te toj yo'tan ta stojol Dios te winique? ¿Bin ut'il c'an lecuc yo'tan te mach'a ayintesot yu'un ants?

Job 14:4

¿Mach'a ya slecubtes te bin bohloben sc'oblal? ¡Mayuc!

Romanos 8:13

como teme ha yac awa'telinic spasel te bin ya smulan stuquel, ya me xlajex yu'un; yan teme ta scuenta te Espíritu yac awac' ta lajel te ya'tel te jmulawil baq'uet, ya me xcuxajex yu'un.

Efesios 2:3

Ta jpisiltic hich nix tey cuxajotic ta nahil to a, ha baht ta co'tantic spasulanel te bintic la smulan spasel te jpoco'-taleltic yu'un mulil, la jpasbetic te bintic la sc'an yo'tan soc te bintic la snop. Ta scuenta te jtaleltic ini ayotic ta scuenta yich'beyel te yilimba Dios, hich te bin ut'il te yantique.

Colosenses 2:11

Ha nix ta scuenta te la awich'ic te circuncisión te ma pasbiluc ta c'abal, awich'ojic te circuncisión yu'un Cristo, ha te hilix awu'unic te apoco'-talelic yu'un mulil.

Gálatas 5:24

Como te mach'atic yu'unic Cristo, yac'ojiquix ta lajel ta cruz te spoco'-talelic te ya smulan spasel te bintic ya sc'an te sbaq'uetalique.

San Juan 1:13

Ma ha'uc ya x'ayinic ta scuenta ch'ich'-baq'uet, o ta scuenta sc'anojel yo'tan winic, ha ya x'ayinic ta scuenta te Diose.

Romanos 7:5

Como te c'alal ayotic ta scuenta ch'ich'-baq'uet a, te bin chopol la smulan te jbaq'uetaltic te hachbot yu'un te Ley, ha la spas ya'telic ta jbaq'uetaltic te la yac' sitinuc te lajele.

Génesis 6:5

La yil te Jehová te bayel bintic chopol yac spasbelic te mach'atic ayic ta bahlumilal, soc te spisil ora ma lecuc te bintic ya snopticlan ta yo'tanic.

Génesis 5:3

Ay lajuneb shucwinic (130) ya'bilal a te Adán, ayin snich'an te pajal yilel soc, Set la ya'be sbihilin.

Romanos 7:25

¡Wocol yal Dios, ta scuenta te Cajwaltic Jesucristo! Ha yu'un te ho'one, ta co'tan ya cac' jba ta a'batinel yu'un te ley yu'un Dios, pero ta jbaq'uetal ya cac' jba ta a'batinel yu'un te ley yu'un te mulile.

San Juan 3:7

Ma me xcham awo'tan yu'un te la jcalbat: Ya sc'an ya xcha'ayinex xan, te xchihone.