San Juan 20:31 - Bible in Tzeltal Bachajón

³¹ Pero ha'i señahiletic ini la yich' ts'ihbayel scuenta yu'un hich me yac ach'uhunic a te ha Cristo te Jesús, te ha Snich'an Dios, soc teme yac ach'uhunic, ay me acuxlejalic ta scuenta te sbihile.

Nuevo Testamento Tzeltal de Amatenango

³¹ Pero jaꞌ nax a yichꞌ tsꞌibayel to yuꞌun jich me ya achꞌuunik a te jaꞌ Cristo sok jaꞌ te xNichꞌan Dios te Jesuse. Y teme la achꞌuunike, ay akuxlejalik sbajtel kꞌinal ta skuenta te Jesuse.

Bible in Tzeltal de Oxchuc y Tenejapa

³¹ Ja' nax la yich' sts'ibuyel sc'oplal in yipal señaetic to, swenta yu'un jich me ya xch'uun awo'tanic te ja' Cristo soc Snich'an Dios te Jesuse, swenta yu'un, teme ya xch'uun awo'tanique, jich me ya xcuxinex ta swenta te Jesuse.

San Juan 20:31 Referans Kwoze

Hechos 10:43

Ha me te halbil sc'oblal yu'un spisil jalwanejetic te ta scuenta sbihil Jesús ya xpasbot perdón yu'un smul spisil mach'atic ya sch'uhunic, xchi te Pedro.

1 Juan 5:1

Spisil mach'a sch'uhunej te ha Cristo te Jesús, ayinemix ta scuenta Dios, soc te mach'a c'ux ta yo'tan te tatil, ha nix hich c'ux ta yo'tan te snich'ane.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

1 Juan 4:15

Spisil mach'a ya yal ta jamal te ha Snich'an Dios te Jesús, Dios ay ta yo'tan soc ha ay ta stojol Dios.

San Juan 3:36

Te mach'a ya sch'uhun te Nich'anil ay scuxlejal sbahtel q'uinal; yan te mach'a ma sc'an ya sch'uhun te Nich'anil, ma ba ya yil te cuxlejal stuquel, ha ayix ta stojol te yilimba Dios, xchi te Juan.

San Juan 3:18

Te mach'a ya sch'uhun, ma ba ya x'a'bot stoj smul; yan te mach'a ma ba ya sch'uhun, ya stoj smul stuquel, como ma ba la sch'uhun te hip jtuhl Snich'an te Diose.

2 Juan 1:9

Mach'ayuc a te ya xhowiy, te ma ba ya x'ayin ta stojol te bintic ay ta nopel yu'un Cristo, ma ba ay ta yo'tan te Diose; yan te mach'a ya x'ayin ta stojol te bintic ay ta nopel yu'un Cristo, ay ta yo'tan te Tatil soc te Nich'anile.

San Juan 6:40

Hich ay te bin ya sc'an yo'tan te mach'a la sticonon tal: ha te ayuc scuxlejal sbahtel q'uinal spisil te mach'a ya yil te Nich'anil soc ya sch'uhun; soc ya jcha'cuxajtes ta slajibal c'ahc'al, xchi.

San Juan 19:35

Te mach'a la yil yac yalbel ta testigo-c'op, soc mero melel te bin ya yal ta testigo-c'op; sna'oj te melel bin ya yal, scuenta yu'un hich nix yac ach'uhunic a te ha'exe.

San Juan 20:28

La sjac' te Tomás: ¡Cajwal, Dios cu'un! xchi.

San Juan 10:10

Te j'elec' ha nax ya xtal ta elec', ta milaw soc ta jinaw. Ho'on talemon scuenta yu'un ya yich' scuxlejalic, scuenta yu'un bayel ya yich' scuxlejalic a.

San Juan 5:24

Tulan sc'oblal ya calbeyex, te mach'a ya ya'iybon jc'op soc ya sch'uhun te mach'a la sticonon tale, ay scuxlejal sbahtel q'uinal soc ma ba ya x'a'bot stoj smul, c'axemix yu'un te lajel, ayix scuxlejal.

San Lucas 1:4

scuenta yu'un yac ana' a te ha smelelil te bintic a'bibilat anop.

San Mateo 16:16

Ha la sjac' te Simón Pedro: Ha'at te Cristohat, te Snich'anat te cuxul Dios, xchi stuquel.

San Lucas 24:47

soc ya me yich' puhquel ta halel ta scuenta sbihil ta spisil nacionetic sc'oblal te suhtesel-o'tanil soc te perdón yu'un mulil, ha ya xhahch bahel ta Jerusalén.

San Marcos 16:16

Te mach'a ya sch'uhun soc te ya yich' ha', ya me xcol; yan te mach'a ma ba ya sch'uhun, ya me x'a'bot stoj smul.

San Mateo 27:54

Te capitán-soldado soc te mach'atic sjoquinejic ta scanantayel te Jesús, c'alal la yilic te nihquel soc te bin c'oht ta pasel, bayel xiw yo'tanic yu'un, hich la yalic: ¡Ta mero melel ha Snich'an Dios ini! xchihic.

Hechos 9:20

Te Saulo ora hahch ta yalel ta sinagogahetic te ha Snich'an Dios te Jesús.

Hechos 8:36

Yacalic ta behel bahel ta be a, la stahic ha', la yal te eunuco-winic: Ay ha' li'i, ¿bin ya smacon teme ya quich' ha'e? xchi.

Hechos 3:16

Ha ta scuenta sch'uhunel yo'tan ta stojol Jesús te la yich'ix yip ha'i winic ini te yac awilbelic soc te yac ana'beyic sbahe. Ha te sch'uhunel-o'tanil ta scuenta Jesús te la yac' lecubuc ta jc'axel ha'i winic ini te ay ta atojolique.

San Juan 1:49

La sjac' te Natanael: ¡Rabí, ha'at te Snich'anat Dios! ¡Ha'at Ajwalilat yu'un Israel! xchi.

Salmos 2:12

Ich'ahic ta muc' te Nich'anil scuenta yu'un ma ba ya x'ilin, te hich ya xlajex ta be yu'un; como ora nax ya xtihl yilimba. ¡Bayel me yutsil spisil te mach'atic ha smuc'ulinej yo'tanic te Diose!

Salmos 2:7

Ya jpuc ta halel te bin yaloj ta mandar te Jehová: hich la yalbon: Ha'at jnich'anat; nax to nax ayinat cu'un.

Apocalipsis 2:18

Ts'ihbabeya te ch'ul a'bat yu'un te iglesia ta Tiatira: Hich ya yal te Snich'an Dios, te sjel ta yat c'ahc' te sit soc hich yilel yoc te bin ut'il xlipet huxbil bronce:

1 Pedro 1:9

como yac awich'belic te bin scuentahil te sch'uhunel awo'tanic, ha te scolel ach'uhlelique.

San Mateo 4:3

Tal ta stojol te jlo'loywanej, hich halbot yu'un: Teme ha'at Snich'anat Dios, hala te yacuc xc'atp'uj ta pan te tonetic ini, xchi.

San Lucas 1:35

La sjac' te ch'ul a'bat: Ya me xhul ta atojol te Ch'ul Espíritu, ya spotsat ta yaxinal yu'el te Mach'a ay ta toyol; ha yu'un te Ch'ul Alal te ya x'ayine, Snich'an Dios sbihil ya xc'oht.

Hechos 8:37

La sjac' te Felipe: Teme spisil awo'tan yac ach'uhun, ya xhu', xchi. Ya jch'uhun te ha Snich'an Dios te Jesucristo, xchi te eunuco-winique.