San Juan 21:22 - Bible in Tzeltal Bachajón

²² Halbot yu'un te Jesús: Teme ya jc'an te cuxul to a te c'alal ya xtalone, ¿bin awochel a? T'unawon te ha'ate, xchi.

Nuevo Testamento Tzeltal de Amatenango

²² Te Jesuse la sjakꞌbe: —Teme ya skꞌan koꞌtan te kuxul to a te ya xchaꞌtalone, ¿tuti wochel a te jaꞌate? Laꞌ me, laꞌ tsꞌakliyaon —xyut.

Bible in Tzeltal de Oxchuc y Tenejapa

²² La yal te Jesuse: —Teme ya sc'an co'tan te cuxul to te c'alal ya xcha'talone, ma awentauc te ja'ate. La' me, joinawon —la yut.

San Juan 21:22 Referans Kwoze

San Marcos 9:1

Te Jesús la yalbe xan: Jamal ya calbeyex te ay mach'atic li' ayic te ma to ba chamenic a ya me yilic te ya xtal soc yu'el te cuentahinel yu'un Dios, xchi.

Apocalipsis 2:25

pero te bin ay awu'unic ich'ahic ha to c'alal ya xtalon.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

Apocalipsis 3:11

Nopol ya xtalon. Ma me xch'ay awu'un te bin ay awu'un, scuenta yu'un mayuc yan mach'a ya yich'bat te acorona.

Santiago 5:7

Quermanotac, junuc me awo'tanic ta smahliyel ha to c'alal ya xtal te Cajwaltique. Ilawil bin ut'il te j'a'tel ta q'uinal ya smahliybe sit te sts'unub yawal, jun yo'tan ya smahliy te sba yahlelan ha'al soc te slajibal syahlel ha'ale.

1 Corintios 11:26

Ha yu'un te jujun buelta te yac awe'ic te pan soc te yac awuch'ic te bin ay ta copa ini, ha yac apuquic ta halel te cham te Cajwaltic, ha to c'alal ya xcha'tal xan.

San Juan 21:19

Hich la yal, yu'un la ya'be sna' te bin lajelil ya ya'iy te ya yac' ta ich'el ta muc' a te Diose. C'alal laj ta halbeyel a, la yal xan: T'unawon, xchi sc'oblal.

San Mateo 24:44

Ha nix hichex, chapaluquex me, como ya xtal te Nich'anil ay ta scuenta winic te bin ora ma ba yac ana'belic a.

Apocalipsis 22:20

Te mach'a ya yal ha'i testigo-c'op ini, hich ya yal: Melel, nopol ya xtalon, xchi. ¡Hichuc, la', Cajwal Jesús!

Apocalipsis 22:7

¡Ilawil, nopol ya xtalon! Bayel me yutsil te mach'a ya scanantay te sc'op-jalwanej te ay ta libro ini, xchi te Jesús.

Apocalipsis 1:7

¡Ilawil! yac ta talel ta tocal; spisilic ya me yilic, soc nix te mach'atic la slowique; soc spisil ta chahp ants-winiquetic ta bahlumilal ya me yoq'uetay sbahic ta scuenta. Lec ay. Hichuc.

San Mateo 25:31

C'alal ya xtal soc yutsilal te Nich'anil ay ta scuenta winic soc spisil te ch'ul a'batetic, ya shuhcan sba ta smuc'ul-huctajib ta utsilal,

San Mateo 24:27

Como hich te bin ut'il tsantsehwal te ya xchicnaj c'alal banti ya xloc' tal c'ahc'al ha to banti ya xmahl c'ahc'al, hich ya xtal te Nich'anil ay ta scuenta winic.

San Mateo 24:3

C'alal hucul ta Wits yu'un Olivohetic a te Jesús, stuquel nohpojic tal te jnopojeletic, hich la yalbeyic: Hala ca'iycotic, ¿bin ora ya xc'oht ta pasel ini soc bin señahil yu'un te ya xtalat soc yu'un te slajibal c'ahc'al? xchihic.

San Mateo 8:22

Hich halbot yu'un te Jesús: T'unawon; ha nix ac'a smuc sbahic te mach'atic pajal chamen soque, xchi sc'oblal.

San Mateo 16:24

Ha yu'un te Jesús hich la yalbe te jnopojeletic yu'une: Teme ay mach'a ya sc'an ya st'unon, ac'a sloq'ues sba ta yo'tan, ac'a sq'uech bahel scruz soc ac'a st'unon.

San Juan 21:21

C'alal ilot yu'un te Pedro, la sjoc'obe te Jesús: Cajwal, ¿haxan ha'i winic ini? xchi.

1 Tesalonicenses 2:19

Como ¿bin a te smuc'ul co'tancotic, te stse'elil co'tancotic soc te corona te ya jtoy q'uinal ca'iycotic yu'un ta stojol te Cajwaltic Jesucristo te c'alal ya xtale? ¿Ma bal ha'uquex?

Santiago 5:8

Ha nix hichex, junuc me awo'tanic xamahliy soc ayuc me yip awo'tanic, como nopolix ya xtal te Cajwaltique.