San Juan 3:21 - Bible in Tzeltal Bachajón

²¹ Yan te mach'a ya spas te bin smelelil, ya xtal ta sacal q'uinal scuenta yu'un hich ya xchicnaj a te ha ta scuenta Dios te ya'tele, xchi.

Nuevo Testamento Tzeltal de Amatenango

²¹ Pero te machꞌa ya skꞌayes sba ta spasel te tut batsꞌi jiche, ya xtijilajik ta sakil kꞌinal stukel, para ke jich ya xchiknaj ta ilel spisil te yaꞌtelike te jich ya skꞌan te Diose.

Bible in Tzeltal de Oxchuc y Tenejapa

²¹ Yan te mach'atic ya spas te bila smelelile, ya xtalic ta bay te saquil q'uinale. Jich ya xchicnaj ta ilel te bit'il ja' ta swenta Dios spisil te yat'elic yacalic ta spasele.

San Juan 3:21 Referans Kwoze

1 Juan 1:6

Teme ya caltic te ha jun co'tan jbahtic soc te Diose, pero teme yacotic ta behel ta yihc'al q'uinal, ya ca'iytic lot soc ma ba yacotic ta spasel te bin ya yal te smelelil c'ope.

3 Juan 1:11

Hermano te c'uxat ta co'tan, ma me xanop spasel te bin chopol, ha me xanop spasel te bin leque. Te mach'a ya spas te bin lec, ha me yu'un Dios stuquel, yan te mach'a ya spas te bin chopol, ma ba yiloj te Diose.

Efesios 5:9

(como te sit ya yac' te Espíritu, ha te lec-o'tanil, spasel bin toj, soc smelelil c'op)

Salmos 119:105

Ha tsumbil c'ahc' yu'un coc te ac'ope, ha ya sacubtes te be cu'une.

Filipenses 2:13

como ha nix te Dios te ya x'a'tej ta awo'tanic, te ya yac' te yac ac'anic soc te yac apasic te bin lec ya sc'an yo'tan stuquel.

Gálatas 6:8

Te mach'a ya sts'un ta scuenta spoco'-talel, ha nix ya stsobe sit te spoco'-talel te ya xjinawane; yan te mach'a ya sts'un ta scuenta te Espíritu, ta scuenta Espíritu ya stsobe scuxlejal sbahtel q'uinal.

Salmos 119:80

Junuc me co'tan ta stojol te halbil mandariletic awu'un, scuenta yu'un ma ba ya jta q'uexlal a.

1 Pedro 1:22

Te bin ut'il la alecubtesbeyex ach'uhlelic ta scuenta te la ach'uhunic te smelelil c'op, ta scuenta te Espíritu, te hich c'ux yac awa'iy abahic ta awo'tanic ta melel, talel c'axel c'ux me xawa'iy abahic ta spisil awo'tanic,

Hebreos 13:21

ac'a scoltayex ta spasel spisil bintic lec scuenta yu'un yac apasic te bin ya sc'an yo'tan, soc ta scuenta Jesucristo ac'a a'tejuc ta awo'tanic ta spasel te bin lec yo'tan yu'une; ayuc me yutsilal te Cristo scuenta sbahtel q'uinal stuquel. Hichuc.

Colosenses 1:29

Ha scuentahil te ya x'a'tejon, ya cac' fuersa ta scuenta yu'el stuquel, te tulan yac ta a'tel ta jtojol.

Filipenses 1:11

te nojelex ta sit yu'un te bintic stojil ta pasel te ya xtal ta scuenta Jesucristo, scuenta yutsilal soc yalbeyel yutsil sc'oblal te Diose.

San Juan 5:39

Yac anopilanic ta lec te Shun Dios yu'un yac awalic te tey yac awich' acuxlejalic sbahtel q'uinal a; tey nix halbil jc'oblal a,

San Juan 1:47

C'alal la yil te Jesús te yac ta nohpojel tal te Natanael, hich la yal: Ilawil, ha mero israel-winic te ma sna' lo'loywanej stuquel, xchi.

2 Corintios 1:12

Hich ay te bin ya xtohy q'uinal ya ca'iycotic yu'un: Ha te ya yal te co'tancotic te smelelil soc ta scuenta jun-o'tanil te ya yac' te Dios hich a'tejotcotic ta bahlumilal, soc c'ax to xan hich a ta awohlilic. Ma hichuc la jpascotic ta scuenta sp'ijil ch'ich'-baq'uet, ha la jpascotic ta scuenta yutsil yo'tan te Diose.

1 Corintios 15:10

Pero ta scuenta yutsil yo'tan Dios hich ayon te bin ut'il ayone; soc ma tojoluc te yutsil yo'tan ta jtojol, c'ax hich a'tejemon a te bin ut'il a'tejem spisil te yantic jpuc-c'opetique; pero ma ho'ucon, ha nix te yutsil yo'tan Dios ta jtojol.

Oseas 14:8

Hich me ya yal te Efraín: ¿Bin cochel a te loc'ombahetic? xchi. Ho'on ya ca'iybe sc'op soc ya jcanantay; hich ya xc'ohon ta stojol te bin ut'il taj te spisil ora yax, ya xloc' tal ta jtojol te sit awu'une.

Isaías 26:12

Jehová, ha'at yac awa'botic lamal q'uinal, como ha'at la awac' c'ohtuc ta pasel spisil bintic la jpascotic te ho'otcotique.

Apocalipsis 3:15

Ya jna' bin yilel awa'tel, te ma sicucat soc ma q'uixinucat. ¡Ha lec te sicucat o q'uixinucat!

Isaías 8:20

¡Ac'a bahtuquic ta stojol te ley soc te testigo-c'op! Teme ma hichuc ya xc'opojic, ha ta scaj te ma ba sacuben q'uinal yu'unique.

San Juan 3:20

Como spisil te mach'atic ya spasic te bin chopol, ya yihlayic te sacal q'uinal, ma xtalic ta stojol te sacal q'uinal scuenta yu'un ma xchicnaj te ya'telique.

San Juan 7:17

Te mach'a ya sc'an ya spas te bin ya sc'an yo'tan te Diose, ya me sna' teme ha nohptesel yu'un Dios o teme jtuquel-o'tan nax ya xc'opojon.