San Juan 3:27 - Bible in Tzeltal Bachajón

²⁷ La sjac' te Juan: Mayuc bin ya xhu' ya yich' te winic teme ma ha'uc a'bibil tal ta ch'ulchan.

Nuevo Testamento Tzeltal de Amatenango

²⁷ Te Juane la yaltalanbe: —Maꞌyuk tut ya xjuꞌ yuꞌun spasel jtul winik teme ma jaꞌuk ya xꞌaꞌbot spas yuꞌun te Diose.

Bible in Tzeltal de Oxchuc y Tenejapa

²⁷ Te Juan jich la yal: —Ma'yuc jtuluc winic te ay bila ya xc'ot ta swenta spasel teme ma ja'uc ya x'ac'bot spas yu'un te Diose.

San Juan 3:27 Referans Kwoze

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.

1 Corintios 4:7

como ¿mach'a ya yac'at te toyol ayat yu'un te yane? ¿Bin ay awu'un te ma ba awich'oj? Teme ha la awich'e ¿bin yu'un te yac atoy aba yu'un te sjel te ma ba awich'oje?

1 Corintios 15:10

Pero ta scuenta yutsil yo'tan Dios hich ayon te bin ut'il ayone; soc ma tojoluc te yutsil yo'tan ta jtojol, c'ax hich a'tejemon a te bin ut'il a'tejem spisil te yantic jpuc-c'opetique; pero ma ho'ucon, ha nix te yutsil yo'tan Dios ta jtojol.

Amós 7:15

Pero te Jehová la yic'on loq'uel ta scanantayel te tuminchijetic, hich la yalbon: Bahan, halbeya sc'op-jalwanej te Israel te pueblo cu'une, xchi.

San Mateo 25:15

Te jtuhl la ya'be ho'eb talento, te yane la ya'be cheb talento, te yane la ya'be jun talento, ha chican bin ut'il ya xhu' yu'unic scuentahinel jujutuhl; patil baht ta namal.

Jeremías 17:16

Pero ma ba la jt'unat ta sc'anel te yac awac'ticlambe castigo, soc ana'oj te ma ba jc'anoj te sc'ahc'alel wocol; te bin caloj ta que, ay ta atojol.

Jeremías 1:5

Te c'alal ma to pasbilat cu'un ta sch'uht a te anan, la jna'bat aba; te c'alal ma to x'ayinat a, parte la jcac'at; la jca'bat awa'tel ta jalwanej ta stojol te nacionetique, xchi.

Números 17:5

Ha ya xnichin te snahbate' te mach'a tsahbil cu'un, hich ya cac' quehchajuc ta jtojol te spartehic te snich'nab Israel te la scontrahinexe, xchi.

1 Timoteo 2:7

Ha scuentahil te la jquich' ca'tel ta yalel sc'op Dios soc ta jpuc-c'op soc ta maestro yu'un te jyanlumetic yu'un ya ca'be sna'ic bin ay ta ch'uhunel soc bin a te smelelil c'ope. Melel te bin ya cal ta stojol Cristo, ma jlotuc.

San Mateo 21:25

Te ich'-ha' yu'un te Juan, ¿banti tal? ¿Talem bal ta ch'ulchan o ta stojol ants-winic? xchi. Hich talel c'axel la yalbe sbahic: Teme ya caltic: Talem ta ch'ulchan, teme xchihotic, ya me yalbotic: ¿Bin yu'unix ma ba la ach'uhunic hiche? ya me yutotic.

Romanos 12:6

Ha yu'un ay chahpalchahp mahtaniletic cu'untic, ha chican bin a'bibilotic yu'un Dios: te mach'a ha smahtan yalel sc'op-jalwanej, pasa chican hich smuc'ul sch'uhunel yo'tan;

San Marcos 13:34

Hich c'ohem te bin ut'il jtuhl winic te baht ta namal, la yihquitay hilel sna, la ya'be hilel ya'tel te a'batetic yu'un, jujutuhl te bin ya spasic, soc la yalbe te jcanan-ti'nahil te ya me swic'sitay sba.

Efesios 1:1

Pablo, jpuc-c'opon yu'un te Jesucristo ta scuenta sc'anojel yo'tan Dios, ta stojol te mach'atic ayic ta Éfeso te ch'uhltesbilic soc te jun yo'tanic ta stojol Cristo Jesús:

Gálatas 1:1

Pablo, jpuc-c'op, (ma ticombilucon yu'un winiquetic soc ma ta scuentahuc winic, ha ta scuenta Jesucristo soc te Dios Tatil te la scha'cuxajtes tal te Jesucristo ta yohlil te mach'atic chamenic),

1 Corintios 12:11

Pero ta spisil ini ha nix ya spas te Espíritu, ha ya spucticlambe ta tuhlutuhl ha chican bin ya sc'an yo'tan stuquel.

1 Corintios 3:5

¿Mach'a a te Pablo, soc mach'a a te Apolos? Ha a'batetic te ha ta scuentahic te la ach'uhunique; soc ha chican te bin a'bot spas jujutuhl yu'un te Cajwaltique.

Romanos 1:5

Ha ta scuenta te Jesucristo te quich'ojcotic yutsil-o'tanil soc a'tel ta jpuc-c'op scuenta yu'un hich ya sch'uhunic Dios a te mach'atic ayic ta spisil nacionetic, ta scuenta yich'el ta muc' te sbihile.

1 Corintios 1:1

Pablo, te ic'bil ta jpuc-c'opil yu'un Jesucristo ta scuenta sc'anojel yo'tan Dios, soc nix te quermanotic Sóstenes,

San Juan 6:65

Hich la yal xan: Ha scuentahil te la jcalbeyex te mayuc mach'a ya xhu' ya xtal ta jtojol teme ma ba ic'bil tal yu'un te Tatile, xchi.

San Juan 10:41

Tsobol talic ta stojol, hich la yalic: Melel te Juan mayuc seña la spas stuquel; pero spisil te bin la yal te Juan sc'oblal te winic ini, melel nix a, xchihic.